II THESALONIKA 3:1 - Khumi Common Language Bible

¹ Kangkhym i naira y ly amjo amnauchi awi, Areng i leu ly nangmychi theung y awm khyp nai kamta ly peung praw iy, palo naimy awm thai ai nai hawi,

II THESALONIKA 3:1 ပူးပေါင်းရင်းမြစ်များ

SAM 138:2

Kai ly nang i nang parai nai Achura yhm kachai mang y motha iy, lu meung naimy nang i khaw parai nai tamen naira hawi, ka-ym awm nai molam y, nang i amyn kang palo mang; ati mana nai mo nabaly, nang i amyn hawi adeu naichi ly tahm awm keh, nanai patei pi nai deaungkho y ne.

MATTHAI 9:38

hunaibaly kalop sa ai nai keungchi ai mymy i choh tyn ai naira y pato ai nai hlau keung teng y takeng u,” napi.

LUKA 10:2

Naibaly mymy ly nichi teng y, “Choh tyn ai nai neangneang awm, na i py kalop sa nai keungchi ly di ala; hunaibaly kalop sa ai nai keungchi ai mymy i choh tyn ai naira y pato ai nai hlau keung teng y takeng u.

AMTAW 12:24

Na i py Tameuh i leu ly ahei i, peung ryh peung ryh bo.

AMTAW 19:20

Huna tanrei Areng i leu ly ahei iy pajau bo.

AMTAW 6:7

Naibaly Tameuh i leu ly ahei ryh ahei ryh i, Jerusalem y py abangnaichi khrikhri pa-rei peung bo; pathyp pi nai keungchi i kamkawm theung y py neangneangchi ly ym naira patawm bo.

ROM AVANGCHI TENG Y PAWLA I CHA PA NAI 15:30

Amjo amnauchi awi, kai ly Judai pri i ym y naichi teng y kachym me thai ai nai hawi, Jerusalem avang i vui sabawm naira kasyn nai ly khumi kachaichi i kawn parai naira ne thai ai nai hawi,

I KORINTH 16:9

ati mana nai mo nabaly katheu pa-kho kau parai nai hawi chawn parai naimy kai i vui am-eaung lawh, naibaly ang tiu nai keungchi py neangneang awm.

II KORINTH 1:11

naibaly khumi neangneangchi i saho y kaichi i tlang tleaung y sa thai naira ang pei nai deaungkho y, khumi neangneangchi ly kaichi i tlang tleaung y kawn nai leu thui u thai ai nai, nangchi py kaichi ai chiu sa pi naira y aso hai adyh preuh.

II KORINTH 13:11

Kangkhym i naira y ly amjo amnauchi awi, noso kahawi awm u. Kahawi sa angym naimy awm u, paleung awmnem naimy awm u, paleung vanrei awm u, adyh parai naimy awm u ly; hunaibaly tamen nai hawi aly nai Tameuh ly nangchi teng y ang awm hai ai.

KOLOSA 4:3

kai ai ang kawm nai aly ly Krista i leu kathiu thui pi ai nai, Tameuh my leu i vui kaichi ai katheu ang paeaung pi ai nai hawi,

I THESALONIKA 1:5

huna nai kaichi i Satang Kahawi thui pi nai ly nangchi teng y leu y my tlairei khyh ny y i, sa thai naira y hawi Phailo Kachai y hawi khri pa-rei ym cheng cheng naira y py tym lawh nai ly; kaichi ly nangmychi i vui dawn hai nai nangchi i tlang tleaung y mana tanrei sa mo, nanai ly nangchi pany.

I THESALONIKA 1:8

Ati mana nai mo nabaly Areng i leu ly nangmychi i dengdairei amthang veng bo i, Makedonia hawi Akaia pri y khyh ny y naimy, meingtym tleirei y py nangchi i Tameuh ai ym u nai sai ly amthang veng bo; hunaibaly kaichi my ati sai py thui ai nai aly ngai y leang bo.

I THESALONIKA 2:1

Amjo amnauchi awi, kaichi i nangchi theung y kun nai ly jawm sum y leang, nanai ly nangmychi kypkyp my pany u veng bo.

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

I THESALONIKA 4:1

Hunaibaly amjo amnauchi awi, kangkhym i naira y ly nangchi i awm ai avo nai sai hawi, Tameuh ai kawn hai ai avo nai sai ly kaichi teng i dengdairei nga u nai kamta ly (ne mang ly nangchi ly hunai kamta awm nai bo) awm ra awm ra ai nai, kaichi ly Areng Isu y takeng nai kang pachei nai ne.

I THESALONIKA 5:17

cheaungkhangra y kawn nai leu thui u jojo:

I THESALONIKA 5:25

Amjo amnauchi awi, kaichi i vui chiu so pi kyh.

II TIMOTHEI 2:9

kai ly huni Satang Kahawi deaungkho y atiti hawi y sa nai keung kamta kawm ai ka-lawn pa-rei patang naira kakham nai ne; na i py Tameuh i leu ly kawm nai ny y leang.