ISAIA 11:14 - Khumi Common Language Bible

¹⁴ Huni pri nyhreichi ly amkawm iy nidym mang y awm nai Philistin chengchi ai tiu iy, nisi pri mang y awm nai khumichi i yhmtheaung katuichi lawm u ai. Nichi ly Edom chengchi hawi Moba chengchi ai pajau iy, Ammon chengchi ai py mychi i sa thai naira anui y awm hai ai.

ISAIA 11:14 ပူးပေါင်းရင်းမြစ်များ

ISAIA 14:29

Aw Philistin khumichi awi, nangchi ai pakhau nai thengbeang ly tleu veng bo; na i py nangchi amo theu u ai naira by y. Pavui harei dei nai khala, huni pavui tleaung y kaso nai takhra pavui harei khei bi ai. Pavui kaduira i nai thailai kaso keh nai Naka kangkheang khei reng lawh nai ne.

ISAIA 15:1

Hini leu pei nai ly Moba pri i vui ne. Ara mary hawi Kira mary ly vumrei y my phra nai ne. Moba pri py savai tlang na bo.

ISAIA 16:14

Vai ly Areng my, “Saneng thomrei awm khyp nai khala, Moba pri i yhmtheaung katuichi ly tama pawn ai. Mipui neangneangchi theung i khumi maidenreichy naini, dei kamthum awm ai. Nichi py atho bai naimy awm u ai,” napi.

ISAIA 25:10

Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

ISAIA 9:12

Nisi mang i Suria pri hawi nidym mang i Philistia prichi ly Israela pri tamyh vui ai nai angvei u rym bo. Huna nai y Areng i kado theu nai ly rym y. Nichi ai parip ai nai mymy i kiu pheu nai ly awm jo rai nai ne.

JEREMIA 40:11

Hina nai thymthang khala y Babulon samrang ly Israela cheng phyreichi ai Juda pri y awm ai nai pei iy, Shaphan i katu, Ahikam i chapo Kedalia ai samrang i bangtang kalen y palyn nai satang ly Moba pri, Ammon pri, Edom pri hawi takhra prichira y awm nai Hebrai cheng bawibawichi thai u nai ne.

JEREMIA 48:40

Pakhichi kadai nai ahmtlau kamta, paleung ka-echi ly Moba pri tlang tleaung y ni kathiu ai, nanai Areng my leu pei yb bo.

JEREMIA 49:2

Na i py kai ly Rabah mary i khumichi ai tavai atiu nai katynchi thai ai nai neng tym hai ai. Huni mary ly phra naimy huni i avangchi py mai y kang ai. Huna nai khala y Israela chengchi ly mychi i pri peang vui nai khumichi kiu i, pri nga u ali teang ai.

JEREMIA 49:22

Kani mang dengdairei pakhi kadai naimy ni kathiu nai ahmtlau kamta, paleung ka-e ly Bozarah mary y tiu ai. Huna nai khala Edom tavaimichi ly deaungdi tapen ai nai achai nai neampachy kamta kaso theu u ai,” napi.

JEREMIA 49:28

Areng ly Babulon samrang Nebukhadnezar my tiu iy pajau vui nai Keda cheng theaungchi hawi Hazor prichi molam y, “Keda cheng theaungchi teng y chei iy tiu u. Huni nisi mang i cheng theaungchi ai tamyh u!

Ezekiela 25:14

Kai i khumi Israela chengchi ly kai i jeng y, Edom pri khumichi ai vawitheung tha naimy kai i khri pa-rei kado theu naira avum hai ai. Kai i vawitheung tha nai sai Edom pri khumichi pany u ai,” napi. Hini ly sa thai naira angym nai Areng i leu pei nai ne.

DANIELA 11:41

Ni ly adeu yb nai pri theung y malawn py kun iy, khumi sang neangneangchi ai padei ai. Na i py Edom pri, Moba pri, Ammon prichi ly patang naira i tleaung u ai.

JOELA 3:19

“Aikupta pri ly khutaha meingtym lawm iy, Edom pri ly phra ai i, khumi angso by y nai meingtym lawm ai. Ati mana nai mo nabaly huni prichi ly Juda pri ai tiu iy, khumi kahawichi ai padei u nai deaungkho y ne.

AMOS 9:12

Hunai deaungkho y Israela chengchi ly awm jo rai nai Edom pri ai py, vaichi khala y kaimy peang nai pri tleirei ai py, peang ali teang ai nai nga ai,” nanai tym hai ai nai Areng my ang thui pi bo.

HABAKKUK 1:8

“Nichi i keaungngochi ly takaikheng tleaung y rang iy, teicha alam nai kasui tleaung y malawn py jei ai nai hawi. Keaungngo atang nai risachi ly keaungngochi ai kamlo mang dengdairei, athorei my ang jeu hai bo. Nichi i keaungngochi ly khaileaung y muiken hawi kaseu u bo. Nichi ly teicha ni nai ahmtlau kamta, athorei my ang jeu u nai ne.

ZEPHANIAH 2:5

Pangli peang jeungrei y awm nai Philistia khumichi awi, pangli peang jeungrei y awm nai Kherati khumichi awi, nangchi ly taham si. Areng ly nangchi ai kamngo vang ang pajeng bo. Mymy ly nangchi ai tamyh ai nai deaungkho y, nangchi leaungrei py awm ai ny y.

ZEPHANIAH 2:7

Dei kamthum Juda khumichi ly nangchi i pri peang vui ai. Nichi ly huni meingtym y beram kanghuchi typ naimy, Asakelon mary i yhmchira y i u ai. Nichi i Areng Tameuh ly nichi hawi vanrei awm iy, nichi ai kahawi palum teang ai.

ZEPHANIAH 2:9

Kai ly meitang khyp, Israela chengchi i, heng nai Areng Tameuh ne nai kamta, Moba pri hawi Ammon pri ly Sodom hawi Komora marychi kamta, taphra naira avum ai, nanai vaineng abeu bo. Huni prichi ly palawi tai nai meingtym lawm i, deungtasarei phra iy acha keungchi kawi biu ai. Kai i khumichi theung i dei kamthumchi ly huni khumichi ai tiu iy, nichi i pri peang vui ai.”

Kati Nai 24:17

Kai ly mo mang i satang dawn nai khala, Israela pri ai kaniu. Huni pri y samrang leaungrei ly angvang parai nai ka-si kamta amteng ai. Huni samrang ly ka-si tempo kamta Israela pri y amteng ai. Ni ly Moba chengchi i lu sa nai keungchi ai tiu iy Setha theaungchi ai pajau vui ai.

MATTHAI 8:11

Naibaly kai ly kang thui pi nidym nisi mang i dengdairei khumi neangneang ang jeu ai i, kani pri y Abraham hawi Isaka hawi Jakob hawi vanrei ateh u ai:

TARA CHIH NAI KEUNGCHI 6:3

Israela chengchi i amti amjang pati nai tleirei y, Midian chengchi ly Amalek chengchi, khutaha pri y awm nai khumi chengchi hawi vanrei jeu iy, tiu u reng nai ne.