ISAIA 13:22 - Khumi Common Language Bible

²² Angdeangrachi hawi samrang yhmchi ly kasui hawi khivachi a-u nai katyn hawimy amsau na ai. Babulon mary y kamngo pajeng nai neng kani ly ang tym bo! Huna nai awm nai neng kani py dym ai nai kasa bo.

ISAIA 13:22 ပူးပေါင်းရင်းမြစ်များ

SAM 44:19

Na i py nang ly kaichi ai daichi mawi kasichi awm nai meingtym y kajeaung kamang khai su bo. Veng keh nai meingtym y aphi su iy, khai nai ne.

ISAIA 14:23

Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

ISAIA 25:2

Nang ly marychi ai phra seaungkhrang hai iy, mary apai katheuchi ai py taphra pawn bo. Kaichi i paleung ka-echi my sa pi nai samrang yhmchi ly deungtasarei tama veng nai ne.

ISAIA 32:14

Samrang i yhm malawn py huni my tlairei awm su iy, mary pui ly khumi angso savai tlang naimy awm ai. Huni mary pui y typ nai amtangrachi hawi yhmchi py, deungrei phra naimy awm jo ai. Huni meingtym y keaungngo kano kasau karamchi tlumtlai iy, beramchi teicha tlai u ai.

ISAIA 34:13

Samrang yhmchi hawi lengseaung apai tapang nai mary bawibawichira y aleng keung cheaungkhangchi prau iy, khivachi hawi beaungkuchi awm naira lawm ai.

ISAIA 34:14

Huni meingtym y daichi mawichi tlumtlai iy, mito namlichi py hang lengleang ai. Ka-jei awm nai vum i veuvapui py huni meingtym y jeu iy, chym ai nai meingtym hau ai.

ISAIA 35:7

Kabi ango parai nai speungchi ly tui sampum lawm iy, khutaha khaileaung py tuikhochi kawi mang naimy awm ai. Khivachi tlai reng nai meingtym y speung samji keung hawi japang uipo keungchi prau ai.

ISAIA 43:20

Daichi mawichi malawn py, kai ai tahm khai iy palo u ai. Kai ly kaimy vawi takhra nai khumichi tui nga ai nai molam tui by y nai daichi ka-vymra y tavo tuichi leaung hai nai khala y khivachi hawi kula-iu tavochi ly kai ai palo u ai.

JEREMIA 48:16

Moba pri i taham kasi ly kasa dudu bo i, huni pri phra seaungkhrang ai nai neng ly kra y naimy tym ai.

JEREMIA 51:33

Kra y naimy paleung ka-echi ly nichi ai ateng piupa iy, talang prangra i chohchi ai kamta ati piupa ai. Hini ly Israela chengchi i Tameuh, ati cheaungkhang sa thai nai keung Areng i thui nai leu ne,” napi.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

TANGAM NAI LEU 4:3

Kasuinu malawn py my i chochi ai kanu panei reng teu i py, kai i khumichi ly tavo kula-iuchi kamta, mymychi i cho chanauchi tlang tleaung y ana u bo.

MIKHA 1:8

Naibaly Mikha my, “Huni molam y kai ly vo tangam ai. Kai ly paleung si nai sai patei ai nai phainai amchiu y, baichu amchiu y naimy amki ai. Kai ly khiva kamta a-u iy kula-iu tavo kamta tangam ai.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

ZEPHANIAH 2:14

Huni meingtym ly beram kanghu hawi amso tawnbawi cheaungkhangchi anawnra lawm ai. Beaungkuchi ly yhm kaphrachira y awm iy, thaibeng pa-khochi mang hang ai. O-achi py khailei kheupora y chym iy hang ai. Huni maryra y awm nai yhmchira i saitleang keungchi ai py, khumichi my la u pawn ai.

Leu Thui Nai 32:35

Areng ly paleung ka-echi ai pajeng iy vawitheung tha ai; nichi i sum nai neng tym ai; nichi myh ai nai neng ly kasa bo.

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.