II TIMOTHEI 4:1 - Khumi Common Language Bible

¹ Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.

II TIMOTHEI 4:1 ပူးပေါင်းရင်းမြစ်များ

SAM 50:6

Tameuh mymy kypkyp ly tara chih keung ne i, ka-dyh ka-dawi naimy chih pi ai, nanai kani khusang my amthang hai bo.

SAM 96:13

Ati mana nai mo nabaly Areng ly khaileaung pri y peang ai nai ang jeu nai deaungkho y ne. Mymy ly khaileaung pri khumi bawibawichi ai, leu meitang naimy peang ai.

SAM 98:9

mymy i mo y vanrei, amo theu khulym thui naimy palo u. Mymy ly khaileaung pri khumi bawibawichi ai leu meitang naimy peang ai.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

LUKA 19:12

Hunaibaly mymy ly hini leu thui i, “Khumi kanang ami mo pri peang ai nai leu la iy ali bi ai nai, pri kamlo paraira y chei.

LUKA 19:15

“Naibaly hina nai ne; mymy ly pri peang ai nai nga iy ali teang baly, my i miseaung tangka pei naichi ai kangpeung majirei nga mo, nanai pany ai nai palau hai.

LUKA 23:42

Naibaly mymy ly “Isu nangmy i peang naira y nang tym khala y kai ai pany jo ba,” napi.

AMTAW 10:42

Naibaly mymy ly kadeichi hawi kanghengchi ai tara chih nai keung y Tameuh my khai rym nai ne, nanai khumichi teng y thui pi ai nai hawi, pany hai ai nai py kaichi ai Tameuh my leu ang pei.

AMTAW 17:31

mymy ly mymy i khumi khai rym nai ai ly khaileaung pri y hawihai palai tarahih hai ai nai kani thui yb nai deaungkho y; huna nai Tameuh my mymy ai ly kadeichi theung i dengdairei pathau iy, khumi bawibawichi teng y thai hai khyp bo,” napi.

ROM AVANGCHI TENG Y PAWLA I CHA PA NAI 2:16

mymychi i hawi nai hawi y nai pany naira my pany hai iy mymychi i dawn naira my apasum py apasum lawh ai, ti y baly akhi py akhi hai lawh ai.

KOLOSA 3:4

Krista, achi i heng naira ly amteng nai neng khala y ly nangchi py mymy hawi nang parai nai theung y amteng u teang ai.

II THESALONIKA 2:8

Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

I TIMOTHEI 5:21

Nang ly hawihai deng y naimy cheh iy patle takhra nai tarawi y ati sai py so y naimy, Tameuh hawi Krista hawi vawi takhra nai kani pri i amtaw thau naichi i mei ka-niu y py huni leu patawm ai nai leu kang pei.

II TIMOTHEI 1:10

na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

II TIMOTHEI 2:14

Huni atiti leu ly nichi ai dawn hai vau; ati sai py chawn y naimy, tangai nai keungchi ai taphra ai nai leu rumrang naira aei u y ai nai Areng i mei ka-niu y leu pei.

II TIMOTHEI 4:18

Areng my ly kai ai hawi y sa naira bawibawi i nai ang tleaung hai ai i, mymy i kani pri y peang naira tym pa-rei chymme naimy ang paheng ai; mymy teng y deungtasa khrairei nang parai naira awm sy. Amen.

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

I PETERA 4:5

nichi ly kanghengchi hawi kadeichi ai tara chih ai nai angveirym nai keung teng y mymychi i satang thui pi ai nai tla.

I PETERA 5:4

Naibaly Beram Typ nai Keung kalen keh my ly amteng nai khala y ly nangchi ly rawm thai y nai nang parai nai areng lukhym nga u ai.

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.

II PETERA 1:17

Naibaly khri pa-rei nang parai naira i dengdairei mymy teng y raawi tym i, “Hini ly kai i Chapo ngai parai nai ne: kai ly mymy i tlang tleaung y khri khti pa-rei kakawn parai,” nanai thym khala y ly, ni ly Ampo Tameuh teng i dengdairei tahm pasang naira hawi nang parai naira nga bo.

I JOHAN 2:28

Hunaibaly bechi awi, mymy ly amteng iy py achi ly mymy i mo y kaji y nai vam parai pa-rei my awm pajau thai ai nai, mymy y awm u jojo.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.