II THESALONIKA 2:16 - Khumi Common Language Bible

¹⁶ Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

II THESALONIKA 2:16 ပူးပေါင်းရင်းမြစ်များ

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 51:11

Nangmy atleu pi chum nai khumichi ly khri pa-rei amo theu naimy khulym thui iy Jerusalem mary y tym u ai. Nichi ly deungtasarei amo theu u ai i, deungtasarei paleung si vo tangam nai avum u ai ny y.

ISAIA 61:7

Nangchi i kangji kangai nga nai hawi sum nairachi ly tem ai bo. Nangchi ly naimychi i pri y awm naimy, nangchi i yhmtheaungchi py, phy nyhrei nang panawi bi ai. Nangchi ly deungtasarei amo theu ai nai nga u ai.

LUKA 16:25

Na i py Abraham my, ‘Deang awi, nang ly tlang heng khala y ly atiti kahawi nga chy bo; hunai kamta Lazara i atiti hawi y nga nai ly dawn bei; na i py ni ly vai ly hi y paleung awmnem nai awm bo, na i py nang ly no na a tu ly.

JOHAN 13:1

Naibaly Isu ly Katlen Vui nai pawi ny y rai kha y hini khaileaung pri i nai theu vui iy, Ampo teng y chei ai nai neng bo, nanai pany i, mymy i khaileaung pri y awm nai khumichi ai ang tamen iy tem khala kharirei ang tamen jo.

JOHAN 15:13

Khumi ly ahawichi i vui y amy i hengra pei nai bo y tamen naira len keh nai ly ami py by y leang.

JOHAN 15:9

Ampo my kai ai tamen nai kamta kai py nangchi ai tamen teang; kai i tamen naira y awm u jo.

JOHAN 16:22

Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

AMTAW 15:11

Mymychi i kamta ly achi py Areng Isu i pahenra deaungkho y heng naira nga ai, nanai achi aym nai veng,” napi.

AMTAW 18:27

Naibaly mymy ly Akaia pri y chei ai nai tau i, amjo amnauchi my ni ai pachei iy mymy ai kawn ai nai abangnaichi teng y cha py tajiu pi; naibaly mymy ly tym iy pahenra deaungkho y ym naichi ai ly khrikhri pa-rei sabawm;

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

ROM AVANGCHI TENG Y PAWLA I CHA PA NAI 4:16

Hunaibaly kangpreangchi bawibawi ly leu adeu nai ly nga u tanga ai nai, huni adeu nai ly pahenra y ne thai ai nai ym naira deaungkho y ne chy bo; Reita y awm nai kangpreang my tlairei khyh ny y, Abraham i ym naira kamta ym naira nga nai kangpreang py nga teang ai.

ROM AVANGCHI TENG Y PAWLA I CHA PA NAI 4:4

Naibaly kalop sa nai keung i vang ly pahenra y palawn nai ny y i, kalai y palawn nai teu.

ROM AVANGCHI TENG Y PAWLA I CHA PA NAI 5:8

Na i py achi khumi kamngo nai thym khala y Krista ly achi i vui y dei pi nai deaungkho y, Tameuh ly mymy i achi ai ang tamen nai ly palo ai ataing nai amteng hai.

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.

EPHESI 5:25

Juvochi awi, nangchi i ajuchi ai tamen u; hunai kamta teang Krista ly palau takhra kamkawm ai tamen i,

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

KOLOSA 1:5

Nangchi ly huni athang khai naira satang jangni y Satang Kahawi leu meitang y thai u nai ly, nangchi teng y ang tym chy bo;

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

I THESALONIKA 3:11

Hunaibaly achi i Tameuh hawi Ampo kypkyp hawi, achi i Areng py kaichi ai nangmychi mang y pahawi sy.

II THESALONIKA 2:13

Na i py Areng i ngai parai nai amjo amnauchi awi, Phailo i ang pachai nai hawi leu meitang ai ym iy, pahengra nga ai nai Tameuh my angchei kha i dengdairei nangchi ai ang vawi nai deaungkho y, kaichi ly nangchi i molam y Tameuh teng y kawn nai leu thui jojo nai ne;

TITA 1:2

ka-chawi thui vai y nai Tameuh my ly kani khaileaung palum y rai kha y my huni ai adeu yb veng bo;

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 7:19

(Reita ly ati sai py angym hai y leang:) naibaly athang khai naira hawi kyh nai ai tym hai lawh nai ne, huni i saho y achi ly Tameuh teng y kasa jojo.

I JOHAN 3:16

Mymy ly achi i vui y mymy i hengra pei vui nai deaungkho y tamen naira ly ati mo, nanai achi pany; achi py amjo amnauchi i vui y achi i hengra pei teang ai nai tla.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.

AMTENG HAI NAI 3:9

Khen cham, Juda tatang ny y naimy, ka-chawi thui iy Juda angam nai Setan i achu nai kamkawmchi ai ly, khen cham, nichi kypkyp ai ly nang teng y katym hai iy, nang i kheu keung y ambeu hai ai i, nang ai katamen, nanai nichi ai kang pany hai ai.