ISAIA 10:27 - Khumi Common Language Bible

²⁷ Huni neng kani tym nai khala y kai ly nangchi ai Asuria chengchi kiu i nai law tleaung hai ai. Nangchi i tlang tleaung y mynji kang tleang hai ai ny y. Nangchi khri pa-rei chawn pa nai deaungkho y, nangchi i mynchi ly jang ai,” napi.

ISAIA 10:27 ပူးပေါင်းရင်းမြစ်များ

2 SAMUELA 1:21

“Kilabo mawichira y kani nai moh, kadam py tlo moh sy; huni mawichira i li, hlauchi ly deungrei amti amjang thawn moh sy! Ati mana nai mo nabaly, huni meingtym ly tavaimi soraichi i khopuichi taham si iy, Sawla i khupui ei cha naimy awm nai deaungkho y ne.

SAM 105:15

Mymy ly “Kai i vawi takhra nai miseaungchi ai patang hai u moh; kai i amochi ai kiu pajeung kadeaung hawi py teaung u moh, nanai samrangchi ai leu pei bo.

SAM 132:10

Aw Areng, nang i miseaung Davida teng y adeu pi nai saho y, nang i vawi takhra nai samrang ai ly khai su moh kyh ba.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 20:6

Areng ly mymy i khai takhra pi nai samrang ai tavai eaung naira pei, nanai vai ly kai pany bo. Mymy ly nang i hnei takeng nai ai kani pri meingtym kachai mang dengdairei thai i, sa thai naira hawimy nang ai eaung nai pawi puichi ang pei bo.

SAM 45:7

Nang ly leu meitang ai ngai iy, hawi y naira ai niu ngai y bo. Hunai deaungkho y nang i Tameuh napi nai Tameuh ly nang ai vawi takhra nai bo y, takhra samrang bawibawichi tleaung y tahm asang iy, amo theu naira napi nai asitui lei pi bo.

SAM 81:6

Huni katyn ly “Nangchi paleang tleaung i myn kaji ly kaimy kang la pi vui iy, nangchi i iukhi pho nai tumchi py amteih hai ai.

SAM 84:9

Aw Tameuh, nangmy vawi takhra nai samrang, kaichi i samrang ai amtheaung hai kyh ba.

ISAIA 14:25

Kai ly kaimy i Israela pri theung i Asuria chengchi ai tamyh pawn iy, kai i mawi aheungchi salo y nichi ai chiu piupa ai. Kai i khumichi ai Asuria chengchi pho hai nai myn kaji hawi kamtang myn kajichi ra i nai lawi hai ai.

ISAIA 30:23

Nangchi amti amjangchi pati u nai neng tleirei y prau hai ai nai, Areng ly kani nai hai ai. Nangchi tyn ai nai amti amjangchi thawn hai iy, si, painochi py sui tlaira ka-leu nga ai.

ISAIA 37:35

Kai ly kaimy i tahm awm nai ai py, kai i miseaung Davida teng y pei nai leu ka-deu molam py, hini mary ai ama hai ai,” napi.

ISAIA 52:2

Aw Jerusalem mary! Nangmy my ai atho sa iy, law tleaung ai nai so. Spryh theung i nai ang thau iy, nangmy i areng atehra y ateh ba! Langheng y hawi nai Zion mary i khumichi awi! nangchi ai ang kawm nai sengkrychi su u pawn jau.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

ISAIA 9:4

Ati mana nai mo nabaly nang ly nichi i myn kaji hawi nichi ai pakhau nai thengbeang khei pi vui nai deaungkho y ne. Jangni khala nang ly Midian tavaimichi ai tiu nai pajau pi vui nai kamta, mymy i khumichi ai ana nai khumichi ai patheu pi vui bo.

JEREMIA 30:8

Ati cheaungkhang sa thai nai keung Areng my, “Huni neng kani tym nai khala y kai ly huni khumichi i kaneaungra i tamtleang khei vui iy, nichi ai kawm nai tamo vuinawnchi su pi vui ai. Nichi ly pri takhrachi teng y miseaung achei ai ny y.

Ezekiela 30:18

Aikupta pri i sa thai naira haiho jum hai nai khala, nichi i amlyh am-e nai sorai paleung tama hai ai. Taphan mary ly veng naimy awm ai. Aikupta pri y khupanym my khiu cheng i, mary bawibawichira i khumichi ly langheng y hawi pawn nai avum u ai.

Levi 7:35

Hini phy ly Aron hawi ni i chapochi ai pathyp pi nai keung y tahm palyn nai kani y, Areng teng talam nai tawnbawichira i vui pi nai phy ne.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

JOHAN 1:41

Ni my ly ni i amjo Simon ai hau manme i ni teng y “Kaini ly Messia ai niu bo,” napi; (huni ly Krista nanai sai ne.)

AMTAW 4:27

Hini avang y ly nang i Miseaung kachai nang i rimui paju nai Isu i tlang tleaung y ly nang i kiu hawi paleung y tym ai nai khai takhra rym nai ngierei ly sa ai nai,

I JOHAN 2:20

Na i py nangchi ly khumi Kachai teng i dengdairei rimui paju nai nga i, ati cheaungkhang angym pa-rei pany u nai ne.

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.