ISAIA 10:24 - Khumi Common Language Bible

²⁴ Ati cheaungkhang sa thai nai keung Areng ly Zion mary y awm nai mymy i khumichi teng y, “Asuria chengchi ly Aikupta chengchi kamta nangchi ai ana u teu i py, nangchi ly nichi ai jei u moh.

ISAIA 10:24 ပူးပေါင်းရင်းမြစ်များ

2 ARENG KEH 19:6

“Areng my hina nai leu pei bo; Asuria samrang i miseaungchi my, kai ai thui tamawn nai leu nangchi thai u nai ly jei u moh.

THEU NAI 14:9

Aikupta tavaimichi, tavai keaungngochi, tavai ka-richi Israela chengchi ai hui u i, Bala Zephon mary hawi Phihahiro mary sahawi i Pangli Kamsen peang jei naira y nichi ai kai bo.

THEU NAI 5:14

Aikupta cheng kalop pacheang nai keungchi my Israela cheng kalop lu sa naichi ai khyh pakhau iy, “Vaini nangchi ly ati mana nai y angchei i jirei iukhi paawp u y lawh mo?” napi.

ISAIA 10:5

Areng my, “Aw Asuria chengchi awi, kai i kado theu hai nai khumichi tlang tleaung y, nangchi ly samtleang lawm ai nai kaimy teaung ai.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 14:29

Aw Philistin khumichi awi, nangchi ai pakhau nai thengbeang ly tleu veng bo; na i py nangchi amo theu u ai naira by y. Pavui harei dei nai khala, huni pavui tleaung y kaso nai takhra pavui harei khei bi ai. Pavui kaduira i nai thailai kaso keh nai Naka kangkheang khei reng lawh nai ne.

ISAIA 27:7

Israela chengchi ly mychi i paleung ka-echi tanrei, Areng i pajeng naira khri pa-rei avum u y, paleung ka-echi tanrei py dei u y.

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 30:32

Areng my nichi ai avawsadym pakhau nai khala y, mymy i khumichi ly taro teaungteng katyn, pengpeng katynchi kamlym beu u ai. Tameuh mymy kypkyp py Asuria chengchi ai tiu ai.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 37:22

Areng my, “Aw Senakheri, Jerusalem mary ly nang ai khen i, ang panui hai bo.

ISAIA 37:6

Isaia ly “Areng my mymy ai Asuria chengchi i mei aniu y nai leuchi thui nai molam y, paleung khrukhra y ai nai nang ai leu pei nai ne.

ISAIA 4:3

Tameuh my vawi takhra naira abawi iy, Jerusalem mary y awm rai nai khumi ngiereichi ai ly khumi kachaichi ne, nanai amyn pathi ai.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 7:4

Ni ai tau awm ai nai, paleung khaw ai nai, kaso theu y ai nai hawi paleung khrukhra y ai nai thui pi. Samrang Rezin hawi vanrei Suria khumichi i kado theu nai hawi samrang Pekah i kado theu nai ly maisaku nyhrei mang theu nai maikhyh tanrei, ka-jeira pei pajau y leang.

ISAIA 9:4

Ati mana nai mo nabaly nang ly nichi i myn kaji hawi nichi ai pakhau nai thengbeang khei pi vui nai deaungkho y ne. Jangni khala nang ly Midian tavaimichi ai tiu nai pajau pi vui nai kamta, mymy i khumichi ai ana nai khumichi ai patheu pi vui bo.

MIKHA 5:5

Naibaly pri py tlamsa ai. Asuria chengchi ly kaichi i pri y tiu nai, kaichi i amtangrachi taphra iy kun u nai khala y, kaichi theung y atho awm nai luchi ai pato ai i, paleung ka-echi ai tiu ai.