II TIMOTHEI 3:3 - Khumi Common Language Bible

³ chai y naichi, tapen ahawi nai tamen naira by y naichi, pahen nai paleung by y naichi, seu rumrang naichi, amkym pajau y naichi, khri pa-rei kado theu naichi, hawi naira pipi ngai y naichi, vaineng takan naichi, sa ngangau naichi, tahm apasang naichi,

II TIMOTHEI 3:3 ပူးပေါင်းရင်းမြစ်များ

ATITI AWM ANGCHEI NAI 49:7

Myni i kado theu rawn nai ly amsawi lawi sy: kai ly myni i kado theu nai molam y, Israela pri verei y ahei hai ai. Mymy ni i khumichi theung y taprei vui ai.

SAM 15:4

Nichi ly Tameuh my khai su nai khumichi ai paso i, Areng i leu tangai nai khumichi ai ly tahm khai iy palo reng; mana tanrei amy i vui sum naira tym lawh teu i py, amy i leu adeu nai kamta sa jojo reng.

SAM 22:6

Na i py kai ly khumi ny y, thaideaung teu; khumi lutengchi my thui tamawn nai, khumi mei aniu y naira lawm bo.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

DANIELA 8:23

“Huni prichi ly phra ai nai kasa iy, pajeng ai avo nai pa-rei kamngo sa u nai khala y, paleung tang naimy paleung akawi iy tapawp reng nai samrang leaungrei lyn ai.

MATTHAI 10:21

Naibaly padei hai ai nai amjo amnau tengtawi apatiu hai i, ampo py chanau ai patiu hai teang ai; chanauchi py mychi i amhm ampo ai tiu ai i, padei hai teang ai.

MATTHAI 4:1

Hunai pajau khala y Phailo ly Isu ai diabola my prawi ai nai daichi ka-vym y pahawi bo.

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

LUKA 16:14

Naibaly tangka ngai phi nai Pharisaichi ly hini leu bawibawi thai i panui hai.

JOHAN 6:70

Isu my nichi teng y, “Nangchi holai nyhreichi ai ly kaimy kang vawi nai ny y a? Nangchi theung i leaungrei ly vawinam ne ryp,” nanai pathang.

ROM AVANGCHI TENG Y PAWLA I CHA PA NAI 1:29

hunaibaly hawi y nairachi, kamngo nairachi, atakaw nairachi, taphra ai ngai nairachi bawibawi my kawi u veng bo; paleung no nairachi, khumi ai padei nairachi, ajo naichi, tapawp naichi. awm nai sai hawi y naichi my kawi u veng bo;

ROM AVANGCHI TENG Y PAWLA I CHA PA NAI 1:31

pany thai naira by y naichi, leu adeu nai taphra nai keungchi, tapen ahawi nai tamen naira by y naichi, pahen nai paleung by y naichi ne;

I KORINTH 7:5

Chiu sa ai nai apei hawi thai ai nai hawi, amkawm hawi bi thai ai nai, kra y nai sala chy i vui y avo na hawi mei nai ny y baly, apei y ai nai so moh, ti y baly amkym pajau y nai deaungkho y Setan my nangni ai parawi lawh na.

I KORINTH 7:9

Na i py amkym pajau ai naira by y baly apom u sy; paleaung ai nai tleaung y ly apom ai nai hawi keh.

I THESALONIKA 4:8

Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.

I TIMOTHEI 3:11

Hunai kamta teang neampachychi py tahm khai ai nai khumi ne ai nai tla; seu rumrang nai khumi ny y naimy, amkym thai nai khumi hawi atiti cheaungkhangra y ka-ym awm nai khumi ne ai nai tla.

TITA 1:8

Huna ny y naimy ni ly angvynchi ai kawn reng nai hawi, atiti kahawi ngai parai nai hawi, amkym thai nai hawi, paleung kahawi hawi, khumi kachai hawi, amy i ngai nai sai apeang nai khumi py ne lawh ai nai tla;

TITA 2:3

neampachy miteaungchi my py mymychi i amhi amtlau nai sai y Tameuh ai tahm khai ai nai hawi, seu rumrang iy kreip athai hang ha nai miseaung lawn y naimy, atiti kahawi patiu nai keungchi lawn ai nai pachei teang;

JAKOB 2:6

Na i py nangchi ly khumi kamawn ai tapheaung lawh. Khumi kanangchi ly nangchi ai ana, naibaly tara chih naira yhm y ang ryh reng nai ny y a?

II PETERA 2:14

nichi i mei ly pajang sa nai kawi iy, kamngo anawn pajau y naichi ne; nichi ly khaw y naichi ai parawi, yhmtheaung ano kawp ha nai paleung py awm; amsawi lawi nai chanauchi ne he!

II PETERA 2:19

nichi ai alaw hai naira adeu hai u lawh reng, na i py mymychi kypkyp ly phra naira i miseaungchi ne:ati mana nai mo nabaly khumi ai pajau naira ngierei ly huni khypkhyp ly mymy ai miseaung y palawn lawh reng nai ne.

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

JUDA 1:16

Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.

JUDA 1:18

Mymychi ly nangchi teng y, “Kani kangkhym y ly panui hai nai keungchi ly mymychi i Tameuh ai tahm khai y nai ngai phi teng y nai kamta tako nai awm u ai,” napi.

AMTENG HAI NAI 13:15

Naibaly mawi kasi i myn ly leu katheu thai ai nai pa-rei hawi, mawi kasi i myn y chiu y nai ngiereichi ai padei hai thai ai nai py, ni ly mawi kasi i myn taho hai ai nai leu nga bo.

AMTENG HAI NAI 13:17

hunaibaly mawi kasi amyn mo, ni i kanai mo, huni ka-ma-ra awm naichi ny y baly ami py ati sai py jo van ai nai ngo y.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.

AMTENG HAI NAI 17:6

Naibaly huni neampachy ly khumi kachaichi i thi hawi, Isu deaungkho y dei naichi i thi y pavui nai kaniu. Naibaly kai ly ni ai niu makho makha baly rengrang tlai napi i, khra pa-rei lyh na.