ISAIA 10:17 - Khumi Common Language Bible

¹⁷ Israela chengchi i kangvang ne iy, chai parai nai Tameuh ly aleng keung amjy cheaungkhang takhawi y naimy, ati cheaungkhangchi ai kanirei y my kang hai nai mai kamta atawm ai.

ISAIA 10:17 ပူးပေါင်းရင်းမြစ်များ

SAM 18:8

Mymy i notareang theung i dengdairei maikhyhchi py, labeaung mang dengdairei kang hai thai nai mai kadeu hawi mai-aichi py theu nai ne.

SAM 21:9

Mymy ang jeu nai khala angveaung nai mai kadeu kamta, nichi ai taphra ai. Areng ly kado theu iy nichi ai taphra pawn ai; nichi ly mai y kang be ai.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

SAM 97:3

Mai kadeu ly mymy i mo y tako i, mymy i tengpang y awm nai paleung ka-echi ai kang hai bo.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 27:4

Kreip akho ai ly kai kado theu y leang bo. Aleng keung cheaungkhang prau lawh teu i khyly, kaimy tiu iy hunichi ai mai hawi leng pawn ai.

ISAIA 27:7

Israela chengchi ly mychi i paleung ka-echi tanrei, Areng i pajeng naira khri pa-rei avum u y, paleung ka-echi tanrei py dei u y.

ISAIA 30:33

Jangni khala y my Asuria samrang ai mai hawi patawi ai nai, patawira yhm sa yb nai ne. Huni patawira yhm ly tamdo thiu iy kau bo. Huni meingtym y thengheaung pui ka-sang harei py awm. Areng ly labeaung mang dengdairei mai kangveaung patheu iy, huni thengheaung ai mai amtawi i, kang hai ai.

ISAIA 31:1

Aikupta pri mang y kasabawmra hnei ai nai chei naichi ly taham si! Nichi ly keaungngochi, tavai ka-richi hawi keaungngo atang nai risachi, napi nai Aikupta pri i tavai atho len nai ai ym u nai ne. Na i py Israela chengchi i chai parai nai Areng Tameuh ai ly ym u y. Kasabawmra nga ai nai mymy teng y py hnei u y.

ISAIA 31:9

Nichi i samrang py jei i, preang vui ai. Tavailu arengchi ly mychi i tavai tamkhawnchi khai u su ai,” napi. Huni ly Areng my leu pei nai ne. Mymy ly Jerusalem mary y khumichi my chiu nai Areng ne iy, mymy i mai kangveaung py tawnbawichi ai leng patlum ai nai angveaung nai ne.

ISAIA 33:12

Nangchi ly theung palawn ai nai mai paawp nai lengseaung kamta py, maidym lawm pa-rei kang nai aleng keung kamta py, dei lawm u veng ai.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 37:36

Huni vum y Areng i kani pri amtaw thau ly Asuria tavaimichi taira y chei iy tavaimi risa leaung 185,000 reichi ai padei pawn bo. Khawn khutawi sum khala ly huni khumi bawibawichi dei be nai ne.

ISAIA 47:14

“Nichi ly choh-ali kamta lawm iy, mai ly nichi ai kang ai! Nichi ly mymychi ai malawn py atleu u pajau ai ny y. Mai kangveaungchi ly bi-um ai nai a-awm nai mai ny y i, nichi i vui ly khri pa-rei ango ai.

ISAIA 60:19

“Kanithun y kanito py, vum y lo py, nang i kangvang lawm ai ny y. Kai, Areng naini, nang i vui deungtasarei kangvang lawm ai. Kai i nang parai nai kangvang sangso ly nang i tlang tleaung y angvang ai.

ISAIA 66:24

Huni khumichi ly mychi i pri y vawi u teang nai khala y, kai ai tiu nai khumichi i tlaiveuchi niu u ai. Huni tlaiveuchi ai cha nai kaleungchi ly mana khala py dei ai ny y. Tlaiveu ai kang nai mai ly mana khala py, rym ai ny y. Khumi bawibawichi ly huna naichi ai niu iy paso u ai.

ISAIA 9:18

Khumichi i hawi y nai sai ly aleng keung cheaungkhang ai kang hai nai mai kamta, angveaung bo. Kamparui mai kamta angveaung iy maikhyh angjawichi khyh hai kalau nai ne.

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

NAHUM 1:10

Nang ly kabeng aleng, acha kajei kamta, pavui nai khumi ai ly mai my kang vui ai!

ZEPHANIAH 1:18

Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.

ZEKHARIAH 12:6

“Naibaly kai ly Juda nupaichi ai, kangmaru mai kamta py, choh myn jawn nai hlau y kang nai mai kamta py lawm hai ai. Nichi ly mychi tengpang sahawi i awm nai khumi cheng bawibawichi ai tamyh u pawn ai. Jerusalem mary i khumichi ly mychi i mary theung y chymme naimy awm u ai.

Kati Nai 16:35

Naibaly Areng my mai kangveaung tla hai i, rimui mui katui talam nai khumi leaung 250reichi mai my kang be bo.

MATTHAI 3:12

Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.

Leu Thui Nai 4:24

Ati mana nai mo na baly nangchi i Areng Tameuh ly mai kangveaung hawi atawm nai Tameuh, tameuh takhrachi ai niu ngai y nai ne.

HEBRAI 12:29

ati mana nai mo nabaly achi i Tameuh ly kang hai nai mai ne.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.