ISAIA 12:6 - Khumi Common Language Bible

⁶ Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 12:6 ပူးပေါင်းရင်းမြစ်များ

SAM 132:14

“Kai ly hini mary y kaawm jojo ai; kai ly hini mary ai peang ai nai ngai.

SAM 135:21

Zion mawi salo y py, mymy awm nai Jerusalem mary theung y py, mymy ai palo u. Areng ai palo u!

SAM 46:5

Huni mary pui ly Tameuh i awm naira ne nai deaungkho y, mana khala py phra pajau y; khutawi mo neng khala mymy ly ang jeu iy, huni mary y sabawm ai.

SAM 68:16

Mawi aheung len parai naichira i dengdairei nang ly ati mana nai Tameuh awm ai nai vawi takhra nai mawi ai, mei aniu y nai paleung hawi khen lawh mo? Areng ly huni mawi salo y deungtasarei awm jojo ai!

SAM 71:22

Kai ly meitang khyp, nang ai taro beu naimy kang palo ai; aw kai i Tameuh, kai ly nang i ka-ym awm nai sai ai palo ai. Israela chengchi i nang parai nai keung ne nai nang ai taro beu iy khulymchi hawi palo ai.

SAM 89:18

Aw Areng, nang ly kaichi ai ama hai nai keung vawi takhra pi bo; Israela chengchi i chai parai nai Tameuh, nang ly kaichi i vui samrang khai pi nai ne.

SAM 9:11

Zion mary ai peang nai keung Areng ai ly palo nai khulym thui u! Mymy i sa nai leaungsaichi ai khumi cheng cheaungkhangchi teng y thui pi u!

SAM 99:2

Areng ly Zion mawi salo y, sa thai naira len keh; mymy ly khumi cheng cheaungkhangchi ai nang parai naimy peang bo.

ISAIA 1:24

Hunai deaungkho y sa thai naira angym nai Israela chengchi i Tameuh, ati cheaungkhang sa thai nai keung Areng my leu pei nai vai, tangai ba. Mymy ly “Kai ly kaimy i paleung ka-e napi nai nangchi ai vawitheung tha ai i, nangchi ly kai ai mana mo i py, khrukhra hai pajau ai ny y.

ISAIA 10:24

Ati cheaungkhang sa thai nai keung Areng ly Zion mary y awm nai mymy i khumichi teng y, “Asuria chengchi ly Aikupta chengchi kamta nangchi ai ana u teu i py, nangchi ly nichi ai jei u moh.

ISAIA 24:14

Dei kamthum khumichi ly amo theu naimy khulym thui u ai. Nidym mang i khumichi ly Areng i nang parai nai sai pany hai iy,

ISAIA 24:23

Ati cheaungkhang sa thai nai keung Areng ly samrang lyn ai bo i, lo ly avang y ai; kanito py angvang bi ai ny y. Mymy ly Jerusalem mary Zion mawi salo y peang ai. Khumi mipuichi ai pahawi nai lu sa nai keungchi py, mymy i nang parai nai sai niu u ai.

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 33:21

Areng ly mymy i nang parai nai sai achi niu ai nai pei ai. Achi ly tavo pui, micheaung puichi sahawi y awm ai nai nga u ai. Na i py huni tavo puichi ra y paleung ka-echi i paleaung hawi samphochi, so kathiu, so kalau ai nai nga u ai ny y.

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 49:26

Kai ly nang ai pahyp y naimy ana nai khumichi ai, mychi tengtawi atleh hai iy, kasa them hai ai. Huna nai khala kai ly nangchi ai atleu nai keung Areng ne, nanai khumi bawibawichi my pany u ai. Kai ly Israela chengchi i sa thai naira awm nai keung Tameuh ne, nanai nichi pany u ai,” napi.

ISAIA 54:1

Aw Jerusalem mary, nang ly cho chanau so y nai neampachy hawi atawm. Na i py vai ly amo theu naimy khulym thui iy, aeu pajau bo. Vai, nang ly juvo my khai su vai y nai neampachy tleaung y py, cho chanauchi neangneang nga ai!

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

ISAIA 8:18

Areng my kai ai ang pei nai cho chanauchi hawi vanrei, kai ly hi y awm nai ne. Zion mawi salo y awm nai ati cheaungkhang sa thai nai Areng ly kaichi ai Israela chengchi i vui y leu pei nai kamta heng ai nai lawm hai bo.

