II PETERA 3:11 - Khumi Common Language Bible

¹¹ Huni atitichi ly hunai kamta tama bebe ai nai tla, nanai nangchi pany nai deaungkho y, Tameuh i kani tym ai nai athang khai nai hawi, kasa hai ai nai py amhi amtlau nai sai kachai y hawi Tameuh ai dawn ryhryh naira y ly khumi mani ka-tawm awm u ai nai tla mo?

II PETERA 3:11 ပူးပေါင်းရင်းမြစ်များ

SAM 37:14

Khumi hawi y naichi ly ngari patang naichi ai padei ai nai py, kateng sa nai khumichi ai tleh ai nai py, haisauchi aphiu iy, thailihochi a-eaung u bo.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

SAM 75:3

Khaileaung hawi vanrei heng nai amjy cheaungkhangchi ly anghyn teu i py, kai ly khaileaung i sangum langdengchi ai khaw hai jo ai.

ISAIA 14:31

Aw Philistin mary bawibawichi awi, vo tangam naimy aeu iy kasabawmra hnei u! Nangchi bawibawi py jei hyn naimy awm u! O-a sorai paleung awm nai khumi leaungrei py abawi y nai tavaimi kamkawm pui harei ly khaileaung khyhmeung naimy tosyh mang dengdairei ang jeu u bo.

ISAIA 24:19

Khaileaung ly ako iy sei nyhrei am-eaung thla vui ai.

ISAIA 34:4

Kanito, lo, ka-si taukichi ly khaileaung y tla ai. Kani khusang ly taeang veng nai cha aeang kamta tama ai i, ka-sichi ly kreip keung, ti y baly thaidu keungra i ngam vui nai kamta vui ai.

MATTHAI 8:27

Naibaly khumichi ly khri pa-rei lyh na i, “Huni ly ati mana nai khumi kha, ali hawi ang malawn py mymy i leu tangai lawh ly?” napi.

ROM AVANGCHI TENG Y PAWLA I CHA PA NAI 13:11

Vai dymkhawn i atiti awm nai sai pany u iy, i ngym nai ly anglaw ai nai neng tatang ne, nanai deaungkho y huna nai kamta so u; vai dymkhawn ly achi ym angchei nai khala i tleaung y ly achi i heng naira ly kasa kyh veng bo.

ROM AVANGCHI TENG Y PAWLA I CHA PA NAI 13:12

Vum ly tama vi tama vi veng bo i, khutawi ai bo; hunai deaungkho y kaveng i atiti sa naichi ly aphi vui iy, kangvang i tavai ateaung amthyp u sina.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

PHILIPI 3:20

Na i py achi i khuteng sa nai ly kani pri mang y ne; achi ly Paheng Keung, Areng Isu Krista ai ly hu i dengdairei satla ai nai ajeng jojo nai ne.

I THESALONIKA 1:5

huna nai kaichi i Satang Kahawi thui pi nai ly nangchi teng y leu y my tlairei khyh ny y i, sa thai naira y hawi Phailo Kachai y hawi khri pa-rei ym cheng cheng naira y py tym lawh nai ly; kaichi ly nangmychi i vui dawn hai nai nangchi i tlang tleaung y mana tanrei sa mo, nanai ly nangchi pany.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

I TIMOTHEI 4:12

Nang i saneng nau nai sai ly ami my tahm khai y ai nai so moh: na i py nang ly leu thui naira y hawi, amhi amtlau naira y hawi, tamen naira y hawi, ym naira y hawi, chai naira y py ym naichi i vui y amtiu naira lawn ba.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

I TIMOTHEI 6:3

Ami py patiu naira takhra patiu iy, leu meitang (achi i Areng Isu Krita i leu) hawi, Tameuh ai dawn ryhryh ai nai lam y patiu naira y py ym y baly,

I TIMOTHEI 6:6

Na i py Tameuh ai dawn ryhryh naira ly paleung hawi naira abawi baly khri pa-rei amran naira ne;

HEBRAI 13:5

Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

JAKOB 1:24

mymy ly hawihai palai akhen iy leh veng baly, mymy i meimai awm nai sai vaimy tami veng ryp.

JAKOB 3:13

Nangchi theung y khumi kacheng hawi leu pany thai nai khumi ly ami mo? Mymy i amhi amtlau nai sai kahawi deaungkho y leu anui parai nai hawi cheng parai naimy mymy i atiti sa nairachi amteng hai sy.

I PETERA 1:15

nangchi ai ang palau nai keung i chai nai kamta, nangchi py amhi amtlau u nai bawibawi ra y chai nai awm u;

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

II PETERA 1:3

Mymy i nang parai naira hawi, hawi naira saho y ang palau nai keung, mymy i satang pany nai deaungkho y mymy i Tameuh i atiti sa thai naira my heng naira hawi Tameuh ai dawn ryhryh nai lam y ly atiti bawibawi ang pei bo.

II PETERA 1:6

naibaly pany naira y ly amkym naira abawi u ly, naibaly amkym naira y ly kham pajau naira abawi u ly, naibaly kham pajau naira y ly Tameuh ai dawn ryhryh naira abawi u ly,

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.

II PETERA 3:12

Huni neng deaungkho y kani ai ly kang iy tama ai i, atiti pakeungchi py khri pa-rei angngo nai mai y ang kang bebe ai bo.