II TIMOTHEI 2:20 - Khumi Common Language Bible

²⁰ Na i py yhm kalen pui y ly muku hawi tangka laawmchi harei khyh ny y naimy, dengkeaung hawi alai laawmchi py awm teang; phyrei ly tahm asang ai nai awm iy, phyrei ly tahm anem naira y awm teang.

II TIMOTHEI 2:20 ပူးပေါင်းရင်းမြစ်များ

EZARA 1:6

Nichi i tengpang y awm nai khumichi ly muku, tangka, cha nei ateaungchi, vawn tang nai tawnbawichi, takhra vang kateng vawnsaichi hawi Achura yhm i vui apathyp ai nai kapathyprachi sabawm u.

EZARA 6:5

Samrang Nebukhadnezar my Jerusalem mary Achura yhm i nai Babulon mary y syn vui nai muku, tangka ateaung bawibawichi py, mymychi i mary Jerusalem Achura yhm y tha pi ali teang ai nai tla,” nanai abawi nai ne.

THEU NAI 27:3

Maidym hawi thau patengra laawm, khaileaung chawn, rahum, leangkhawn, mai-ai patengra laawm napi nai maicham ateaung ngierei ly kheupaja hawi sa bawibawi ai nai tla.

TANGAM NAI LEU 4:2

Zion mary i khumi ka-cheangchi ly achi i vui y muku kamta vang teng parai teu i py, vai i neng y ly alai laawmchi kamta dawn ai nai avum u lawh bo.

DANIELA 5:2

Huna nai nei u nai thym khala y, amposamrang Nebukhadnezar my Jerusalem mary Achura yhm i syn vui nai muku khau hawi tangka khauchi mymy teng y jeu hai ai nai leu pei bo. Mymy hawi vanrei bangtangchi, samrang i ajuchi hawi samrangnu i aheaung apaichi kreip hang nei ai nai, huni khauchi la ai nai leu pei nai ne.

JOHAN 8:49

Isu my, “Vawinam my kai ai nam nai ny y leang; Ngaai ai kapalo nai ne i nangchi ly kai i amyn taphra lawh ly.

ROM AVANGCHI TENG Y PAWLA I CHA PA NAI 9:20

Ne, na i py nai awi, Tameuh ai ei nai keung nang ly ami kha? Atiti sa angchi nai my ly sa nai keung teng y, “Nang ly ati mana nai kai ai hinai kamta sa lawh?” tapi na a?

I KORINTH 3:9

Kaini ly Tameuh hawi kalop sa ahawi nai ne; nangchi ly Tameuh i pachai nai hlau ne i, Tameuh i sa nai yhm py ne teang.

II KORINTH 4:7

Na i py khri pa-rei atiti sa thai naira ly kaimychi teng i ny y naimy, Tameuh teng i ne lawh thai ai nai, kaichi ly hini yhmtheaung katui ly alai laawm y awm nai ne.

EPHESI 2:22

nangchi ai py mymy y ly Phailo y Tameuh i awm ai naira padyh u achu nai ne.

I TIMOTHEI 3:15

na i py kai ly awm kra lawh iy Tameuh i dengtheung theung i khumichi ly mana mana awm ai nai tla mo, nanai nang pany thai ai nai kang pa nai ne: huni ly Tameuh Kangheng i palau takhra kamkawm, leu meitang i yhmmawm hawi khai hai naira ne.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.