ISAIA 11:16 - Khumi Common Language Bible

¹⁶ Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 11:16 ပူးပေါင်းရင်းမြစ်များ

THEU NAI 14:22

Naibaly Israela chengchi ly pangli paichi phui rawm nai tui atapang tawp nai sala mang tako u prei bo.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 10:20

Dei kamthum Israela khumichi ly mymychi ai myh kang vi pa-rei taphra nai khumichi teng y paleung pado y ai nai neng kani tym ai. Nichi ly Israela chengchi i chai parai nai Areng Tameuh ai meitang khyp, ym u tatang ai.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 19:23

Huni neng tym nai khala y Aikupta pri hawi Asuria pri sala y, lam manglai pui harei sa ai. Huni prichi ra i khumichi ly pri harei hawi pri harei ly, vanrei chiu sa achu u ai.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 49:11

“Kai ly mawi aheungbanchira y, lampui lamlen kasa prei ai. Kai i khumichi i vui y khuleaung lam sa pi rym ai.

ISAIA 49:12

Kai i khumichi ly kamlo paraira i nai py, tosyh hawi nidym mang i nai py, tokalawi mang y awm nai Asavanpri i nai py, ang jeu u ai,” napi.

ISAIA 51:10

Mymy atleu pi nai khumichi angpeang thai ai nai pangli tui kang hai iy, lam sa pi nai keung ly nang ne.

ISAIA 57:14

Areng my, “Kai i khumichi ai kai teng y vawi hai u. Kai i khumichi tako nai lamra i, khangmui ka-cheung awm nai ngierei hie u pawn! Lam sa iy angvei u rym!

ISAIA 62:10

Jerusalem mary i khumichi awi, mary theung i nai theu u; amychi i pri y vawi nai nangchi i khumichi i vui lam so pi u! Lam pui lam len so u; lengseaungchi aphi u pawn! Khumi mipuichi pany hai ai nai ka-ma-ra tamkhawnchi theaung u.

ZEPHANIAH 2:7

Dei kamthum Juda khumichi ly nangchi i pri peang vui ai. Nichi ly huni meingtym y beram kanghuchi typ naimy, Asakelon mary i yhmchira y i u ai. Nichi i Areng Tameuh ly nichi hawi vanrei awm iy, nichi ai kahawi palum teang ai.