ISAIA 1:29 - Khumi Common Language Bible

²⁹ Nang ly dengkeaung keungchi ai chiu lawh nai deaungkho y, chiu ai nai akho baichi sa lawh nai deaungkho y, paleung si naira avum ai.

ISAIA 1:29 ပူးပေါင်းရင်းမြစ်များ

ISAIA 30:22

Nangchi ly tangka hawi sa nai mynchi, muku hawi paleaung nai mynchi la iy, “Kaichi mei keung i nai theu u la!,” nanai thui iy chainem y nai kamta aphi vui ai.

ISAIA 31:7

Nangchi bawibawi py, nangmychi i sa nai amso ngai nai muku tangka mynchi ai aphi vui nai neng kani tym ai.

ISAIA 42:17

Mynchi ai ym nai khumichi py, mynchi ai mychi i tameuh, nanai palau u nai khumichi py, cheh naira avum iy tahm anem u ai.”

ISAIA 45:16

Mynchi ai sa nai khumi bawibawichi ly kangji nga u ai. Huni khumi bawibawichi py tahm anem u ai.

ISAIA 57:5

Nangmychi i khai takhra nai dengkeaung keungchi anui y kamthu kamleaung sa nai hawimy, khaileaung hawi hai nai tameuhchi ai chiu u bo. Mychi i cho chanauchi ai tavo jawn sahawi y awm nai lengseaung tapiuchira y apathyp u.

ISAIA 65:3

Na i py nichi ly kangji by y. Kai ai kado theu pa-rei sa u. Nichi ly khaileaung kathau tameuhchi ai akhobaichira y apathyp u. Myn chiu nai maichamchi salo y mui katuichi leng patlum u.

ISAIA 66:17

Areng my, “Mynchi chiu ai nai hawi akho theung i na-yhmchi mang y chei ai nai molam y, amymychi ai apachai u nai khumichi, eu mawi, paju mawi hawi amso ngai ai hawi nai teicha teineichi cha nai khumichi i vui ly myh kang ai nai neng ly kasa bo.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

Ezekiela 36:31

Nangchi ly nangmychi i chai y nai sa nai saichi hawi, sa tamang naichi pany u ali teang ai. Nangmychi i kamngochi hawi, hawi y nairachi molam y nangmychi ai apaso u ai.

Ezekiela 6:13

Khumi veuchi ly mynchi sala y hawi maichamchi ka-kira y py, mawi ka-sangchi hawi mawi saleung tleirei y py, heng-yh nai dengkeaung keungchi hawi ngopraibiu keung pui ngierei anui y py, mynchi teng y mui katui leng patlum nai ngiereira y py, ahei naimy awm ai. Huna nai khala kai ly Areng ne, nanai khumi bawibawichi my pany u ai.

HOSEA 14:3

Asuria samrang ly kaichi ai mana khala py atleu pajau y. Tavai keaungngochi ly kaichi ai amo hai pajau y. Kaimychi kiu hawi sa nai mynchi ai, kaichi i Tameuh, nanai thui ali bi y ai. Aw Areng, nang ly awmra jeaungmang nai khumichi ai pahen nai ne”

HOSEA 14:8

Israela khumichi ly mynchi hawi atakai u ai. Kai ly nichi i chiu sa nai tangai iy, nichi ai kry ai. Kai ly heng-yh jo nai keung kamta, nichi ai ama hai ai. Kai ly nichi i vui amtheaungra lem phraiphreaung pa-rei leaung naira lawm ai.

HOSEA 4:13

Nichi ly mawi saleung i chiu sa nai meingtymchira y apathyp u iy, mawi aheungchira i, ka-khui hawi nai dengkeaung keung puichi anui y rimuichi patawi u bo. “Naibaly nangchi i chaniuchi ly bimanu lawm iy, nangchi i lengngochi ly kamleaungnu lawm u bo.

HOSEA 4:19

Nichi ly ali aho naira y akheang jo nai kamta, ahei u dan ai. Tameuh takhrachi teng y apathyp u nai deaungkho y, kaji u ai.

ROM AVANGCHI TENG Y PAWLA I CHA PA NAI 6:21

Vai nangchi i atiti kaji hai parai nairachi y ly, hunai thym khala y ly athai ati nga u mo? Huni atitichi i tem naira ly dei naira ne chy bo.