II THESALONIKA 1:7 - Khumi Common Language Bible

⁷ mymy ly mymy i kani pri i amtaw thau nai ham parai naichi hawi mai kangveaung theung y kani pri mang i dengdairei amteng nai khala y ly,

II THESALONIKA 1:7 ပူးပေါင်းရင်းမြစ်များ

THEU NAI 19:18

Areng ly mawi salo y mai kangveaung kamta satla kathiu nai deaungkho y Sinai mawi verei ly mai khyh my khiu cheng bo. Tamang mai khyh kamta mai khyh ly khyh kalau iy khumichi ly kaso theu u tliu na bo.

THEU NAI 3:2

Naibaly Mosi teng y Areng i kani pri amtaw thau nai ly lymlo kangpho mang dengdairei, mai kadeu kangveaung amteng hai bo. Mosi ly lymlo kangpho kang y naimy mai angveaung pa-lun nai niu.

ISAIA 57:2

Khumi kahawichi ly dei nai khala y, tlamsa naimy anawn ai nai nga u bo.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

Ezekiela 1:13

Huni heng nai amjychi theung ymaiteaung kangveaung hawi atawm nai harei ly asyh jojo nai ne. Hunira i mai kadeu ly amlosadichi theu bo.

DANIELA 7:9

Kai ly khen nai thym y, areng atehrachi awm nai py, atehra harei salo y deungtasarei heng nai keung ateh nai py, kaniu nai ne. Mymy i ateaungchi ly ji kamta kaleung iy, sam py beram mui tatang hawi atawm. Aai nanai amlira kheuchi tai nai, mymy i areng atehra ly mai kangveaung kamta angvang na bo.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 16:28

Meitang khyp kang thui pi, hi i angdo nai phyreichi ly Khumi i Chapo ly mymy i pri peang ai nai jeu nai niu u y ryrei ly dei naira den py pateng ai ny y,” napi.

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

MARKA 14:62

Naibaly Isu ly, “Ne: naibaly nangchi ly Khumi i Chapo atiti py sa thai nai keung i lamtang mang y ateh nai, kani mang i khupanym theung y jeu nai niu u ai,” napi.

MARKA 8:38

Ami py vai deung kangthau pajang sa nai hawi kamngo sa reng naichi theung y kaimy ai hawi kai i leu ai py kaji hai nai ngierei ly, Khumi i Chapo ly kani pri i amtaw thau naichi hawi mymy i Ampo i nang parai naira apu naimy ang jeu nai neng khala y ly, huni khumi ai ly ang kaji hai teang ai”, napi.

LUKA 16:25

Na i py Abraham my, ‘Deang awi, nang ly tlang heng khala y ly atiti kahawi nga chy bo; hunai kamta Lazara i atiti hawi y nga nai ly dawn bei; na i py ni ly vai ly hi y paleung awmnem nai awm bo, na i py nang ly no na a tu ly.

LUKA 17:30

Hunai kamta ly Khumi i Chapo my amteng nai kani y ly awm teang ai.

JOHAN 1:3

Ati cheaungkhang bawibawi ai ly mymy i saho y sa nai ne: naibaly atiti sa nai bawibawi ai ly mymy ny y naimy sa nai ha py by y.

JOHAN 1:51

Naibaly Isu my ni teng y, “Meitang khypkhyp kang thui pi, kani am-eaung iy Tameuh i kani pri i amtaw thau naichi Khumi i Chapo i tlang tleaung y kathui kalau nai py niu u ai,” napi.

AMTAW 1:11

Nini my ly, “Kalili pri i khumichi awi, ati mana nai angdo naimy kani mang y khen u ryry lawh mo? Hini Isu, nangchi teng i dengdairei kani mang y pahawi kalau nai ly, kani mang y kalau nai nangchi i niu nai kamta mymy ly ang jeu takengkei teang ai,” napi.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

I KORINTH 3:13

Ati mana nai mo nabaly mai y amny ai nai deaungkho y huni kani my ly amteng hai ai; naibaly mai kypkyp my ly khumi leaung leaungrei i kalop sa nai ly mana atawm mo, nanai cham ai.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

EPHESI 1:2

Tameuh achi Ampo hawi Areng Isu Krista i dengdairei pahenra hawi awmnem naira ly nangchi teng y awm sy.

