II TIMOTHEI 3:16 - Khumi Common Language Bible

¹⁶ Tameuh i cha-iu leu bawibawi ly Tameuh i taho hai nai kamhui ne, naibaly Tameuh ai dawn nai khumi ly atiti kahawi cheaungkhang sa ai nai angym pa-rei my amthyp angym thai ai nai,

II TIMOTHEI 3:16 ပူးပေါင်းရင်းမြစ်များ

2 SAMUELA 23:2

Areng i phailo ly kai mang dengdairei leu pei bo; mymy i leu ly kai i labeaung teng y awm.

NEHEMIA 9:20

Nang ly neaung hawi nai deaungkho y nichi i sa ai avo naichi lam patei pi; nichi ai Manna tako hawi pacho iy nei ai nai tui py pei.

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 119:130

Nang i leu ai thui pi pachai nai ly kangvang pei iy cheng y naichi ai cheng naira nga hai bo.

SAM 119:9

Thawndeang deaungdichi ly chai pyn pa-rei mana heng pajau ai mo? Nang i reita leu pei naichi tangai baly. chai parai naimy awm pajau nai ne.

LEU KACHENG 15:10

Hawi y sa nai khumi ly khri pa-rei pajeng naira avum ai; thui parip nai tangai y nai khumi ly dei areu ai.

LEU KACHENG 15:31

Thui parip nai ai tahm khai reng nai khumi ly cheng naira awm nai khumi ne.

LEU KACHENG 6:23

Reita leuchi ly maisi yhm kamta ne i, nichi i ang thui pi nai leuchi ly kangvang hawi atawm. Nichi i thui parip nai leuchi ly nang heng ai nai lam patei pajau.

MIKHA 2:7

Israela chengchi ly amsawi lawi bo, nanai athang khai a? Areng ly neaung kham pajau na bo a? Mymy ly huna nai sa takengkei ai bo a? Kahawi sa nai khumichi teng y, mymy ly kapahen leu thui pi ai ny y a?,” nanai kai teng y thui u ali teang bo.

ZEPHANIAH 3:2

Huni mary ly Areng i leu pei nai tangai y. Mymy i thui pi nai reita patawm y. Mymy ai ym y. Areng teng i kasabawmra py hnei y.

MATTHAI 13:52

Nichi my ly mymy teng y, “Ne chy,” napi. Naibaly mymy ly nichi teng y, “Huna nai ne baly kani pri my peang nai i abang nai khumi ai palawn nai Reita patiu nai keung ngierei ly, yhmkeung my mymy i yhmtheaung dengdairei atiti kangthachi hawi atiti kangngymchi py patheaung nai kamta atawm,” napi.

MATTHAI 21:42

Isu my ly nichi teng y, “Yhm sa nai keungchi i lengseaung ngai y nai ly, Huni kypkyp ly taki i lengseaung avo keh nai palawn bo: Huni ly Areng i sa nai ne i, Achi i mei ka-niu y rengrang tlai nai ne,’ nanai ly Tameuh i cha-iu y phai u vai y a?

MATTHAI 22:43

Mymy ly nichi teng y, ‘Tumbaly Davida my Phailo Kachai i saho y mana nai ni ai Areng napi lawh? Mymy ly,

MATTHAI 26:54

Na i py katakeng baly hina nai kamta awm ai nai tla, nanai Tameuh i cha-iu leu ly mana tym thai ai mo?” napi.

MATTHAI 26:56

Na i py amochi i leu tym thai ai nai hini bawibawi ly tym nai bo he,” napi. Hunai thym khala y ly abangnaichi bawibawi ly mymy ai patlaw su i angpreng pi pawn veng.

MARKA 12:24

Isu ly nichi teng y, “Nangchi ly Tameuh i cha-iu leu sai hawi, Tameuh i atiti sa thai naira pany y nai deaungkho y na a, nangchi i dawn tamang u reng nai ly.

MARKA 12:36

Davida kypkyp my Phailo Kaichai i saho y, ‘Areng ly kai i Areng teng y, Nang i paleung ka-echi ai ly nang i kheu khai naira kapalawn y ryrei ly Kai i lamtang mang y ateh,’ napi.

