II TIMOTHEI 1:8 - Khumi Common Language Bible

⁸ Hunaibaly achi i Areng i leu ang pany hai nai hawi, kai mymy i theaung y tla nai khumi ai py kaji hai moh; na i py Tameuh i atiti sa thai naira i saho y Satang Kahawi deaungkho y patang naira y kai kamta kham kyh ba;

II TIMOTHEI 1:8 ပူးပေါင်းရင်းမြစ်များ

SAM 119:46

Kai ly nang i thui parip nai saichi ai, samrangchi i mo y pany hai ai; kai ly kangji kangai nga ai ny y.

SAM 19:7

Areng i leu ly angym be pa-rei hawi nai deaungkho y, paleung hawi phailo ai kangtha lawm hai reng nai ne. Areng i patiu pi nai saichi ly ym ai hawi parai nai ne i, pany thai y naichi ai pany hai bo.

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

MARKA 8:38

Ami py vai deung kangthau pajang sa nai hawi kamngo sa reng naichi theung y kaimy ai hawi kai i leu ai py kaji hai nai ngierei ly, Khumi i Chapo ly kani pri i amtaw thau naichi hawi mymy i Ampo i nang parai naira apu naimy ang jeu nai neng khala y ly, huni khumi ai ly ang kaji hai teang ai”, napi.

LUKA 9:26

Ami py kaimy ai hawi kai i leu ai py kaji hai nai ngierei ly, Khumi i chapo ly mymy i nang parai naira hawi, Ampo i nang parai naira hawi, kani pri amtaw thau nai kachaichi i nang parai naira py apu naimy ang jeu nai neng khala y ly, huni khumi ai ly ang kaji hai teang ai.

JOHAN 15:27

nangchi py angchei kha i dengdairei kai teng y awm nai deaungkho y pany hai u teang ai.

JOHAN 19:35

Nangchi ly ym thai ai nai, niu nai keung my pany hai bo; ni i pany hai nai leu ly teng parai mang; ni i thui nai ly teng, nanai apany.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

ROM AVANGCHI TENG Y PAWLA I CHA PA NAI 1:16

Kai ly Satang Kahawi ai ly kakaji hai y leang; huni ly ami py ym nai ngierei i vui ly paheng ai naira lawn ai nai Tameuh i atiti sa thai naira ne; angchei y ly Judachi i vui ne, naibaly krikchi i vui py ne teang.

ROM AVANGCHI TENG Y PAWLA I CHA PA NAI 16:25

Kai i Satang Kahawi hawi Isu krista i leu thui pi nai kamta,

ROM AVANGCHI TENG Y PAWLA I CHA PA NAI 8:36

“Nangmy deaungkho kaichi ai ly kani khengrei ang padei, Kaichi ai ly beram tleh ai naichi kamta ang dawn nai ne,” nanai tajiu nai kamta.

ROM AVANGCHI TENG Y PAWLA I CHA PA NAI 9:33

“Khen cham, Zion y ly atlym naira lengseaung hawi paka naira lengseaung pui kakhai i, Ami py mymy ai ym nai ngierei ly amtheaung leaung y ai,” nanai tajiu nai kamta.

I KORINTH 1:6

Krista i leu kang pany hai nai py nangchi ai ang khaw hai nai kamta ly;

II KORINTH 6:7

leu meitang ra y py, Tameuh i atiti sa thai naira y py; langvawi mang py lamtang mang py hawi naira haichi deaungkho y py, palo naira hawi palo y naira deaungkho y py,

EPHESI 3:1

Hunai deaungkho y kai Pawla, nangchi Cheng Takhrachi deaungkho y Krista Isu y theaung tla nai khumi ly-

EPHESI 3:13

Hunaibaly nangchi i molam y kai i patang nairachi deaungkho y atho angai y nai awm y ai nai kang takeng, hunichi ly nangchi i tahm asang naira ne.

