ISAIA 10:20 - Khumi Common Language Bible

²⁰ Dei kamthum Israela khumichi ly mymychi ai myh kang vi pa-rei taphra nai khumichi teng y paleung pado y ai nai neng kani tym ai. Nichi ly Israela chengchi i chai parai nai Areng Tameuh ai meitang khyp, ym u tatang ai.

ISAIA 10:20 ပူးပေါင်းရင်းမြစ်များ

2 ARENG KEH 16:7

Samrang Ahaz ly Asuria empara samrang Tiklath Pilesa teng y, “Kai ly nang i ka-ym awm nai miseaung ne. Kaichi ai tiu nai Suria samrang hawi Israela samrang teng i nai atleu pi kyh ba,” nanai cha tajiu iy savaichi pato.

2 ARENG KEH 19:31

Jerusalem mary hawi Zion mawi salo y, khumichi ly dei y naimy awm u ai. Ati mana nai mo nabaly, hunai kamta tym ai nai Areng my leu pei yb veng nai deaungkho y ne.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

2 NENG SATANG 28:16

Edom chengchi ly Juda pri theung y tavai tiu taleang bi i, khumi neangneangchi ai patiu iy langheng y hawi nai deaungkho y, samrang Ahazi ly Asuria empara samrang Tiklah Pilesa teng y, kasabawmra takeng nai ne.

2 NENG SATANG 28:20

Hunaibaly Asuria empara Tiklah Pilesa ly Ahazi ai sabawm ai nai tleaung y ly ka-awi sa iy rai naira tym hai.

EZARA 9:14

Kaichi ly nang i reita leu pei naichi tangai y bi naimy, hini amso ngai nai khumichi hawi apom lawh bi baly, nang ly kaichi i tlang tleaung y khri pa-rei kado theu hai iy, leaungrei py tleaung y pa-rei tamyh vui ai ny y a?

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

ISAIA 46:3

“Aw Jakob i kangpreangchi awi, kai i khumi Israela cheng theung i awm rai naichi awi, kai i leu tangai u. Nangchi amhm taku theung y awm iy, tapen khyp khala i dengdairei, kai ly nangchi ai kang kry bo.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 6:13

Huni pri y khumi chungphy horei vi awm ai khyh na lawh teu i py, huni khumichi ly myh kang u ai nai ne. Huni khumichi ly paliu vui nai ngopraibiu keungchi i miukhiuchi hawi atawm ai,” napi. (Dengkeaung miukhiuchi ly Tameuh i khumichi deung kangtha amteaung nai sai pany hai nai ne.)

JEREMIA 3:23

Mawi saleungchira chiu sa nai molam y, kaichi kasabawmra ngo u y. Israela chengchi i vui sabawm naira ly kaichi i Areng Tameuh teng i naini nga pajau khyh.

JEREMIA 44:14

Aikupta pri y awm ai nai Juda pri i dengdairei theu u nai khumichi theung i ami py, huni ka-jeira i nai tleaung u ai ny y. Dei y nai ami py awm ai ny y. Nangmychi awm ali teang ai nai athang khai naimy kadeaung nai Juda pri y, nichi leaungrei py vawi u ali teang ai ny y. Ngari kamtang avum nai khumi phyrei ny y baly, ami py vawi ali teang ai ny y,” napi.

HOSEA 14:3

Asuria samrang ly kaichi ai mana khala py atleu pajau y. Tavai keaungngochi ly kaichi ai amo hai pajau y. Kaimychi kiu hawi sa nai mynchi ai, kaichi i Tameuh, nanai thui ali bi y ai. Aw Areng, nang ly awmra jeaungmang nai khumichi ai pahen nai ne”

HOSEA 5:13

“Israela pri ly my i no-na ai py, Juda pri ly my i tamo kalem nga nai ai py, niu nai khala y, Israela pri ly Suria pri empara samrang teng y chei iy, kasabawmra hnei bo. Na i py empara samrang my ly nichi i no-na ai, hawi so pi thai y leang.

MIKHA 5:3

Hunai deaungkho y Areng ly neampachy my chapo tapen nai neng tym pa-rei, mymy i khumichi ai paleung ka-echi teng y khai su ai. Naibaly pri palara avum nai khumichi ly mymychi i nupaichi hawi amkawm u teang ai.

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.