II TIMOTHEI 1:16 - Khumi Common Language Bible

¹⁶ Areng my ly Onesiphora i dengtheungchi teng y pahen naira tym hai sy; ni my ly kai ai amcheng hai reng i, kai i sengkry amchu nai py kaji hai y leang;

II TIMOTHEI 1:16 ပူးပေါင်းရင်းမြစ်များ

2 SAMUELA 2:6

Areng ly nangchi ai ka-ym awm naimy pahen sy; nangchi i sa nai sai hawi nai molam y, kai py nangchi ai pahen ai.

NEHEMIA 13:14

Aw kai i Tameuh, nang i Achura yhm i vui hawi Achura yhm y chiu sa achu nai molam y, kai i sa nai leaungsaichi pany pi jo kyh ba.

NEHEMIA 13:22

Anawn kani y chai hai ai nai molam Levi theaungchi teng y, amymy ai apachai chum baly mary apai katheu pa-kho mang y chei iy typ ai nai kaimy leu kang pei bo. Aw Tameuh, hini molam y py dawn iy, kai ai pany jo ba; ati mana nai mo na baly tamen naira len parai nai hawimy, kai ai pahen ba.

NEHEMIA 13:31

Neng tym baly leng patlum naira y teaung ai nai theng py, choh chuluchi hawi, myn man nai thengthai katalamrachi py, syn u ai nai ka-vo sa nai ne. Aw Tameuh, hini sa nai leaungsaichi ai pany pi ly kaichi ai pahen kyh ba.

NEHEMIA 5:19

Aw Tameuh, hini khumichi i vui kasa pi nai cheaungkhangchi pany pi ly kai i chiu sa nai tangai pi kyh ba.

SAM 18:25

Aw Areng, nang ly ka-ym awm nai khumichi tlang tleaung y ka-ym awm; cheh ai nai by y pa-rei hawi nai khumichi tlang tleaung y, hawi hai reng nai ne.

SAM 37:26

Ni ly khumi takhrachi ai paawp y naimy, avawrei pei reng. Ni i cho chanauchi py amtheaung naira nga u nai ne.

JEREMIA 39:17

Na i py nang ai kai, Areng my kang kry ai nai deaungkho y, nang ly nangmy jei hyn nai khumichi i kiu y tym ai ny y.

MATTHAI 25:17

Hunai kamta teang, talent nyhrei nga nai keung py talent nyhrei kamran nga hai bo.

MATTHAI 5:7

“Amichi ai pahen naichi ly taham hawi: nichi ly pahen naira nga ai.

AMTAW 21:33

Naibaly tavaimi lu areng keh my ly ahawi y chei i mymy ai patiu iy sengkry vui nyhrei hawi kawm ai nai leu pei: naibaly ni ly ami mo, ati sa mo nanai deng.

AMTAW 28:20

Hunira y mo aniu ai nai hawi arum ai nai kang palau nai teu; Israelachi i athang khai naira y kai hini sengkry kapachu nai teu,” napi.

I KORINTH 16:18

Nichi ly kai i phailo hawi nangchi i phailo ai py amcheng hai; hunai deaungkho y nangchi ly hunai kamta khumichi ai ly kawn u.

EPHESI 6:20

hunira y ly kai i thui ai avo nai kamta vam parai naimy kathui thai ai nai hawi, kai i vui py hnei pi u kyh; kai ly huni Satang Kahawi deaungkho y sengkry pachu nai savai ne.

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

II TIMOTHEI 1:17

huni ny y naimy ni ly Rom avang y awm nai thym khala y kai ai hawihai palai ang hau i niu lawh;

II TIMOTHEI 1:18

(huni kani y ly Areng teng y pahen naira nga ai nai Areng ly ni ai khai rym sy;) naibaly mymy ly Ephesi avang y khri pa-rei sabawm, nanai ly nang ly hawihai palai pany.

II TIMOTHEI 1:8

Hunaibaly achi i Areng i leu ang pany hai nai hawi, kai mymy i theaung y tla nai khumi ai py kaji hai moh; na i py Tameuh i atiti sa thai naira i saho y Satang Kahawi deaungkho y patang naira y kai kamta kham kyh ba;

II TIMOTHEI 4:19

Priski nini akuila teng y hawi, Onesiphora i dengtheung teng y py kawn nai leu thui pi kyh.

PHILEMON 1:20

Ne, amjo amnau awi, nangmy deaungkho y Areng y ly kai ai kawn naira ngo hai ly; Krista y ly kai i paleung amcheng hai kyh.

PHILEMON 1:7

Amjo amnau awi, nangmy i saho y khumi kachai bawibawichi i paleung amcheng veng lawh nai deaungkho y nang i tamen naira y ly amo katheu iy, khri pa-rei kaawm nem lawh veng.

HEBRAI 10:34

Nangchi ly theaung y tla naichi ai py tamen u bo, naibaly awm jo nai yhmtheaung hawi keh nai awm, nanai pany u iy, nangchi i yhmtheaung ang lawm pi nai py amo theu naira palawn u bo.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

RUTHI 1:8

Naomi my lengngo ni teng y, “Nangni ly nangmyni i amhmchi teng y phai vawi hawi teang teu. Nangni ly kai i tlang tleaung y py, dei chum naichi i tlang tleaung y py, atiti kahawi sa pi nai kamta, nangni i tlang tleaung py Areng my kahawi so pi na sy.