ISAIA 13:20 - Khumi Common Language Bible

²⁰ Huni meingtymra y mana khala py khumichi awm ai nai nga u ai ny y. Mani Arab cheng khuleaung kacheichi py, tai sa iy anga ai nai nga u ai ny y. Mani beram typ nai keungchi py huni meingtym y, mychi i beram kanghuchi sui patlai ai nai nga u ai ny y.

ISAIA 13:20 ပူးပေါင်းရင်းမြစ်များ

2 NENG SATANG 17:11

Philistia cheng phyreichi ly Jehoshapha teng y tangka neangneang hawi takhra langseaungchi syn pi. Arab cheng phyreichi my py beram amai 7,700 rei hawi mi-i amai 7,700 rei syn pi.

JOBA 3:7

Huni vum ly syhp, ti na sy; amo theu nai katyn thai moh sy.

Solomon i khulym 1:7

Kai i khrei nai awi, nang i beram kanghu ai mani meingtym y teicha patlai ai mo, nanai py, kani thun nai khala mani meingtym y anawn hai ai mo, nanai py kai ai thui pi ba. Kai ly ati mana nai y nang ai takhra beram typ nai keungchi i beram kanghuchi theung y hau ai mo?

ISAIA 14:23

Kai ly Babulon mary ai akai hai iy, beaungkuchi ly huni meingtym y awm u ai. Kai ly yhmpheu pasi nai khumi kamta, Babulon mary i awm nai ngiereichi ai taphra pawn ai. Hini ly ati cheaungkhang sa thai nai keung kai, Areng my thui nai leu ne,” napi.

ISAIA 21:1

Hini leu pei nai ly Babulon mary i vui ne. Khutaha daichi ka-ym theung y aho prei nai ali tengkaleng kamta, ka-jeira ly jei hawi parai nai pri mang dengdairei ang tym ai.

ISAIA 25:2

Nang ly marychi ai phra seaungkhrang hai iy, mary apai katheuchi ai py taphra pawn bo. Kaichi i paleung ka-echi my sa pi nai samrang yhmchi ly deungtasarei tama veng nai ne.

ISAIA 34:17

Huni heng nai amjy cheaungkhangchi ai khaileaung salo y khu ka-peang phy paji pi nai keung ly Areng ne. Nichi ly cheng vuijeungrei huni khu ka-peangchira y awm u ai. Hunichi ai py peang jojo ai nai nga u ai.

JEREMIA 49:33

Hazor mary ly khivachi aeungra, khumi angso savai tlang nai meingtym lawm hai jojo ai. Huni meingtym y ami py awm ali bi ai ny y. Hini ly kai, Areng i thui nai leu ne,” napi.

JEREMIA 50:13

Kai i kado theu nai molam y Babulon mary y ami py awm ai nai nga u ai ny y. Huni mary ly phra seaungkhrang naimy awm ai. Huni sahawi mang tako nai khumi bawibawichi ly huni mary i avum nai leaungsaichi niu nai ly athengra iy kaso theu naimy lyh u ai.

JEREMIA 50:21

Areng my, “Tavai atiu ham nai Merathaim khumichi hawi Pekod khumichi ai tiu u. Nichi ai tleh u pawn. Kai i leu pei nai ngierei so u. Hini ly kai Areng i thui nai leu ne.

JEREMIA 50:3

“Tosyh ngan mang i khumi cheng harei ly Babulon mary y tiu ai nai ang jeu iy, huni mary ai khutaha daichi ka-vym lawm hai ai. Khumi hawi tawnbawichi preang pawn ai i, huni meingtym ly khumi angso savai tlang naira lawm ai,” napi.

JEREMIA 50:39

“Hunai deaungkho y Babulon mary ly vawinamchi, kasitahuchihawi tavo kasichi abyhra lawm ai. Huni mary ly mo mang y khumi angso savai tlang nai meingtym lawm jojo ai.

JEREMIA 50:45

Hunai deaungkho y Babulon mary i vui y kai i sa nai sai ai py, mary i khumichi i vui y kai i paran yb nai sai ai py tangai u. Paleung ka-e ly nichi i cho chanauchi ai malawn py, athorei my ryh phraiphro iy hawi vui ai. Niu nai khumi bawibawichi ly athengra iy kaso theu u ai.

JEREMIA 51:25

Aw Babulon mary, nang ly khaileaung pri verei y taphra reng nai mawi hawi atawm; na i py kai Areng ly nang i paleung ka-e ne. Kai ly nang ai atheu iy khaileaung hawi vanrei padyh vui ai. Nang ai maidym lawm hai vui ai.

JEREMIA 51:29

Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

JEREMIA 51:43

Huni marychi ly kaso tahyn theu ai hawi naira lawm iy, khumi angso savai tlang naira, tui by y nai daichi ka-vym hawi atawm bo. Huni marychi mang y ami py khuleaung chei u y bo.