II THESALONIKA 2:8 - Khumi Common Language Bible

⁸ Huni bo y Reita Taphra Nai Keung ly amteng ai bo, naibaly Areng Isu my ni ai ly mymy i labeaung i taho nai y padei ai, naibaly ang jeu nai hawi amteng nai deaungkho y ni ai tama hai.

II THESALONIKA 2:8 ပူးပေါင်းရင်းမြစ်များ

2 SAMUELA 23:7

Hunichi ai syn ai nai tamo ateaung, ti y baly tivi teaung ai nai tla; huni aleng keungchi ly mai hawi leng iy taphra naira avum ai.

JOBA 4:9

Tameuh ly kado theu nai deaungkho y, ali kamchai kamta nichi ai taphra pawn bo.

SAM 18:15

Aw Areng, nang ly paleung ka-echi ai kado katheu hang hai nai raawi hawimy parip nai khala, suida pangli paichi khaileaung py, khaileaung i sangum langdengchi py, am-eaung seaungkhrang na bo.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 30:28

Mymy ly ali aho hai ai. Huni ali ly ati cheaungkhangchi ai amjau hai pawn nai tavo tui lem nai kamta, khumi cheng cheaungkhangchi ai tama hai pawn iy, nichi i hawi y nai katauchi phra hai ai.

DANIELA 11:36

“Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

DANIELA 7:25

Ni ly tahm asang parai nai Tameuh ai ka-awi leu katheu iy, mymy i khumichi ai ana ai. Ni ly Tameuh i khumichi i reita pawichi hawi reita leaungsaichi py, takhra hai vui ai nai atho sa ai. Tameuh i khumichi py, ni i sa thai naira anui y saneng thomrei bo y lo tariurei awm u ai.

DANIELA 7:26

Naibaly kani pri mang i tara chih nai keung ly tara chih ai nai ateh iy ni i sa thai naira la pi veng ai i, ni ai tamyh vui ai.

DANIELA 8:25

Ati mana nai mo na baly ni ly tau awm nai khumi ne nai deaungkho y, li-tapawp naichira y eaung ai. Ni ly amlyh am-e iy khumi neangneangchi ai athang khai y naimy padei ai. Ni ly samrang leilachi i samrang ai malawn py tiu ai. Na i py ni ly khumi i kiu y ny y naimy, phra naira avum ai.

HOSEA 6:5

Naibaly kai ly amochi ai pato iy, nangchi ai tara chih ai nai satang hawi, taphra ai nai satang thui hai nai ne. Nangchi teng i kai aly ngai nai ly rai y.

MATTHAI 13:19

Ami py kani pri i leu ly thai iy dawn nai pany y pui baly, kamngo sa reng nai keung ly jeu iy, mymy i paleung y hei nai angchih ly lawm pi ry veng, huni ly lam teng y hei nai ne.

MATTHAI 13:38

ti kahawi ly kani pri i chanauchi ne; choh myn ly kamngo sa reng nai keung i chanauchi ne;

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 16:28

Meitang khyp kang thui pi, hi i angdo nai phyreichi ly Khumi i Chapo ly mymy i pri peang ai nai jeu nai niu u y ryrei ly dei naira den py pateng ai ny y,” napi.

I KORINTH 1:28

naibaly Tameuh my atiti awm naichi ai ly ati sai py ny y nai palawn thai ai nai, khaileaung pri i atiti kapheaungchi hawi atiti tahm anem naichi, atiti by y naichi hawi raurei ai vawi lawh veng:

II THESALONIKA 2:3

Ami py sai py nangchi ai tapawp ai nai pei u moh: atlym naira ly tym man veng iy Reita Taphra Nai, tama nai i chapo ly amteng y baly huni kani ly tym ai ny y.

I TIMOTHEI 6:14

Achi i Areng Isu Krista amteng y ryrei ly chai parai nai hawi, cheh ai naira by y pa-rei my leu ang pei nai ly patawm: huni ai mymy ly neng khyp nai khala y amteng hai ai.

II TIMOTHEI 1:10

na i py vai ly achi ai Paheng Keung Krista Isu i amteng nai deaungkho y amteng hai bo: ni ly deira ai tama hai iy Satang Kahawi y hengra hawi veaung thai y naira ly amteng hai bo;

II TIMOTHEI 4:1

Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 10:27

tara chih naira ka-jei ka-teng ny y nai tym ai nai athang khai nai hawi, tiu nai keungchi ai kang pawn ai nai kado theu naira mai py avum ai nai athang awm.

I JOHAN 2:13

Ngaaichi awi, nangchi ly angchei kha i dengdairei awm nai ai pany nai deaungkho y nangchi teng y katajiu nai he. Thawndeangchi awi, nangchi ly kamngo sa reng nai keung ai pajau nai deaungkho y nangchi teng y katajiu nai he. Bechi awi, nangchi ly Ampo ai pany nai deaungkho y nangchi teng y katajiu nai chy bo.

I JOHAN 3:12

achi ly Kaina kamta awm ai nai tlo y: mymy ly kamngo sa reng nai keung i khumi ne i, amnau ai padei lawh. Naibaly ni ly mymy ai ati mana nai y padei nai mo? Mymy i atiti sa naichi ly kamngo tla iy, amnau i atiti sa naichi ly kahawi ne nai deaungkho y teu.

I JOHAN 5:18

Ami py Tameuh i tapen nai ly kamngo sa nai ny y leang, nanai achi pany; Tameuh teng i awm nai my lyni ai kry jojo i, kamngo sa reng nai keung my ly ni ai nam py nam pajau y leang.

AMTENG HAI NAI 1:16

Naibaly ni ly mymy i lamtang mang i kiu y ka-si saryhrei syn i, my i labeaung dengdairei haisau kachiu bo nyhrei awm nai theu bo; naibaly mymy i meimai ly kanito kangvang sadi pa la nai kamta ne.

AMTENG HAI NAI 13:5

Naibaly leu akawi kalen hawi Tameuh ai thui tamawn nai leu thui nai labeaung ni teng y pei bo: naibaly lo vui palyh pa-ngo lo nyhrei sala y aly peang ai nai ni teng y leu au bo.

AMTENG HAI NAI 19:15

Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.

AMTENG HAI NAI 2:16

Hunai deaungkho y uikhei jau; ti y naimy kang jeu praw ai i, kai i labeaung i haisau hawi nichi ai katiu ai.

AMTENG HAI NAI 20:10

Naibaly nichi ai tapawp nai keung diabola ai ly mai hawi kan ang y ly aphi vui bo: hu y ly mawi kasi hawi tapawp nai amo py awm teang; naibaly nichi ai ly deungtasarei vum kanithun no patang hai jojo ai.