ISAIA 11:10 - Khumi Common Language Bible

¹⁰ Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 11:10 ပူးပေါင်းရင်းမြစ်များ

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

1 NENG SATANG 2:12

Obed hawi Jese napi naichi ne.

SAM 116:7

Aw kai i paleung awi, Areng ai ym kalingie ba; ati mana nai mo nabaly mymy ly kai ai pahen nai keung ne.

SAM 145:11

Nichi ly nang i nang parai nai hawi tahm asang nai satang py thui u ai.

SAM 149:5

Tameuh i khumichi ly tavai eaung nai deaungkho y amo theu u sy; vumtorei amo theu naimy khulym thui u sy.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

SAM 91:4

Mymy ly my i pakhi hawimy, nang ai ang khiu ai; nang ly mymy i kry nai saho y chymme naimy awm ai; mymy i ka-ym awm naimy ly nang ai ama hai naira khupui lawm ai.

ISAIA 11:1

Samrang Davida i kangpreang ly paliu vui nai dengkeaung keung hawi atawm. Na i py dengkeaung miukhiura i chethe kangpho pati nai kamta, Davida kangpreang theung i, samrang kangtha leaungrei amthawn ai.

ISAIA 11:12

Mymy ly amprei phro nai Israela khumichi ai py, ahei phro nai Juda khumichi ai khaileaung taki palyh dengdairei kachu ali teang nai ai py, pany hai ai nai Areng my patei nai tamkhawn theaung ai.

ISAIA 14:3

Areng ly Israela chengchi ai, mychi avum nai patang naira hawi ngari kamtangchira i nai py, kalop karam sa naichira i nai py, alawra pei ai.

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 28:12

Mymy ly nangchi ai chymme naimy awm ai nai pei teu i py, nangchi ly mymy i leu tangai u y.

ISAIA 42:4

Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.

ISAIA 49:22

Areng Tameuh my mymy i khumichi teng y, “Kai ly khumi cheng cheaungkhangchi ai ka-ma-ra patei nai khala y, nichi ly nang i cho chanauchi ai ang hawi u ai.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

ISAIA 60:3

Khumi cheng cheaungkhangchi ly nang i kangvang awm naira mang py, samrangchi ly nang i khawn kani si ko nai sangso mang py ang jeu u ai.

ISAIA 60:5

Nang ly hini atitichi niu i, amo theu ai. Nang i paleung anghyn ai. Khumi cheng cheaungkhangchi ly mychi i yhmtheaung katuichi ai, nang teng y tym hai ai. Nichi i yhmtheaungchi ly pangli vai mang i dengdairei ang tym hai ai.

ISAIA 62:10

Jerusalem mary i khumichi awi, mary theung i nai theu u; amychi i pri y vawi nai nangchi i khumichi i vui lam so pi u! Lam pui lam len so u; lengseaungchi aphi u pawn! Khumi mipuichi pany hai ai nai ka-ma-ra tamkhawnchi theaung u.

ISAIA 66:19

pri kamlochi, napi nai Tashu pri, Libia pri hawi thailiho kawp keh nai khumichi awm nai Luda pri y py, Tubal pri hawi Krik pri y py, kaimy pato ai. Nichi ly huni pri i khumichi teng y, kai i sa thai naira nang parai nai satang thui ai.

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

HAKAI 2:9

Achura yhm kangtha ly Achura yhm kangngym tleaung y apu keh ai. Huni meingtym y kai ly kaimy i khumichi ai nang chawn hai iy, tlamsa naira pei ai, napi. Hini ly ati cheaungkhang sa thai nai Areng my thui nai leu ne.

ZEKHARIAH 6:13

Ni ly Achura yhm sa ai nai keung, samrang hawi ataing nai phum-ang nga ai nai khumi ne nai deaungkho y, mymy i chengchi ai peang ai; my i areng atehra sahawi y pathyp pi nai keung leaungrei ly angdo iy, ni hawi vanrei tlamsa naimy amkawm ai.

Kati Nai 10:33

Khumi mipuichi ly Sinai mawi kachai dengdairei theu iy, kani thomrei ka-teng tako u bo. Nichi ai tai naira meingtym pei ai nai Areng i Leu Maikawm Pawm ly nichi i momang y tako hai jojo.

MATTHAI 12:21

Naibaly Cheng Takhrachi ly mymy i amyn y athang khai ai,” nanai tym thai ai nai thui nai ne.

MATTHAI 8:11

Naibaly kai ly kang thui pi nidym nisi mang i dengdairei khumi neangneang ang jeu ai i, kani pri y Abraham hawi Isaka hawi Jakob hawi vanrei ateh u ai:

LUKA 2:32

Kai i mei y kaniu bo,” nanai Tameuh ai palo.

JOHAN 12:32

naibaly kai ai khaileaung i nai dang iy, khumi bawibawi ai kaimy teng y kapahawi ryp ai,” napi.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 28:28

Hunaibaly Tameuh i paheng nai leu ly Cheng Takhrachi teng y taviu bo, nanai pany u, nichi ly tangai py tangai ai,” napi.

HEBRAI 4:1

Hunai deaungkho y jei nai tarawi y amkym u sina, ti y baly mymy i anawn naira y kun ai nai leu adeu nai ly awm jojo makho iy, nangchi theung y ami py kai y nai awm lawh na.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

AMTENG HAI NAI 22:16

Kai, Isu ly, palau takhra kamkawmchi i vui y hini atitichi nangchi teng y pany hai ai nai, kai i kani pri i amtaw thau nai ai kang pato veng bo. Davida i tangjyn kadeu hawi kangpreang, khawn tempo avang parai nai kai ne.

AMTENG HAI NAI 5:5

naibaly miteaung kehchi theung y leaungrei ly kai teng y, “Vo moh! Khen cham, Juda cheng theung i theu nai Khrangsi Takai, Davida i Tangjyn ly huni cha-iu aeang i pajawp typ nai ka-ma-ra saryhrei su iy cha-iu aeang lam ai nai pajau bo,” napi.