JOHAN 10:35

Tameuh i leu nga naichi ai malawn py tameuhchi napi baly (naibaly Tameuh i cha-iu leu sai ai taphra thai y leang)

JOHAN 3:20

Ami py hawi y sa nai ngierei ly kangvang niu ngai y, kangvang y py theu y, ti y baly mymy i hawi y sa nai preng lawh na.

AMTAW 1:16

“Amjo amnauchi awi, Phailo Kachai my Davida i labeaung y Isu ai patiu nai keungchi ai pahawi nai keung Juda i satang thui yb nai ly, huni Tameuh i cha-iu leu sai ly ang tym tanga nai bo.

AMTAW 18:25

Huni khumi ly Areng i reita amtiu bo; naibaly mymy ly khri pa-rei paleung y dawn patyp nai deaungkho y Isu i satang thui pi i patiu chumchi, na i py mymy ly Johan i baptisma leu harei pany khyh;

AMTAW 20:20

huna nai chawn ai nai leu thui ai nai ly kai nanghi teng y ati sai py avaw y leang, khumi humchi theung y hawi, yhm tleirei y kai i patiu reng nai ly.

AMTAW 20:27

Ati mana nai mo nabaly Tameuh i kangai bawibawi ly nangchi teng y avaw y naimy kang thui pi nai bo.

AMTAW 28:25

Naibaly mymychi tengtawi adyh y i, Pawla my leu sairei thui nai bo y theu u pawn bo; “Phailo Kachai ly amo Isaia i labeaung y nangchi i amsi sangumchi teng y thui nai ly teng parai:

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

ROM AVANGCHI TENG Y PAWLA I CHA PA NAI 2:20

nangmy kypkyp ly mei kamjuchi ai pahawi nai keung, kaveng theung y awm naichi ai angvang hai nai keung, khumi cheng y naichi ai cheng hai nai keung, deaungdi chymplei naichi ai patiu nai keung ne, nanai athang akhai baly;

ROM AVANGCHI TENG Y PAWLA I CHA PA NAI 3:2

Lengkhym takip naira py ati kamran awm mo? Lam cheaungkhangra y chawn parai; angchei y ly nichi teng y Tameuh i leu sai ly kry hai nai deaungkho y chawn naira ne.

ROM AVANGCHI TENG Y PAWLA I CHA PA NAI 4:23

Hunaibaly mymy i vui y palawn nai ne, nanai ly mymy deaungkho y harei tajiu nai khyh ny y leang, achi deaungkho y py ne;

I KORINTH 12:7

Na i py bawibawi chawn ahum ai nai Phailo amteng hai naira ly khumi leaung leaungrei teng y pei nai ne.

KALATIA 3:8

Naibaly Tameuh i cha-iu ly Tameuh ly ym naira deaungkho y Cheng Takhrachi ai ly eaung hai ai, nanai pany hai rym i, “Nangmy y ly cheng cheaungkhangchi ly amtheaung hai naira nga ai,” nanai Abraham teng y Satang Kahawi thui pi yb bo.

Leu Thui Nai 29:29

“Achi i Areng Tameuh my thui pi y nai satangchi awm rai. Na i py achi teng y thui pi nai satangchi ly reita leu pei naichi ne; achi hawi achi i kangpreangchi ly huni reita leu pei naichi ai avawrei patawm jojo ai nai tla.

Leu Thui Nai 4:36

Mymy ly nangchi teng y leu pei naichi thui pi ai nai, kani mang dengdairei mymy i raawi thai hai bo; khaileaung tleaung y nangchi ly mymy i khai takhra nai mai kangveaung niu hai iy, huni mai theung mang my nangchi ai leu ang pei nai ne.

II TIMOTHEI 2:25

hawi y sa naira y kham pajau nai, mymy i patiu nai leu ngai y naichi ai leu anui parai naimy nichi ai patiu lawh ai nai tla;

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

HEBRAI 11:1

Naibaly ym naira ly atiti athang khai naira awm khypkhyp, nanai pany khyp naira ne i, atiti niu thai y naichi i pany hai naira ne.

HEBRAI 3:7

Hunaibaly Phailo Kachai i thui nai kamta khyp ly, “Vaini ly mymy i raawi tangai u baly,

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.