II THESALONIKA 1:5 - Khumi Common Language Bible

⁵ Huni ly nangchi ai Tameuh i peang naira khumi palawn ai ataing thai ai nai, Tameuh i tara chih nai hawi parai nai ka-ma-ra chai pyn nai ne:nangchi ly huni peang naira deaungkho y patang u nai ne he.

II THESALONIKA 1:5 ပူးပေါင်းရင်းမြစ်များ

JOBA 8:3

Tameuh ly tara chih naira y mana khala py, jawi tamang hai vai y leang. Mymy ly mana khala py, hawi nairachi so y naimy awm vai y leang.

SAM 111:7

Mymy i sa nai leaungsai bawibawichi ly ka-ym awm nai hawi, leu meitang py amlau nai ne; mymy i Reita leu pei nai bawibawichi ly ym ai nai hawi parai.

SAM 33:5

Areng ly meitang naimy tara chih nai ai khei nai ne. Mymy i khaw parai nai tamen naira ly khaileaung pri y khiu bo.

SAM 50:6

Tameuh mymy kypkyp ly tara chih keung ne i, ka-dyh ka-dawi naimy chih pi ai, nanai kani khusang my amthang hai bo.

SAM 72:2

Nang i khumichi ai leu meitang adyh adawi naimy peang pajau ai nai py, khumi kamawnchi ai reita hawi kamlau peang pajau ai nai py, nang i leu meitang adyh adawi nai kamta tara chih pajau ai nai samrang ai pei pi ba.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

JEREMIA 9:24

Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

LUKA 20:35

na i py huni pri y hawi, kadeichi theung i nai angthau bi naira y abawi ai ataing ai naichi ly apom py apom y, apom ai nai py deaung paseng y;

LUKA 21:36

“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.

AMTAW 13:46

Naibaly Pawla hawi Bernaba ly khri pa-rei vam parai naimy thui hawi i, “Tameuh i leu ly nangmychi teng y thui man ai nai tla. Na i py nangmychi my paka ali veng i, deungtasarei heng ai ataing y nai apalawn u veng nai deaungkho y, khen cham, kaini ly Cheng Takhrachi mang y hi vui ai.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

ROM AVANGCHI TENG Y PAWLA I CHA PA NAI 2:5

Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

PHILIPI 1:28

huni ly mymychi i vui tama ai naira ne, nanai hawi, nangchi i vui naini heng ai naira ne, nanai py pany hai naira chai pyn nai ne lawh veng, huni py Tameuh teng i nai ne.

KOLOSA 1:12

Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

I THESALONIKA 2:14

Amjo amnauchi awi, nangchi ly Krista Isu y awm nai Judai pri i palau takhra kamkawmchi i amtiu nai keungchi lawn u lawh; nichi ly Judachi teng y patang nai kamta ly nangchi py nangmychi pri i khumichi teng y patang u teang bo;

II THESALONIKA 1:11

Achi i Tameuh my ang palau naira y ly palau ai ataing nai ang sa rym thai ai nai hawi, ym naira y atiti sa nai cheaungkhang mymy i atiti sa thai naira y nangchi ai sa hai thai ai nai, kaichi ly chiu kang sa pi jojo nai he.

II TIMOTHEI 2:12

Achi ly kham baly, Achi ly mymy hawi vanrei peang ai; Achi ly mymy ai apha baly Mymy py achi ai apha teang ai;

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.

AMTENG HAI NAI 16:7

Naibaly maicham ly, “Ne khyp, Aw Atiti py Sa Thai Nai Tameuh awi, Nang i tara chih nai ly teng py teng, hawi py hawi,” napi nai kathai.

AMTENG HAI NAI 19:2

mymy i tara chih nai ngierei ly teng py teng, hawi py hawi; mymy ly neampchy kamleaung keh nai, ni i angai naira deaungkho y khaileaung pri ai kalu piupa nai keung ai ly tara chih iy, ni i kiu y mymy i miseaungchi i thi kavui y vawitheung tha pi bo,” napi nai kathai.

AMTENG HAI NAI 3:4

Ne mang ly nang ly Sardisa avang y mychi i ateaung eng hai nga y nai amyn phyreichi awm: nichi ly ataing nai deaungkho y ateaung kangleung amthyp naimy kai hawi vanrei aleaung ai.