II PETERA 3:10 - Khumi Common Language Bible

¹⁰ Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.

II PETERA 3:10 ပူးပေါင်းရင်းမြစ်များ

SAM 102:26

Huni bawibawichi ly tama pawn teu i py, nang ly awm jojo ai nai ne; huni bawibawichi ly ateaung kamta tangym pawm ai. Nang ly ateaung atha nai kamta atha nai deaungkho y, hunichi ly tama pawn ai.

SAM 46:6

Khumi cheng cheaungkhangchi ly jei hyn u ai; Tameuh my leu pei nai khala y khaileaung ly tlawn vui nai ne.

SAM 97:5

Khaileaung pri ai peang nai keung napi nai Areng i mo y, mawichi ly samdai kamta tlawn vui bo.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 24:19

Khaileaung ly ako iy sei nyhrei am-eaung thla vui ai.

ISAIA 34:4

Kanito, lo, ka-si taukichi ly khaileaung y tla ai. Kani khusang ly taeang veng nai cha aeang kamta tama ai i, ka-sichi ly kreip keung, ti y baly thaidu keungra i ngam vui nai kamta vui ai.

ISAIA 51:6

Kani khusang ai khen ang deng u; khaileaung ai py khen u! Kani khusang ly maikhyh kamta tama vui ai. Khaileaung ly ateaung tangym nai kamta phra dudu ai. Hini khaileaung i khumi bawibawichi py, pathau kamta dei be ai. Na i py kai i atleu naira ly deungtasarei awm jojo ai. Kai i eaung naira ly mana khala py phra ai ny y.

JOELA 1:15

Areng i tara chih ai nai neng kani ly kasa bo. Huni neng khala, ati cheaungkhang sa thai nai keung my, khri pa-rei ka-jeira tym hai ai. Huni kani ly jei ai nai khri pa-rei hawi ai na a!

JOELA 2:1

Tameuh i nang parai nai mawi napi nai Zion mawi salo y baw eng u; pany hai nai katyn pei u. Juda khumichi awi, kaso tahyn theu u! Areng i neng kani ly kra y naimy tym ai.

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

JOELA 3:14

Khumi sang neangneangchi ly tara chih nai leaunghawira y awm u bo. Huni leaunghawira y Areng i neng kani ly kra y naimy ang tym ai.

AMOS 9:13

Areng my, “Choh tyn ai nai apho y na pa-rei, choh keung keu hawi nai neng hawi, kreip hang nip leila y na pa-rei, kreip athai pasu nai kanichi tym ai. Mawi katheang kalenchi mang i dengdairei, kreip hang katui leaung nai neng tym ai.

AMOS 9:5

Kani pri tavailuchi i Areng ly khaileaung y abi nai deaungkho y, kaleih pui theu bo; khaileaung y awm nai bawibawichi py vo ai. Khaileaung pri verei ly Aikupta pri i Naing tavo kamta, anem lawh, asang lawh ai. 1

MIKHA 1:4

Huna nai khala mawichi ly mai hawi avum nai phajeaungdeng kamta tlawn vui ai. Naibaly mawi salo mang dengdairei mawi anui y tui leaung nai kamta, leaunghawi mang y athui jawn ai.

NAHUM 1:5

Areng i mo y mawi puichi ly ahyn iy, mawi katheangchi ly tlawn pawn ai. Areng jeu nai khala kaleih theu iy, khaileaung pri hawi vanrei, khaileaung pri i khumi bawibawichi ly jei hyn u bo.

MALAKHI 4:5

“Na i py khri pa-rei ka-jei awm nai neng kani tym y rai khala, kai ly amo Elija ai nangchi teng y kang pato ai.

MATTHAI 24:35

Kani khaileaung ly tama ai i, kai i leu ly tamo y ai.

MARKA 13:31

Kani khaileaung ly tama ai i, kai i leu ly tamo y ai.

