ISAIA 10:15 - Khumi Common Language Bible

¹⁵ Na i py Areng my, “Peuseng ly mymy ai teaung nai keung tleaung y len keh, nanai thui pajau na a? Raw py mymy ai amkhaw iy si nai khumi tleaung y aly len, nanai thui pajau na a? Tamtleang my khumi ai amkhaw nai ny y, khumi my tamtleang ai amkhaw nai ne,” napi.

ISAIA 10:15 ပူးပေါင်းရင်းမြစ်များ

ISAIA 10:5

Areng my, “Aw Asuria chengchi awi, kai i kado theu hai nai khumichi tlang tleaung y, nangchi ly samtleang lawm ai nai kaimy teaung ai.

ISAIA 29:16

Nichi ly ati cheaungkhangra y athli hai piupa reng nai ne. Laawm beu nai keung hawi laawm khaileaungchira y, ami aly len keh mo? Khumi i kiu hawi sa amcheang nai harei my khumi teng y, “Kai ai nangmy sa nai ne a?,” nanai py, “Nang ly nangmy i kalop ai pany y,” nanai py thui pajau na a?

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 45:9

Takhra laawmchi hawi atawm nai alai laawm ly laawm beu nai keung ai ei vam na a? Khaileaung laikan my laawm beu nai keung teng y, nang ly ati sa nai mo, nanai deng na ti a? Alai laawm my, mymy ai sa nai keung ly kawp nai ny y, nanai cheh na ti a?

ISAIA 7:20

“Huni neng tym nai khala y Areng ly Euphrat tavo vai i Asuria empara samrang napi nai sam vau kawp nai keung ai alai iy, nangchi i labeaung muichi py, sam hawi tlang muichi py vau hai ai.

Ezekiela 28:9

Nang ai padei ai nai khumichi i mo y, nang ly tameuh ne, nanai angam veangveang ai rai a? Nang ai padei ai nai khumichi ang jeu nai khala, nang ly tameuh ny y bo i, khumicho naini lawm ai bo.