ISAIA 10:3 - Khumi Common Language Bible

³ Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 10:3 ပူးပေါင်းရင်းမြစ်များ

ATITI AWM ANGCHEI NAI 31:1

Labana i chapochi my, “Jakob ly ngaai i yhmtheaung la krai bo; ni ly ngaai i yhmtheaungchi hawi nang chawn veng bo,” nanai thui nai ly Jakob thai nai ne.

2 ARENG KEH 7:15

Nichi ly Jordan tavo y tym pa-rei chei u i, Suria khumichi preang u nai khala khai u su nai ateaungchi hawi tavai ateaungchi, lam jeungrei avum nai ne. Naibaly nichi ly ali u teang iy samrang teng y amti pi bo.

JOBA 31:14

Kai ly hunai kamta so pi y naimy awm lawh teu baly, Tameuh hawi mana avum vam ai mo? Kai ai Tameuh my tara chih ai nai ang jeu nai neng khala, kai ly mana nai hnei takeng bi thai ai mo?

LEU KACHENG 11:4

Dei naira avum nai kani y yhmtheaung katui my ly nang ai aso hai y leang; na i py neaung hawi naira my ly nang i tlang ai atleu pajau.

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 17:4

Areng my, “Israela pri i phum-ang haiho jum ai nai neng kani tym ai. Huni pri ly nang chawn naira i nai kamawn ang vum ai.

ISAIA 20:6

Huni neng tym nai khala y Philistin tavo peang y awm nai khumichi ly “Kaichi ai Asuria samrang teng i nai ama hai ai nai, kaichi my paleung pado nai khumichi i avum nai sai ai khen u cham! Kaichi ly ati mana nai y dei y naimy katleaung u thai ai mo?,” nanai thui u ai.

ISAIA 26:14

Huni khumichi ly vai i neng y, dei u pawn veng bo; heng u ali bi ai ny y. Nang ly nichi ai pajeng iy tamyh pawn veng nai deaungkho y, nichi i phailochi py, tapreaung i nai ang thau u ai ny y. Nichi ai ami my py pany u y leang bo.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

ISAIA 28:20

Nangchi ly “Theang ala nai kanih akhiu iy dawi ala nai ira kadangra y, i ai nai atho sa nai khumi,” kamta lawm u ai.

ISAIA 29:6

Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 30:16

Huna nai tangai ai nai tleaung y ly rang parai nai keaungngochi atang iy, paleung ka-echi teng i dengdairei preang ai nai dawn pasym u nai ne. Nangchi i ka-dawn ly hawichy y! Ati mana nai mo nabaly nangchi ly preang u takengkei ai tla nai deaungkho y ne. Nangchi ly nangmychi i keaungngochi ai rang parai, nanai athang khai u teu i py, nangchi ai ang hui nai nichi i keaungngochi ly rang keh ai.

ISAIA 30:5

Juda chengchi ly mychi kasabawmra nga u ai, nanai athang khai u teuni ly sabawm y nai khumi cheng, ka-ym by y nai huni khumi chengchi teng y, abyh lawh nai molam y uikheih u ai.

ISAIA 30:7

Aikupta pri i pei nai kasabawmra ly ati sai py ny y leang. Hunai deaungkho y kai ly Aikupta pri ai ‘Thailai by y nai naka,’ nanai amyn pathi pi bo,” napi.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 39:3

Naibaly Isaia ly samrang Hezekia teng y chei iy, “Huni khumichi ly manira i jeu u nai mo? Nichi my nang teng y ati thui u mo?,” nanai deng. Hezekia my, “Nichi ly khri pa-rei palo nai Babulon pri dengdairei jeu u nai ne,” napi baly,

ISAIA 5:14

Tavau pri ly nichi ai pajawn ai ngai nai deaungkho y, my i labeaung ly ang pachaka na bo. Jerusalem mary i bangtangchi ai py, khru nganglang naimy kadosum nai khumi kanghu puichi hawi raurei, pajawn vui nai ne.

ISAIA 5:26

Areng ly ka-ma-ra patei iy, kamlora awm nai cheng takhrachi ai palau ai. Mymy ly nichi ai khaileaung katem mang dengdairei jeu u ai nai, amsui sai hawi ka-ma-ra pei pi ai. Huni khumichi py huni meingtym y jeu u kaliki ai!

JEREMIA 22:7

Huni samrang yhm taphra ai nai khumichi kapato ai. Nichi ly atiuchi syn naimy apu parai nai saitleang yhmmawm puichi ai tameang pawn iy, mai theung y aphi u ai.

JEREMIA 4:30

Aw Jerusalem mary, nang ly taham si! Nang ly ati mana nai ateaung kamsen jeaung amthyp lawh mo? Ati mana nai y vang kateng lengseaungchi amthyp iy, nang i meichi ai an pathym lawh mo? Nang ly nangmy ai atyhtyh naimy ka-pu sa lawh ly! Nang i tavawichi my nang ai ang khai su veng bo. Nichi ly nang ai padei ai nai ngai u nai ne.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 9:9

Hina naichi sa nai molam y kai ly nichi ai pajeng y naimy awm ai a? Huna nai khumi chengchi ai kai ly vawitheung tha y naimy awm ai a? Hini ly kai, Areng i thui nai leu ne,” napi.

HOSEA 5:13

“Israela pri ly my i no-na ai py, Juda pri ly my i tamo kalem nga nai ai py, niu nai khala y, Israela pri ly Suria pri empara samrang teng y chei iy, kasabawmra hnei bo. Na i py empara samrang my ly nichi i no-na ai, hawi so pi thai y leang.

HOSEA 9:5

Nichi ly Areng ai tahm khai naimy palo ai nai, khai takhra nai pawi kanichi neng tym baly, ati mana sa u ai mo?

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

AMOS 5:19

Huni kani ly nangchi i vui khrangsi ai jei i, angpreng nai khala, tavym hawi avum lawh nai khumi kamta lawm ai. Ti y baly yhm y tym nai khala angpang y amkhaw i, pavui my patiu lawh nai khumi kamta lawn ai.

MIKHA 7:4

Kawp keh, pany keh napi nai khumichi malawn py, acha keung kamta vang teng y nai ne. Tameuh ly nichi ai typ nai tamcheaung lawm nai amochi dengdairei, pany hai nai kamta, khumichi ai Tameuh my pajeng ai nai neng tym bo. Nichi ly vai, tapai taveang u na bo.

ZEPHANIAH 1:18

Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.

LUKA 19:44

Nang theung i nang i chanauchi hawi nangmy ai py khaileaung y athorei my aphi ai i, nang theung i lengseaung tleangleang nai ha py ang khai ai ny y; nang ly ang de nai neng khala nang pany y nai deaungkho y; huna nai kani ly nang i tlang tleaung y ang tym ai,” napi.

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.