II TIMOTHEI 1:7 - Khumi Common Language Bible

⁷ ati mana nai mo nabaly Tameuh my achi jei ai nai phailo ang pei nai ny y leang, sa thai naira hawi tamen naira hawi parip naira phailo ang pei na teu.

II TIMOTHEI 1:7 ပူးပေါင်းရင်းမြစ်များ

SAM 119:80

Kai ly nang i reita leu pei naichi ai sai py takhawi y naimy tangai nai deaungkho y, sum naira hawi kangji kangai ngo hai mo kyh ba.

LEU KACHENG 2:7

Mymy ly khumi meitang, leu meitang teaung nai khumichi ai sabawm iy ama hai bo.

LEU KACHENG 8:14

Kai ly katauchi sa iy, amlum amcheang hai bo. Kai ly pany thai nai cheng naira hawi, sorai paleung py kawi angym nai ne.

ISAIA 11:2

Ni ly mymy i khumichi ai peang ai nai cheng naira, pany thai naira hawi haiho ly Areng i Phailo hawi nga ai. Ni ly Areng i kangai pany iy, mymy ai tahm khai ai.

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

LUKA 10:19

Khen cham, nangchi ly pavuichi hawi, kani taaichi ai chiu pajau ai nai hawi, paleung ka-e i sa thai naira bawibawi tleaung y peang pajau ai nai py leu kang pei mang; naibaly ati sai py nangchi ai no hai pajau y ai mang.

LUKA 15:17

“Naibaly ni ly adawn vau nai khala y, ‘Ngaai teng y ly tham naichi neangneang biu cho lei y nai awm nai iy, kai ly hi y biu kanglam y kadei ai lawh bo.

LUKA 24:49

Naibaly khen cham, Ngaai i adeu nai ly nangchi teng y kang pato ai; na i py salo mang i dengdairei nangchi ai atiti sa thai naira y amthyp hai y ryrei ly avang y ajeng u jo rai ba,” napi.

LUKA 8:35

Naibaly mana lawh mo, nanai khen ai nai chei u hawm i nichi ly Isu teng y tym, naibaly vawinam theu vui nai khumi ly kanih akhiu iy paleung kari awm naimy Isu i kheu keung y ateh nai niu i nichi ly jei u.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

AMTAW 1:8

Na i py Phailo kachai my nangmychi i tlang tleaung y tym nai khala y nangchi ly sa thai naira nga u ai; hunaibaly Jerusalem y py, Judai pri hawi Samari pri verei y py, khuteng taki y tym pa-rei nangchi ly kai i leu pany hai nai keungchi lawn ai,” napi.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

AMTAW 26:11

Naibaly achura yhm tleirei y kapajeng jojo i, thui tamawn hai akhikan ai nai katau; naibaly nichi i tlang tleaung y kai khrikhri pa-rei paleung patheang si parai i, pri takhra i avang y tym pa-rei kaimy ana reng.

AMTAW 26:25

Na i py Pawla my ly, “Festa kahawi keh awi, kai ly pathu y chy bo; leu meitang hawi amkym ai nai leu kathui nai teu.

AMTAW 6:8

Naibaly Stephana ly tamen naira hawi sa thai naira my kawi i khumichi theung y atiti rengrang hawi, atiti ka-ma-ra len parai tlai naichi py sa.

AMTAW 9:22

Na i py Sawla my ly ham ra nai, huni ly Krista ne khypkhyp, nanai thui pi pachai ra veng i, Damaska avang y awm nai Judachi ai ly tlau thai y pa-rei my pathang.

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.

ROM AVANGCHI TENG Y PAWLA I CHA PA NAI 8:15

Nangchi ly jei nai awm bi ai nai miseaung lawn ai nai phailo nga u bi nai ny y leang; na i py chanau lawn ai nai phailo nga u nai teu; achi ly huni deaungkho y Abba, Ngaai, nanai aeu reng.

I KORINTH 2:4

Naibaly nangchi i ym naira ly khumi i cheng naira y awm y naimy, Tameuh i atiti sa thai naira y awm thai ai nai,

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KOLOSA 1:8

Mymy ly kaichi i jeng y awm iy, Krista i krykeung ka-ym awm parai nai khumi ne i, nangchi i Phailo y tamen naira ly kaichi ai py ang thui pi bo.

HEBRAI 2:15

huni deaungdichi ly tlang hawi thi nga naichi ne nai deaungkho y mymy py huni kypkyp ly nga teang bo.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I JOHAN 4:18

Tamen naira y ly jei ai naira ha py by y leang; tamen naira angym nai my ly jei naira ai patheu nai ne: jei naira y ly pajeng ai naira awm lawh veng; jei nai keung ly tamen naira y angym y leang.