II THESALONIKA 2:1 - Khumi Common Language Bible

¹ Na i py amjo amnauchi awi, achi i Areng Isu Krista ang jeu ai nai hawi, achi ly mymy teng y achu ai nai molam y ly,

II THESALONIKA 2:1 ပူးပေါင်းရင်းမြစ်များ

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 16:28

Meitang khyp kang thui pi, hi i angdo nai phyreichi ly Khumi i Chapo ly mymy i pri peang ai nai jeu nai niu u y ryrei ly dei naira den py pateng ai ny y,” napi.

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

MATTHAI 25:32

naibaly mymy i mo y ly cheng cheaungkhangchi achu ai; naibaly typ nai keung ly mi-ichi theung i nai beramchi ai khawi takhra nai kamta, nichi ai ly khawi takhra ai;

MARKA 13:27

Huna nai khala y ly mymy ly kani pri i amtaw thau naichi ai pato ai i, mymy i vawi takhra naichi ai ly khuteng taki palyhrei i dengdairei, khaileaung katem i nai kani katem y khrairei pangym achu ai.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

EPHESI 1:10

hunaibaly mymy ly mymy y tau nai kamta neng angym khyp nai khala y ly kani mang y atiti awm naichi ai hawi, khaileaung tleaung y atiti awm naichi ai py, ati cheaungkhang ai Krista y pahawi achu ai nai ly mymy i ngai nai kamta ne.

I THESALONIKA 2:19

Achi i Areng Isu ang jeu nai khala y ly mymy i mo y kaichi i athang khai naira mo, amo theu naira mo, areng lukhym amlyh naira mo ati awm mo?

I THESALONIKA 3:13

nangmychi mang y kaichi i tamen nai kamta ly, Areng ly nangmychi mang y atamen leungtang naira hawi, khumi bawibawi mang y tamen naira ly peung hai sy, panawi py panawi sy.

I THESALONIKA 4:1

Hunaibaly amjo amnauchi awi, kangkhym i naira y ly nangchi i awm ai avo nai sai hawi, Tameuh ai kawn hai ai avo nai sai ly kaichi teng i dengdairei nga u nai kamta ly (ne mang ly nangchi ly hunai kamta awm nai bo) awm ra awm ra ai nai, kaichi ly Areng Isu y takeng nai kang pachei nai ne.

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

II TIMOTHEI 4:1

Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.