II KORINTH 9:8 - Khumi Common Language Bible

⁸ Naibaly nangchi ly ati cheaungkhangra y hawi khyp naimy awm u jojo iy, kalop kahawi cheaungkhang i vui sa naira bawn u thai ai nai, Tameuh ly nangchi i tlang tleaung y pahenra cheaungkhang ang bawn hai pajau.

II KORINTH 9:8 ပူးပေါင်းရင်းမြစ်များ

2 NENG SATANG 25:9

Huna nai khala Amazia my amo teng y, “Huni khumichi teng y pei nai tangka ly jawm sum ai bo a?,” nanai deng. Amo my, “Areng my huni tangka tleaung y nawi nai ang pei ai mang!” napi.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

LEU KACHENG 11:24

Phyrei khumichi ly mymychi i tangka paawp y naimy pei talam u i py, nang tleaung nangra bo; phyrei khumichi ly mychi i tangka kry ryhpatyh teu i py, mawn tleaung mawnra nai ne.

LEU KACHENG 28:27

Khumi kamawnchi ai pei talam nai khumi ly kamawn acheang ai ny y. Khumi kamawnchi ai dawn hai y nai khumi ly khumichi my pasawi nai avum ai.

LEU KACHENG 3:9

Nang i li, hlaura i nga nai amti amjang athai chuluchi Areng teng y talam ba.

HAKAI 2:8

Khaileaung pri y awm nai ngierei, muku tangkachi ly kai i ne.

MALAKHI 3:10

Achura yhm y teicha teinei neangneang awm ai nai, nangchi i horei y harei angym pa-rei syn u. Kai ai cham u cham; hunaibaly kai ly kani pri thaibeng katheuchi paeaung iy, nangchi i tlang tleaung y amtheaung naira neangneang kang leih pi nai nangchi niu u ai.

AMTAW 9:36

Naibaly Joppa avang y amyn ly Tabitha napi nai abangnai leaungrei awm; (Tabitha nanai sai ly Dorka ne;) huni neampachy i atiti kahawi sa nai hawi, atiti sabawm nai py neangneang awm.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

II KORINTH 13:3

Krista ly kaimy ai leu thui hai reng nai keung ne, nanai nangchi ly cham naira hau nai deaungkho y, kai ly jeu bi i khyly kang khai y leang; mymy ly nangchi teng y ham y nai ny y leang, nangchi theung y khri pa-rei atiti sa thai naira ne lawh veng.

II KORINTH 8:19

huni khyh ny y leang rai, palau takhra kamkawmchi my mymy ai ly hini pahenra molam y kaichi hawi vanrei chei ai nai khai rym bo: huni ly Areng ai tahm pasang ai nai hawi kaichi i tau rym nai sai amteng hai ai nai py sa nai ne.

II KORINTH 8:2

huna nai patang naira khri pa-rei cham nai tarawi y amo theu ala nai hawi khrikhri pa-rei kamawn ala nai my ly, nichi i khri pa-rei paawh y naimy pei nai sai ly panawi ryh panawi ryh bo.

II KORINTH 8:7

Hunaibaly nangchi ly ati cheaungkhangra y ym naira y py, leu thui kawp naira y py, pany naira y py, hawihai palai sa naira bawibawi y py, kaichi ai tamen naira y py nawi ra nawi ra nai kamta huni pahenra y py nawi ra nawi ra thai ai nai atho angjeng u.

II KORINTH 9:11

Nangchi ly ati cheaungkhangra y paawh y nai pei nai bawibawi y nang hai nai awm iy, huni my ly kaimychi deaungkho y Tameuh teng y kawn nai leu thui naira sa hai nai ne.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

EPHESI 3:20

Hunaibaly achi i paleung theung y sa thai naira sa reng nai kamta, achi i hnei nai hawi dawn nai bawibawichi tleaung y khri pa-rei ty keh nai sa thai nai keung kypkyp teng y ly,

PHILIPI 4:11

Kai ly avaw nai leu kathui nai ny y leang; ati mana nai mo nabaly kai ly mana mo awm iy py paleung hawi jojo nai awm ai nai amtiu bo.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

II THESALONIKA 2:17

nangchi i paleung awm hai nem iy, atiti sa naira y hawi leu thui nai kahawi cheaungkhangra y py khaw hai sy.

II TIMOTHEI 2:21

Hunai deaungkho y ami py huni atitichi ra y apachai baly, mymy ly tahm asang nai laawm, khai takhra nai, yhmkeung my teaung ai avo nai, atiti sa ai nai cheaungkhangra y angvei rym nai awm khyp ai.

II TIMOTHEI 3:17

patiu naira y hawi sum hai naira y hawi, parip naira y hawi, atiti kahawi patiu naira y ly chawn nai ne.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

I PETERA 4:10

khumi leaung leaungrei ly sa thai naira nga nai kamta, Tameuh i pahenra amjy cheaungkhang ai kry nai keungchi kamta nangmychi tengtawi akry u leungtang;