II THESALONIKA 3:2 - Khumi Common Language Bible

² kaichi py Tameuh ai dawn y nai hawi kamngo sa nai khumichi teng i nai lawi naira nga thai ai nai, kaichi i vui chiu so pi u kyh:khumi bawibawichi ly ym naira awm bebe nai ny y leang.

II THESALONIKA 3:2 ပူးပေါင်းရင်းမြစ်များ

MATTHAI 17:17

Naibaly Isu my ly, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm hai ai mo? Mana tanrei kang kham hai thai ai mo? Ni ai ly hi y kai teng y hawi u,” nanai pathang.

MATTHAI 23:23

“Nangchi Reita patiu nai keungchi hawi Pharisai tapawp naichi awi, nangchi ly taham si! Seaungsyn hawi chamaw hawi chija py nangchi ly horei y harei pei u i, Reita leu aly len keh nai, hawi naira py, pahen naira py, ka-ym awm naira py so u y pasi lawh: na i py hunichi nangchi sa ai nai tla veng, naibaly tuni py sa ai khai su ai nai tlo y leang.

LUKA 18:8

Kang thui pi, mymy ly nichi ai vawitheung tha pi praw ai. Na i py Khumi i Chapo jeu ai nai neng khala ly khaileaung pri y ym naira niu ai a?” napi.

AMTAW 13:45

na i py Judachi ly khumi mipuichi ai niu baly khrikhri pa-rei paleung no iy, Pawla i leu thui nai ly ei akhikan nai khri pa-rei chawn i thui py thui tamawn.

AMTAW 13:50

Na i py Judachi ly tahm asang nai hawi Tameuh ai tahm khai nai neampachychi ai hawi, avang miteaung kehchi ai py pachei i, Pawla hawi Barnaba nini ai ly ana hai piupa iy, mymychi i meingtym dengdairei nini ai patheu bo.

AMTAW 14:2

Na i py ym ngai y nai Judachi my Cheng Takhrachi i paleung y pachei i, amjo amnauchi ai niu ngai hai y.

AMTAW 17:5

Na i py Judachi my paleung no i, seng meingtym y khumi kamngo atho kasi amichi ai mo mymychi teng y pahawi iy, khumi mipuichi ai palau achu i avang bawibawichi ai ly khrukhra hai; naibaly Jason i yhm y amiu iy nichi ai khumi mipuichi teng y pahawi ai nai tau.

AMTAW 25:27

theaung y tla nai khumi ai pato iy mymy i tlang tleaung y seu naira leu pany kyh nai abawi y baly, sa rumrang nai kamta tla, nanai kadawn kai ly,” napi.

AMTAW 28:24

Naibaly phyreichi ly mymy i leu thui nai ly ym i, phyreichi ly ym y leang.

ROM AVANGCHI TENG Y PAWLA I CHA PA NAI 10:16

Na i py nichi bawibawi ly Satang Kahawi ym bawi y leang. Ati mana nai mo nabaly Isaia my ly, “Areng awi, kaichi i leu thui nai ly ami ym mo?” napi lawh.

ROM AVANGCHI TENG Y PAWLA I CHA PA NAI 15:31

Tameuh my avo hai nai kamta amo theu parai naimy kang jeu iy achi amcheng ahawi thai ai nai py,

I KORINTH 15:32

Kai ly khumichi i sa nai kamta Ephesi avang i mawi kasichi hawi ani nai ne baly, kai i vui ati amran ai mo? Kadeichi ai pathau nai by y baly cho nei u sina bei, achi ly khawndam dei ai chy bo.

Leu Thui Nai 32:20

Areng my, ‘Hini khumichi ly paleung tang iy, ka-ym by y naichi ne; kai ly nichi ai kasabawm y leang bo,’ ‘Naibaly nichi ati lawm u na mo, nanai kakhen cham ai.

I THESALONIKA 2:18

Kaichi ly nangchi teng y kang jeu tanga ai nai tau cheng i, kai Pawla kypkyp py tlen tlen nyhrei chang y nai tau bo, na i py Setan my ang paka reng.

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.