ISAIA 13:11 - Khumi Common Language Bible

¹¹ Areng my, “Kai ly ka-jeira ai khaileaung salo y tym hai iy, khumi hawi y naichi ai mychi i kamngo nai molam y, kamngo pajeng ai. Kai ly amlyh am-e nai khumi ngiereichi ai tahm panem iy, paleung kalen asa nai hawi pahyp y naimy ana nai khumi bawibawichi ai, kamngo pajeng ai.

ISAIA 13:11 ပူးပေါင်းရင်းမြစ်များ

JOBA 40:12

Nichi ai kamjau khai; khumi hawi y naichi ai avum nai meingtym y tamyh pawn ba.

LEU KACHENG 11:31

Khumi kahawichi ly khaileaung pri y hawi naira amtym u ai; huna nai kamta teang, kamngo sa nai khumichi ly meitang khyp, pajeng naira avum u ai.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 14:21

Amsi pajochi i kamngo deaungkho y, chapochi tlang tleaung y padei ai nai amteaung u na sy! Hini samrang i kangpreangchi theung y ami py, khaileaung pri y peang ai nai nga ai ny y.”

ISAIA 14:5

Khumi mipuichi ai kado theu naimy ana iy my i pajau nai khumichi ai py,

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 22:14

Ati cheaungkhang sa thai nai keung Areng mymy kypkyp my kai teng y, “Huni khumichi ly hini hawi y naira molam y heng nai sala ryrei, mana khala py kamngo lawi naira nga u ai ny y. Hini ly ati cheaungkhang sa thai nai keung kai, Areng my thui pi nai leu ne,” napi.

ISAIA 23:9

Ati cheaungkhang sa thai nai keung Areng ne na a. Mymy ly nichi i paleung len nai sai nau hai vui ai ngai nai deaungkho y, nichi theung y tahm awm nai khumichi ai tahm pasang vui ai ngai nai deaungkho y, hina nai sa nai ne.

ISAIA 24:21

Kani khusang ai peang nai vawinamchi hawi khaileaung y peang nai samrangchi ai, Areng my pajeng nai neng tym ai.

ISAIA 25:3

Sathai naira haiho len nai khumichi ly nang ai palo u ai. Pahyp y naimy ana nai khumichi awm nai marychi py, nang ai jei naimy awm u ai.

ISAIA 25:5

khutaha meingtymra y kani khang nai hawi py, atawm nai ne. Na i py aw Areng, nang ly kaichi i paleung ka-echi raawi anawn hai bo. Khupanym ly bi pahui nai kanito ai savai hai nai kamta, nang ly pahyp y naimy ana nai khumichi i aeu nai katyn anawn hai bo.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

ISAIA 29:20

Amichi ai ana iy Tameuh ai mei aniu y nai khumichi ly tama u ai. Kamngo sa nai khumi ngiereichi ly sum naira nga u ai.

ISAIA 29:5

Aw Jerusalem mary, nang ai tiu nai cheng takhra khumichi ly spryh kamta py, nichi i ka-jei hawi parai nai tavaimichi ly choh ali kamta py, vaimy ahei u pawn ai.

ISAIA 3:11

Khumi hawi y naichi ly taham si u ai. Mychi i hawi y naira dawn nai, tau nai, sa naichi molam y, kamngo pajeng naira avum u ai.

ISAIA 5:15

Khumi luteng kangji nga iy paleung len nai khumi ngiereichi py, tahm anem naira avum u ai.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

JEREMIA 48:29

Moba pri ly khri pa-rei amlyh am-e parai. Khumichi ly mana tanrei paleung len iy, khumi aniu y naimy amlyh am-e u nai py, mana tanrei amy i vui hau khyh na mo, nanai py kai pany nai ne.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

HABAKKUK 2:4

Pany hai nai leu ly ‘khumi hawi y naichi ly heng pajau y leang; khumi kahawichi ly Tameuh ai ym nai deaungkho y heng u ai.’ ” napi.