II TIMOTHEI 1:10 - Khumi Common Language Bible

¹⁰ na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

II TIMOTHEI 1:10 ပူးပေါင်းရင်းမြစ်များ

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 45:15

Mymy i khumichi ai atleu pi nai, Israela chengchi i Tameuh ly khumi i mei hawi niu pajau y nai Tameuh ne.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

LUKA 11:36

Hunaibaly nang i tlang ly manira y py veng y naimy, tlang bom verei angvang bawibawi baly, maisi kangvang ka-teng ny y angvang hai nai kamta ly angvang bebe ai,” napi.

LUKA 13:7

Naibaly mymy ly kreip angjyn kry nai keung teng y ly, “khen cham, saneng thomrei sala y hini thaidu keung y kai athai hau ai nai jeu i, ha py niu y; paliu veng, ati mana nai y meingtym py aawi cheng nai awm jojo mo?” napi.

LUKA 2:11

Vaini ly nangchi i vui Davida i avang y Paheng Keung tapen bo, Areng Krista ly.

JOHAN 1:9

Khumi bawibawi angvang hai nai kangvang tatang ly khaileaung pri y ang jeu bo.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 20:31

na i py Isu ly Krista, Tameuh i Chapo ne, nanai nangchi ym ai nai hawi, nangchi ym iy mymy i amyn y hengra nga ai nai py hinichi tajiu nai ne.

JOHAN 4:42

Nichi ly neampachy teng y, “Vai taleang ly kaichi nang i leu thui nai deaungkho y ym nai ny y leang bo: kaimychi kypkyp my ni i leu thai iy, hini ly khaileaung pri ai lawi hai nai keung ne khyp, nanai pany bo,” napi.

JOHAN 5:40

na i py nangchi ly hengra nga thai ai nai kai teng y jeu ai nai ngai u y.

AMTAW 13:23

Huni khumi i kangpreangchi theung i nai Tameuh my leu adeu nai kamta Israelachi teng y Paheng Keung, Isu napi nai ai ang tym hai bo;

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

ROM AVANGCHI TENG Y PAWLA I CHA PA NAI 16:26

naibaly leu kathiu amteng hai nai kamta (huni leu kathiu ly deungtasa dengdairei aheu reng i, vai naini amteng hai nai ne; naibaly deungtasa khrairei awm nai Tameuh i leu pei nai kamta, ym naira patawm ai nai, amochi i cha-iu leu ly cheng cheaungkhangchi teng y pany hai nai bo):

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

ROM AVANGCHI TENG Y PAWLA I CHA PA NAI 3:31

Hunaibaly achi my Reita ly ati sai py ny y nai palawn lawh a? Ny y leang, achi ly Reita ai khaw hai nai teu.

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

I KORINTH 15:26

Kangkhym kangtem i tama hai ai nai paleung ka-e ai ly dei naira ne he.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

II KORINTH 5:4

Achi, hini awm naira y awm naichi ly kaji pho nai tangam khyp nai bo; achi ly akhiu y naimy awm ai ngai nai deaungkho y ny y leang, na i py dei thai nai ai ly hengra my pajawn pajau thai ai nai, akhiu nai awm ai ngai nai deaungkho y teu.

KALATIA 5:4

Nangchi Reita y eaung ai nai tau nai keungchi awi, nangchi ly Krista hawi amprei u bo: nangchi ly pahenra ai ly atlym pi u veng bo.

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

EPHESI 1:9

mymy i kangai leu thui nai sai ang pany hai nai ne;

II THESALONIKA 2:8

Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

II TIMOTHEI 1:1

Pawla, Krista Isu y hengra awm nai adeu nai leu kamta Tameuh i kangai y Krista Isu i amtaw thau nai my ly kai i chanau ngai parai nai Timothei teng y ly:

II TIMOTHEI 1:8

Hunaibaly achi i Areng i leu ang pany hai nai hawi, kai mymy i theaung y tla nai khumi ai py kaji hai moh; na i py Tameuh i atiti sa thai naira i saho y Satang Kahawi deaungkho y patang naira y kai kamta kham kyh ba;

II TIMOTHEI 4:1

Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

TITA 2:11

Ati mana nai mo nabaly khumi bawibawichi teng y paheng naira tym hai ai nai, Tameuh i pahenra ly amteng bo.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

TITA 3:4

Na i py achi ai paheng nai Keung Tameuh i neaung hawi nai sai hawi, khumichi i tlang tleaung y my i tamen nai sai py amteng nai khala y ly,

HEBRAI 10:32

Na i py jangni y nangchi ai angvang hai nai bo y khri pa-rei khrukhra la parai nai patang nai thym khala i kani ly adawn u vau;

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

II PETERA 1:11

hunaibaly achi i Areng hawi Paheng Keung Isu Krista i deungtasarei peang naira y kun ai nai khri pa-rei ang nga hai ai.

II PETERA 1:3

Mymy i nang parai naira hawi, hawi naira saho y ang palau nai keung, mymy i satang pany nai deaungkho y mymy i Tameuh i atiti sa thai naira my heng naira hawi Tameuh ai dawn ryhryh nai lam y ly atiti bawibawi ang pei bo.

II PETERA 2:20

Naibaly nichi ly Areng hawi Paheng Keung Isu Krista ai pany nai deaungkho y khaileaung pri i amnyng naira i nai angpreng vui nai bo y, hunira y ang tang u teang bi iy pajau nai awm makho baly, nichi i kangkhym i awm nai sai ly angchei i tleaung y ly hawi y kehkeh nai ne.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

II PETERA 3:2

huni nyhrei ra y ly nangchi ai adawn hai vau iy nangchi i paleung kachai amcheng hai nai ne.

I JOHAN 1:2

(huni Hengra ly amteng i, kaichi ly niu iy, pany py pany hai, naibaly huni deungtasarei Hengra Ampo teng y awm nai, kaichi teng y amteng nai ly kaichi my kang thui pi nai he;)

I JOHAN 4:14

Naibaly Ampo my chapo ai ly khaileaung pri ai Paheng Keung lawn ai nai ang pato nanai ly achi pany py pany, thai py thai hai bo.

AMTENG HAI NAI 18:1

Hunai bo y ly kani pri i amtaw thau nai takhra leaungrei aly peang naira len parai nai awm nai ly kani pri mang i dengdairei satla kathiu nai kaniu: naibaly mymy i nang parai nai sai deaungkho y khaileaung pri ai ly angvang hai be bo.

AMTENG HAI NAI 2:7

kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly Tameuh i Paradais y awm nai heng naira dengkeaung y cha ai nai kapei ai,’ napi.

AMTENG HAI NAI 20:14

Naibaly dei naira hawi tavaukho ly mai ang y aphi hawi vui bo. Huni ly pa-nyh dei naira, mai ang napi nai ne.

AMTENG HAI NAI 22:14

Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.