II TIMOTHEI 2:24 - Khumi Common Language Bible

²⁴ Areng i miseaung ly ajo ai nai tlo y i, khumi bawibawichi i tlang tleaung y neaung hawi iy patiu nai sai kawp i,

II TIMOTHEI 2:24 ပူးပေါင်းရင်းမြစ်များ

2 NENG SATANG 24:6

Hunai deaungkho y ni ly huni khumi bawibawichi i lu Jehojada ai palau iy, “Areng i awm naira Tabynako i vui y khumichi my pei ai nai, Areng i miseaung Mosi my khai yb nai kamta, tangka cheaung ai nai Levi theaungchi ai ati mana nai Juda pri hawi Jerusalem mary i nai theu iy cheaung hai y lawh mo?,” napi.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

MATTHAI 12:19

Mymy ly aei py aei y ai, aeu py aeu y ai, Lam y py ami py mymy i raawi thai y ai.

JOHAN 6:52

Hunaibaly Judachi ly aei u leungtang i, “Hini khumi ly ni i ngan cha ai nai mana ang pei thai ai mo?” napi.

AMTAW 15:2

Hunaibaly Pawla nini Barnaba ly mymychi hawi khrikhri pa-rei aei ala nai aei y alam nanai hawi, aly ngang nai deaungkho y, Pawla nini Barnaba ai ly hinichi theung i amichi hawi mo huni leu khrukhra naira y Jerusalem i amtaw thau naichi hawi, miteaung kehchi teng y kalau ai nai khai rym bo.

AMTAW 23:9

Hunaibaly khrikhri pa-rei khrukhra bo; Pharisaichi mang i Reita patiu nai keung phyreichi ly angdo iy khri pa-rei aei i, “Hini khumi ly tamang naira kaichi ati sai py pany y leang; phailo mo kani pri i amtaw thau naimo mymy teng y atiti thui pi lawh baly mana sa ai mo?” napi.

AMTAW 7:26

Naibaly khawn mang y mymychi theung i khumi leaung nyhrei ani nai thym khala y mymy ly nini teng y tym i, ‘Arengni awi, nangni ly amjo amnau chy bo; ati mana nai nangmyni tengtawi teng y parai nai sa hawi lawh mo?’ nanai aly hai ai nai tau.

II KORINTH 10:1

Naibaly kai Pawla kypkyp, nangchi theung y awm khala ly nangchi i mei ka-niu y leu anui parai nai kaawm i, nangchi teng y awm y nai khala ly nangmychi ai vam nai ly, Krista i leu kanem hawi neaung hawi naira y kang takeng nai ne;

II KORINTH 10:4

(kaichi i tavai ateaungchi ly tlang y awm nai ny y leang, apai khaw parai naichi aphrei ai nai ly Tameuh i saho y atiti sa thai nairachi ne);

II KORINTH 6:4

na i py Tameuh i krykeungchi kamta ati cheaungkhangra y py khumi i mei kangai awm, khri pa-rei kham pajau naira y py, patang naira y py,

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

EPHESI 4:2

aly naira my kawm naira y Phailo bomrei naira ai ly kry ai nai sa u tanga iy,

Leu Thui Nai 34:5

Hunai deaungkho y Areng my leu pei nai kamta, mymy i miseaung Mosi ly Moba pri y dei bo.

PHILIPI 2:14

Padeng ai by y nai hawi, avo y naira abawi y nai py, vai i kangthau paleung akawi nai hawi taphra naichi theung y Tameuh i chanau cheh naira by y naichi lawn u thai ai nai,

PHILIPI 2:3

Apreaung nai hawi tahm apasang nai deaungkho y ati sai py so u y naimy, khumi leaung leaungrei ly tahm apanem parai naimy amy tleaung y khumi takhra ly hawi kyh, nanai palawn bawibawi sy;

KOLOSA 3:13

ami py ami i tlang tleaung y leu hawi y naira awm iy py mang mang amnym u leungtang nai apahen u; Areng my ang pahen nai kamta khyp my apahen u teang;

I THESALONIKA 2:7

Amhm ly mymy i chanauchi ai ko nai kamta ly kaichi py nangchi theung y neaung hawi parai naimy kang awm u lawh nai ly;

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

TITA 1:7

Ati mana nai mo nabaly palau takhra kamkawm peang nai keung my ly Tameuh i yhmthaeung kry nai keung ne nai deaungkho y, cheh naira by y nai pa-rei awm ai nai tla; ni ly amy i ngai nai harei dawn khyh nai hawi, kado theu praw nai hawi, kreip athai hang pavui nai hawi, khumi ai tabeang nai hawi, kamran hau reng nai khumi py ne ai nai tlo y.

TITA 1:9

ni ly patiu naira lam kateng y pachei thai ai nai hawi, aei nai keungchi ai sum naira nga hai thai ai nai py, reita kamta patiu nai leu ka-ym awm nai patawm thleng nai khumi ne teang ai nai tla.

TITA 3:2

ami ai thui tamawn y ai nai hawi jo sei y ai nai hawi, neaung kahawi awm ai nai hawi, khumi bawibawichi teng y leu anui naira kangym amteng hai ai nai py nichi ai dawn hai.

JAKOB 1:1

Jakob, Tameuh hawi Areng Isu Krista i miseaung ly, Ahei nai cheng holai nyhreichi teng y ly kang kawn ba.

JAKOB 3:17

Na i py salo mang i dengdairei cheng naira theu nai ly angchei y chai vui rai, hunai bo y ly aly ai nai ngai i neaung py hawi parai, ado ai nai py ngai, pahen naira hawi athai kahawi my kawi, naibaly patle takhra y i tapawp nai py by y.

JAKOB 4:2

Nangchi ly ngai phi i ngo y, nangchi ly khumi ai py padei, paleung py ano, na i py ngo thai y:nangchi ajo py ajo, atiu py atiu; nangchi ly hnei y nai deaungkho y ngo y.

JOSUA 1:1

Areng i miseaung Mosi dei nai bo y Areng my Mosi i bangtang Nun i chapo Josua teng y,

I PETERA 3:8

Kangkhym kangtem y ly nangchi bawibawi paleung vanrei awm u ly, pahen nai paleung awm u, amjo amnauchi kamta atamen u, neaung kahawi awm u, leu anui naimy awm u ly:

JUDA 1:3

Ngai parai naichi awi, achi ai paheng ahum nai satang ly nangchi teng y tajiu ai katau tanga nai thym khala y, khumi kachaichi teng y tlenrei au nai ym naira mang y atho sa patyp ai nai, nangchi ai pachei ai nai cha kang tajiu hai ai nai aly aeang, nanai kapany bo.