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

EPHESI 4:17

Hunaibaly kai ly huna nai thui iy Areng y kang pany hai nai ne: Cheng Takhrachi i dawn rumrang nai tako nai kamta ly tako u bi moh; nichi i pany naira y ly veng nai ne;

PHILIPI 1:7

Naibaly nangchi ai ly kai i paleung y kang khai nai deaungkho y, nangchi bawibawi mang y kai hunai kamta paleung awm nai kai i vui avo nai ne; ati mana nai mo nabaly kai ai kawm naira y py Satang Kahawi ai eaung hai nai leu kathui naira y hawi, khaw hai naira y py nangchi bawibawi ly kai hawi vanrei pahenra nga ahawi naichi ne.

PHILIPI 3:10

mymy i dei nai ka-tawm dei iy, mymy ai hawi mymy i angthau bi naira i atiti sa thai naira hawi, mymy i patang nairachi amtawm hai nai py kapany thai ai nai hawi,

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

KOLOSA 1:11

Naibaly nangchi ly amo theu parai naimy kham pajau naira hawi, amnym naira cheaungkhang nga u ai nai, mymy i nang parai naira ham nai sai kamta sa thai naira y ham naimy,

KOLOSA 1:24

Kai ly vai nangchi i vui y kang patang pi naira y ly kakawn, Krista i ngari patang nai kamthom ly mymy i tlang deaungkho y kai i ngan y ly kapatawm veangveang nai ne;

I THESALONIKA 3:4

Kaichi ly nangchi teng y awm nai thym khala y py achi ly ngari patang nai ly avum ai nai tla, nanai kang thui pi rym khypkhyp chy bo; hunai kamta khypkhyp ly tym bo, nanai nangchi ly pany u bo.

I TIMOTHEI 2:6

mymy py khumi, Isu Krista ne, ni ly khumi bawibawichi i atleu naira lawn ai nai apei bo; huni ly neng khyp nai khala y pany hai nai awm bo;

II TIMOTHEI 1:10

na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

II TIMOTHEI 1:16

Areng my ly Onesiphora i dengtheungchi teng y pahen naira tym hai sy; ni my ly kai ai amcheng hai reng i, kai i sengkry amchu nai py kaji hai y leang;

II TIMOTHEI 2:3

Krista Isu i tavaimi hawi parai nai kamta patang naira y kai kamta kham kyh ba.

II TIMOTHEI 2:8

Kai i Satang Kahawi leu thui nai kamta, Davida i kangpreang i nai theu nai, kadeich theung i dengdairei angthau bi nai Isu Krista ai ly pany jo;

II TIMOTHEI 2:9

kai ly huni Satang Kahawi deaungkho y atiti hawi y sa nai keung kamta kawm ai ka-lawn pa-rei patang naira kakham nai ne; na i py Tameuh i leu ly kawm nai ny y leang.

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

II TIMOTHEI 4:5

Na i py nang ly ati cheaungkhangra y amkym ly, patang naira py kham tanga, Satang Kahawi thui pi nai keung y kalop so ly, nang i kry nai kalop ly angym pa-rei py so ba.

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

I JOHAN 4:14

Naibaly Ampo my chapo ai ly khaileaung pri ai Paheng Keung lawn ai nai ang pato nanai ly achi pany py pany, thai py thai hai bo.

JUDA 1:24

Hunaibaly atlym y ai nai pa-rei nangchi ai ang typ thai ai nai hawi, ni i nang parai naira mo y khrikhri pa-rei amo theu hai iy, chai y naira akau y naimy ang tym hai nai keung, achi ai Paheng nai keung Tameuh leaungrei awm khyh nai teng y ly,

AMTENG HAI NAI 1:2

mymy i miseaung Johan ai huni leu thai hai bo; naibaly mymy ly Tameuh i leu hawi, Isu Krista i thui pi nai leu hawi mymy i atiti niu nai bawibawi py pany hai bo.

AMTENG HAI NAI 1:9

Kai Johan, nangchi i amjo amnau hawi, Isu y patang naira hawi, peang naira hawi, kham tanga naira py vanrei amtawm hai nai keung my ly Tameuh i leu hawi Isu Krista i thui pi nai leu deaungkho y py Patmosa napi nai tlawn y ly kaawm bo.

AMTENG HAI NAI 12:11

Nichi ly Beram thi deaungkho y hawi, nichi i pany hai nai leu deaungkho y py ni ai pajau u bo:nichi ly dei ai nai pa-rei mymychi i hengra ai tama ai nai mawn y leang.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.