JEREMIA 10:6

Aw Areng, nang ka-tawm Tameuh harei py by y. Nang ly ati cheaungkhang sa thai nai keung ne. Nang i amyn ly nang parai iy phum-ang kawi angym nai ne.

Ezekiela 35:10

“Kai Areng ly Juda hawi Israela chengchi i vui Tameuh ne lawh teu i py, nang ly huni khumichi hawi, nichi i prichi ai peang iy nangmy i kiu y tym hai vui ai, nanai thui lawh bo.

Ezekiela 39:7

Kai ly kaimy i amyn kachai ai kai i khumi Israela chengchi pany u ai nai kasa ai. Nichi ly huni amyn kachai ai thui tamawn ai nai tlo y. Huna nai khala kai, Areng ly Israela chengchi i chai parai nai Tameuh ne, nanai khumi cheng cheaungkhangchi my pany u ai,” napi.

Ezekiela 43:7

Mymy ly “Nang khumicho awi, hi y ly kai i areng atehra awm; kai i kheu chiura meingtym ne. Kai ly hini meingtym y Israela chengchi hawi vanrei awm ai i, nichi ai deungtasarei peang ai. Israela chengchi py ne sy, nichi i samrangchi py ne sy, phailo mang y kamleaung sa nai py, samrangchi i veu ai meingtym ka-sangra y up nai py, kai i amyn kachai y mana khala py thui tamawn bi ai ny y.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

Ezekiela 48:8

Juda pri khujyh ka-so nidym khujyh sala y, khai patyp nai khaileaung meingtym harei awm ai nai tla. Huni khaileaung meingtym kakau ly mail tajarei awm iy, jeng kasau ly Israela chengchi teng y vui pi nai khaileaung meingtym i jeang kasau tanrei awm ai nai tla. Achura yhm ly huni khaileaung meingtymra y awm ai nai tla.

HOSEA 11:9

Kai ly kado theu iy nang ai pajeng ai ny y; kai ly Israela ai taphra bi ai ny y. Ati mana nai mo na baly kai ly khumicho ny y, Tameuh ne nai deaungkho y ne. Chai parai nai keung kai, Tameuh ly nangchi hawi vanrei awm nai ne. Kai ly kado theu naimy nangchi teng y kang jeu ai ny y.

JOELA 2:27

Aw Israela chengchi awi, kai ly nangchi ai kang awm hai nanai py, kai, Areng ly nangchi i Tameuh ne iy, kai ny y baly Tameuh takhra by y nanai py, huna nai khala y nangchi pany u ai. Kai i khumichi ly mana khala py, thui tamawn nai avum u bi ai ny y.

ZEPHANIAH 2:5

Pangli peang jeungrei y awm nai Philistia khumichi awi, pangli peang jeungrei y awm nai Kherati khumichi awi, nangchi ly taham si. Areng ly nangchi ai kamngo vang ang pajeng bo. Mymy ly nangchi ai tamyh ai nai deaungkho y, nangchi leaungrei py awm ai ny y.

ZEKHARIAH 2:5

Areng ly mymy naimy mary kamkira y, mai apai kamta awm iy nang parai nai hawimy, huni mary y awm ai, nanai leu adeu yb veng bo,” nanai thui.

ZEKHARIAH 2:9

“Hina nai y Areng mymy kypkyp ly nangchi ai ang tiu ai. Vaichi khala nangchi i miseaung lawm u nai khumichi ly nangchi ai ang tiu u teang ai,” napi nai amteng hai nai hawi vanrei, kai ai ang pato nai ne. Hina naichi ang tym nai khala y kai ai ati cheaungkhang sa thai nai Areng my pato nai ne, nanai khumi bawibawichi pany u ai.

Kati Nai 23:21

Israela chengchi ly vai mo mang y py patang naira, taham si nairachi avum ai nai kai niu y. Nichi i Areng Tameuh ly nichi hawi vanrei awm; Areng ly nichi i samrang ne, nanai amthang hai bo.

Leu Thui Nai 23:15

“Yhmkeung teng i nai preang vui iy nang teng y abyh ai nai ang tym nai miseaung ai ly my i yhmkeung teng y pato ali teang moh.