II TIMOTHEI 2:21 - Khumi Common Language Bible

²¹ Hunai deaungkho y ami py huni atitichi ra y apachai baly, mymy ly tahm asang nai laawm, khai takhra nai, yhmkeung my teaung ai avo nai, atiti sa ai nai cheaungkhangra y angvei rym nai awm khyp ai.

II TIMOTHEI 2:21 ပူးပေါင်းရင်းမြစ်များ

SAM 119:9

Thawndeang deaungdichi ly chai pyn pa-rei mana heng pajau ai mo? Nang i reita leu pei naichi tangai baly. chai parai naimy awm pajau nai ne.

ISAIA 1:25

Kai ly nang ai bawi la iy kang pajeng ai. Tamo ngan ai pachai nai kamta, nang i kakhawi kangjenchi py pachai iy, nang ai kachai sa ai.

ISAIA 52:11

Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi ai kiu hawi py, abi u dei moh. Nangmychi ai apachai iy, mary i nai theu u.

JEREMIA 15:19

Huna nai takeng nai khala y Areng my, “Nang ly kamngo uikheih ai nabaly, nang ai kawn leaung ai. Nang py kai i miseaung lawm ali teang ai. Nang ly vang teng y nai leu katheu y naimy tahm awm nai leu katheu lawh baly, kai i amo lawm ali teang ai. Khumi mipuichi ly nang teng y vawi u teang ai. Nang ly nichi teng y chei ai nai aly ngai y leang bo.

MALAKHI 3:3

Mymy ly ei chaipyn hai ai nai tangka patlawn nai keung kamta, ang jeu iy tara chih ai. Muku ateaung, tangka ateaung thip kawp nai keung my, muku hawi tangka ai patlawn nai kamta, Areng i amtaw thau naimy ly pathyp nai keungchi ai chai pa-rei sa ai. Huna nai kamta sa nai ly pathyp pi nai keungchi my Areng teng y avo nai kapathyprachi syn pajau ai nai ne.

AMTAW 9:15

Na i py Areng my ly mymy teng y, “Chei, chei; Cheng Takhrachi hawi, samrangchi hawi, Israela kangpreangchi teng y kai i amyn apu ai nai vawi nai na a;

I KORINTH 5:7

Nangchi ly angbo abawi y nai kamta khyp my tako phi kangtha lawn u thai ai nai, angbo kangngym ly pasym u pan. Krista kypkyp ai ly achi i Katlen Vui nai pawi i beram cho pathyp pi veng bo;

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

II KORINTH 9:8

Naibaly nangchi ly ati cheaungkhangra y hawi khyp naimy awm u jojo iy, kalop kahawi cheaungkhang i vui sa naira bawn u thai ai nai, Tameuh ly nangchi i tlang tleaung y pahenra cheaungkhang ang bawn hai pajau.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 2:16

Na i py Tameuh ai tahm khai y nai leu thui rumrang nai ai ly hi pi veng; hunai kamta thui naichi ly Tameuh ai dawn y naira mang y ty ra ty ra ai i,

II TIMOTHEI 2:20

Na i py yhm kalen pui y ly muku hawi tangka laawmchi harei khyh ny y naimy, dengkeaung hawi alai laawmchi py awm teang; phyrei ly tahm asang ai nai awm iy, phyrei ly tahm anem naira y awm teang.

II TIMOTHEI 3:17

patiu naira y hawi sum hai naira y hawi, parip naira y hawi, atiti kahawi patiu naira y ly chawn nai ne.

II TIMOTHEI 4:11

Marka ai chi ly, mymy ai hawi:mymy ly atiti sa naira y ly kai i vui avo parai.

TITA 3:1

Pri peang naichi hawi, aly peang nai keungchi i kangai awm ai nai hawi, leu tangai ai nai hawi, atiti kahawi sa ai nai ngai nai paleung awm ai nai hawi,

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

I JOHAN 3:3

Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.