KOLOSA 1:16

mymy i saho y ati cheaungkhang sa nai ne iy, kani mang y awm naichi hawi, khaileaung y awm naichi py, niu thai naichi hawi niu thai y naichi py, areng atehra py, peang naira py, areng naira py, aly peang naira py, ati cheaungkhang mymy i saho y sa nai ne i, mymy i vui y py sa nai ne teang.

I THESALONIKA 3:13

nangmychi mang y kaichi i tamen nai kamta ly, Areng ly nangmychi mang y atamen leungtang naira hawi, khumi bawibawi mang y tamen naira ly peung hai sy, panawi py panawi sy.

II TIMOTHEI 2:12

Achi ly kham baly, Achi ly mymy hawi vanrei peang ai; Achi ly mymy ai apha baly Mymy py achi ai apha teang ai;

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 10:27

tara chih naira ka-jei ka-teng ny y nai tym ai nai athang khai nai hawi, tiu nai keungchi ai kang pawn ai nai kado theu naira mai py avum ai nai athang awm.

HEBRAI 12:29

ati mana nai mo nabaly achi i Tameuh ly kang hai nai mai ne.

HEBRAI 4:1

Hunai deaungkho y jei nai tarawi y amkym u sina, ti y baly mymy i anawn naira y kun ai nai leu adeu nai ly awm jojo makho iy, nangchi theung y ami py kai y nai awm lawh na.

HEBRAI 4:11

Hunaibaly ami py huni ym y nai khen pata nai kamta atlym y ai nai, huni anawn naira y kun ai nai paleung verei tau u sina.

HEBRAI 4:9

Hunaibaly Tameuh i khumichi i vui y kani saryhrei kani i anawn naira awm jojo rai.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

II PETERA 3:7

na i py vai i kani khaileaung ly huni leu deaungkho y Tameuh ai tahm khai y naichi ai tara chih ai nai hawi tama hai ai nai kani i vui y khai iy, mai i vui pateung achu nai lawn bo.

JUDA 1:7

Sodom hawi Komora hawi, huni ahawi tengtang avang py hunai kamta khyp angai naira y bom verei apei nai, tlang takhra y hui teang nai deaungkho y deungtasarei mai pajeng naira nga jojo naimy amtiu ai naira kamta lawn u bo.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai:

AMTENG HAI NAI 14:13

Naibaly kani pri mang i dengdairei raawi my ly, “Hina nai kamta tajiu. Vai i dengdairei amteaung iy Areng y dei naichi ly taham hawi: Phailo my py, Ne, nichi ly mymychi i sa akawm naichi anawn vui thai ai nai, nichi i atiti sa naichi ly nichi ai hui jojo,” nanai thui nai kathai.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.

AMTENG HAI NAI 21:4

Naibaly mymy ly nichi i mei katui bawibawi tamiu pi ai; dei naira py awm bi y leang bo; paleung mawn nai py, vo nai py, no nai py awm ali bi y leang bo: atiti kangman i naichi ly tama bo,” nanai kathai.

AMTENG HAI NAI 22:16

Kai, Isu ly, palau takhra kamkawmchi i vui y hini atitichi nangchi teng y pany hai ai nai, kai i kani pri i amtaw thau nai ai kang pato veng bo. Davida i tangjyn kadeu hawi kangpreang, khawn tempo avang parai nai kai ne.

AMTENG HAI NAI 22:6

Naibaly ni my ly kai teng y, “Hini leu ly ka-ym awm nai hawi kateng ne: naibaly Areng, amochi i phailo Tameuhmy ly atiti tym kasa ai naichi ly mymy i miseaungchi teng y khen hai ai nai, mymy i kani pri i amtaw thau nai ai pato veng bo.

AMTENG HAI NAI 22:9

Naibaly ni my ly kai teng y, “Huna nai kamta so reng moh: kai ly nang hawi, ngamjo ngamnau amochi hawi, hini cha-iu leu sai patawm naichi i miseaung ahawi py ne: Tameuh ai chiu phai chiu,” ang napi.

AMTENG HAI NAI 6:11

Naibaly nichi leaung leaungrei teng y kanih kangleung harei pei bawibawi bo; naibaly nichi kamta khyp my padei ai tla nai, nichi i miseaung ahawichi hawi amjo amnauchi py angym y ryrei ly anawn u rai ai nai tla, nanai nichi teng y thui pi bo.