ISAIA 13:19 - Khumi Common Language Bible

¹⁹ Babulon pri ly pri leilachi theung y apu keh iy, mary i khumichi i vui amlyh naira lawm bo. Na i py kai, Areng ly Sodom hawi Komora mary y sa nai kamta, Babulon ai py phra hai ai!

ISAIA 13:19 ပူးပေါင်းရင်းမြစ်များ

ATITI AWM ANGCHEI NAI 19:24

Areng my Sodom hawi Komora mary salo y tlenrei khyh my kan mai kani nai hai bo.

ATITI AWM ANGCHEI NAI 19:25

Khaileaung salo y prau nai cheaungkhang hawi adym ang deng leaunghawira awm nai khumichi py, mary i awm nai khumi bawibawichi ai py taphra be bo.

ISAIA 13:1

Hini leu pei nai ly Babulon pri i molam y Tameuh my Amoz i chapo Isaia teng y tym nai leu ne.

ISAIA 21:9

keaungngo atang nai risachi ly leaungnyh ka-bom, leaungnyh ka-bom vaimy theu u bo. Hunaibaly tamcheaung my, “Babulon mary anawi veng bo. Nichi i chiu nai myn ngiereichi py, khaileaung y tleu piupa veng bo,” nanai satang thai hai nai ne.

ISAIA 47:5

Areng my Babulon mary teng y, “Tyn teng y nai vengra y ateh. Khumichi ly nang ai, khumi cheng cheaungkhangchi i samrangnu, nanai palau u bi ai ny y!

ISAIA 48:14

“Nangchi bawibawi ly jeu achu iy, kai i thui nai tangai u! Kaimy vawi takhra nai khumi ly Babulon pri y tiu ai, nanai py, kai i kangai sa pi ai nanai py, mani tameuh my py thui pi yb thai y leang.

JEREMIA 25:12

Naibaly kai ly Babulon samrang hawi khumichi teng y, mychi i sa tamang nai kamngo molam y pajeng ai. Nichi i pri ai taphra iy deungtasarei phra naimy awm hai ai.

JEREMIA 49:18

Sodom mary, Komora mary hawi, tengpang sahawi i avangchi ly taphra naira avum nai kamta, Edom pri py avum teang ai. Neng tanareichy malawn py, huni pri y awm ai nai leaungrei py awm ai ny y. Hini ly kai, Areng i thui nai leu ne.

JEREMIA 50:40

Sodom, Komora mary hawi tengpang sahawi i avangchi ly kaimy taphra naira avum nai kamta, Babulon mary py avum teang ai. Neng tanareichy huni mary y khumi leaungrei py awm ai ny y. Hini ly kai Areng i thui nai leu ne.

JEREMIA 51:26

Nang i phra seaungkhrang naira i awm nai lengseaungchi ai, yhm hlau sa naira y mana khala py teaung ali ai ny y. Nang ly khumi angso savai tlang nai daichi ka-vym kamta lawm jojo ai. Hini ly kai, Areng i thui nai leu ne.

JEREMIA 51:29

Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

JEREMIA 51:41

Areng my Babulon mary molam y leu pei nai ly “Khaileaung pri vereichi my tahm pasang nai Babulon mary ai ly peang vui bo! Babulon mary ly khumi cheng cheaungkhangchi i vui kaso tahyn theu naira lawm dudu bo.

JEREMIA 51:62

Naibaly, ‘Aw Areng, nang ly hini meingtym y khumi hawi tawnbawichi raurei, heng nai amjychi tama nai, khutaha daichi ka-vym hawi atawm hai jojo ai, nanai leu pei nai ne,’ nanai chiu so ba.

DANIELA 4:30

mymy ly angdeang i, “Babulon mary ly khri pa-rei len parai na ly! Hini mary y kaimy i sa thai naira, kaimy i nang parai naira patei ai nai, kaimy sa nai mary pui ne,” nanai thui bo.

AMOS 4:11

“Kai ly Sodom hawi Komora mary ai taphra nai kamta, nangchi theung i khumi phyreichi ai py taphra vui bo. Dei kamthum khumichi py, mai theung i ajiu teang nai thengbeang hawi atawm nai ne. Na i py nangchi ly kai teng y jeu y naimy awm u bo,” nanai Areng my thui.

ZEPHANIAH 2:9

Kai ly meitang khyp, Israela chengchi i, heng nai Areng Tameuh ne nai kamta, Moba pri hawi Ammon pri ly Sodom hawi Komora marychi kamta, taphra naira avum ai, nanai vaineng abeu bo. Huni prichi ly palawi tai nai meingtym lawm i, deungtasarei phra iy acha keungchi kawi biu ai. Kai i khumichi theung i dei kamthumchi ly huni khumichi ai tiu iy, nichi i pri peang vui ai.”

ROM AVANGCHI TENG Y PAWLA I CHA PA NAI 9:29

Naibaly Isaia my teang, Mipuichi i Areng my ly ti ampreng ai nai keung ai ang khai pi moh khyly, Achi ly Sodom avang kamta awm ai i, Komora avang kamta ang palawn veng lawh nai bo he,” nanai thui rym nai kamta.

Leu Thui Nai 29:23

Nangchi i khaileaungchira y kan hawi palawichi sau hai nai deaungkho y, daichi ka-vym lawm ai; ati sai py pati ai nai ngo y ai, achachi malawn py prau ai ny y. Nangchi i pri ly Areng my khri pa-rei kado iy taphra nai Sodom hawi Komora mary, Adamah hawi Zeboim marychi ai sa nai kamta phra ai.

AMTENG HAI NAI 18:11

“Naibaly khaileaung pri i ka-pai sa nai keungchi ly ami my py nichi i vawnsai van pi y nai deaungkho y mymy i tlang tleaung y vo naimy paleung mawn u bo;

AMTENG HAI NAI 18:19

Naibaly nichi ly lu y spryh athi iy vo nai hawi paleung mawn naimy, ‘Huni avang pui ly taham si! taham si! Hunira y ly pangli paleaung keung ngiereichi ly huni i nang naira deaungkho y nang ra nang ra veng bo! Tanarei sala chy y huni ly ati sai py ny y nai palawn na ly,’ nanai aeu u bo.