LUKA 12:39

Na i py hini ly pany u, yhmkeung my kangviu khumi tym ai nai neng pany i khyly mymy ly o rym ai i, mymy i yhm ateng pi vau ai nai khai su y leang bo.

ROM AVANGCHI TENG Y PAWLA I CHA PA NAI 8:20

Ati mana nai mo nabaly atiti sa naichi bawibawi kypkyp py veaung thai nai miseaung i nai law hai naira nga iy, Tameuh i chanauchi savai ru nai nang parai naira y kun u ai nai,

I KORINTH 1:8

ni ly achi i Areng Isu Krista i kani y ly nangchi cheh naira by y pa-rei awm ai nai nangchi ai tem khala y khrairei ang khaw hai ai mang.

I KORINTH 5:5

ni i phailo ly Areng i kani y ly pahengra nga thai ai nai, ni i tlang tama hai ai nai Setan ai pei khyly kana nai ne.

II KORINTH 1:14

achi i Areng Isu Krista i kani y ly kaichi ly nangchi ai amlyh naira palawn nai kamta ly, kaichi py nangchi i amlyh naira lawn ai, nanai nangchi phyreichi ly kaichi ai pany thai teang nai kamta ly tem pa-rei kaichi i leu ly nangchi pany thai ai nai athang kakhai teang.

I THESALONIKA 5:2

Areng i kani ly vum y kangviu kamta ly tym ai, nanai ly nangmychi kypkyp my chai pyn pa-rei my pany u veng bo.

I THESALONIKA 5:4

Na i py amjo amnauchi awi, huni kani ly kangviu kamta nangchi ai ang kai ai nai kaveng y awm u y leang bo;

II PETERA 3:11

Huni atitichi ly hunai kamta tama bebe ai nai tla, nanai nangchi pany nai deaungkho y, Tameuh i kani tym ai nai athang khai nai hawi, kasa hai ai nai py amhi amtlau nai sai kachai y hawi Tameuh ai dawn ryhryh naira y ly khumi mani ka-tawm awm u ai nai tla mo?

II PETERA 3:12

Huni neng deaungkho y kani ai ly kang iy tama ai i, atiti pakeungchi py khri pa-rei angngo nai mai y ang kang bebe ai bo.

II PETERA 3:7

na i py vai i kani khaileaung ly huni leu deaungkho y Tameuh ai tahm khai y naichi ai tara chih ai nai hawi tama hai ai nai kani i vui y khai iy, mai i vui pateung achu nai lawn bo.

JUDA 1:6

Naibaly kani pri i amtaw thau naichi, mychi i awm angchi nai sai kamta awm jo y naimy, mymychi i awm reng nai meingtym khai su naichi ai ly huni kani aly len parai nai i tara chih naira i vui y kaveng anui y deungrasarei kawm naimy ang khai nai bo.

AMTENG HAI NAI 16:15

(Khen cham, kangviu kamta kang jeu ai: atyp iy mymy i kanih kry nai khumi ly taham hawi, ti y baly ni y tlang ka-keu pavai iy angji ngailai nai sai ang niu lawh na.)

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.

AMTENG HAI NAI 21:1

Naibaly kani kangtha hawi khaileaung kangtha py kaniu: ati mana nai mo nabaly kangman i kani hawi kangman i khaileaung py tama vui bo, pangli py by y leang bo.

AMTENG HAI NAI 3:3

Nang i nga chum nai hawi thai chum nai py adawn vau ly; huni ai ly patawm jojo iy uikhei ly. Naibaly nang ly atyp y baly kai ly khumi kangviu kamta kang jeu ai, naibaly kai i kang tym ai nai neng nang pany ai ny y.

AMTENG HAI NAI 6:14

Naibaly kani ai ly cha-iu aeang taeang nai kamta tasyh vui bo; mawi pui bawibawi hawi, tlawn bawibawi py nichi i meingtym i dengdairei tasyh vui bo.