II KORINTH 8:9 - Khumi Common Language Bible

⁹ Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

II KORINTH 8:9 ပူးပေါင်းရင်းမြစ်များ

ISAIA 53:2

Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

ISAIA 62:1

Kai ly Jerusalem mary ai atho pei nai leu thui pi ai. Huni mary ly atleu naira nga iy, nichi i eaung naira ly vum y angvang nai maiteaung kamta, angvang y ryrei ly Jerusalem mary i vui kaawm pypy ai ny y.

ISAIA 65:8

Areng my, “Kreip athai kahawichi ai ami py taphra vai y; ati iy kreip hang sa u nai ne. Kai ly kaimy i khumi bawibawichi ai tamyh veng ai ny y. Kai ai chiu nai khumichi ai ly kaimy atleu ai.

MATTHAI 17:27

Na i py ani my nichi ai atlym hai lawh baly ang y chei ly, naibaly sakawi va i, man angchei nai ngo la iy huni i labeaung taai i tangka tlaurei nga ai; huni ly lo ly, kai i vui hawi nang i vui py nichi teng y pei,” napi.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

MATTHAI 8:20

Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.

MARKA 6:3

Hini khumi ly Mari i chapo, Jakob hawi Josepha hawi, Juda hawi, Simon hawi, nichi i amjo amnau lasama ny y lawh a? Mymy i tuichochi py achi teng y awm nai ny y lawh a?” napi nai khri pa-rei lyh na. Hunaibaly nichi ly mymy i tlang tleaung y paleung hawi y bo.

LUKA 16:11

Yhmtheaung hawi y naira y malawn py ka-ym by y baly, yhmtheaung kahawi ly ami my ang au ai mo?

LUKA 2:7

Naibaly chalu y neampacho tapen; naibaly kanih y bam me iy, charai y akeaung y nai deaungkho y tawnbawi teicha pei naira y paseaung.

LUKA 8:3

Chuza i aju Joanna py, Susanna py, takhra neangneangchi py ne; nichi ly mymychi i yhmtheaung dengdairei nichi ai kry.

LUKA 9:58

Naibaly Isu my ni teng y, “Khivachi py kho awm, salo mang i tavochi py tabu awm, na i py Khumi i Chapo ly anga naira ha py by y,” napi.

JOHAN 1:10

Ni ly khaileaung pri y awm i, khaileaung pri ly mymy i sa nai ne, na i py khaileaung pri ly mymy ai pany y.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

JOHAN 12:30

Isu my, “Hini raawi ly kai i vui theu nai ny y leang, nangmychi i vui teu.

JOHAN 16:15

Ampo i atiti awm nai ngierei ly kai i ne, hunai deaungkho y kai i nai la ai i nangchi teng y ang thui pi ai kang napi.

JOHAN 17:19

Nichi ly leu meitang y khai takhra nai awm thai ai nai, kai ly mymychi deaungkho y kaimy ai akhai takhra bo.

ROM AVANGCHI TENG Y PAWLA I CHA PA NAI 11:12

Hunaibaly nichi i tamang nai malawn py khaileaung pri ai nang hai naira ne i, nichi i eaung y naira malawn py Cheng Takhrachi ai nang hai nai ne teang baly, nichi i angym nai ly mana tanrei ne na mo!

ROM AVANGCHI TENG Y PAWLA I CHA PA NAI 15:3

Krista py amy i kawn ai naira hau y leang: “Nangmy ai jo nai keungchi ai jo nai ly Kaimy i tlang tleaung y tla bo,” nanai tajiu nai kamta ne lawh veng.

ROM AVANGCHI TENG Y PAWLA I CHA PA NAI 5:8

Na i py achi khumi kamngo nai thym khala y Krista ly achi i vui y dei pi nai deaungkho y, Tameuh ly mymy i achi ai ang tamen nai ly palo ai ataing nai amteng hai.

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

I KORINTH 1:4

Krista Isu ly Tameuh i pahenra nangchi teng y ang pei nai deaungkho y kai ly nangchi i molam Tameuh teng y kawn nai leu kathui jojo;

I KORINTH 15:47

Angchei i khumi ly khaileaung i khumi ne, khaileaung hawi sa nai ne; pa-nyh i khumi ly kani mang i ne.

II KORINTH 13:14

Areng Isu Krista i pahenra hawi, Tameuh i tamen naira hawi, phailo kachai i amkawm naira py nangchi bawibawi teng y awm sy.

II KORINTH 6:10

paleung mawn nai kamta, na i py kawn jojo lawh nai; kamawn kamta, na i py khumi neangneangchi ai nang hai lawh nai; ati sai py by y nai kamta, na i py ati cheaungkhang neangneang awm lawh nai.

EPHESI 2:7

Hunaibaly mymy ly neng tym ai naira y ly Krista Isu y achi i tlang tleaung y neaung hawi nai deaungkho y, mymy i pahenra khri pa-rei nawi nai sai ly patei pajau ai.

EPHESI 3:19

Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

KOLOSA 1:24

Kai ly vai nangchi i vui y kang patang pi naira y ly kakawn, Krista i ngari patang nai kamthom ly mymy i tlang deaungkho y kai i ngan y ly kapatawm veangveang nai ne;

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

AMTENG HAI NAI 2:9

Nang i patang nai hawi kamawn nai sai py kapany; na i py nang ly nang chy bo; naibaly Juda tatang ny y naimy, Juda angam nai Setan i achu nai kamkawmchi i thui tamawn nai py kapany.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.

AMTENG HAI NAI 3:18

Hunai deaungkho y nang ly nang naira nga thai ai nai, mai y pachai chum nai muku hawi, nang i beng tlairei awm nai kangji kangngai nai sai amteng y ai nai ateaung kangleungchi amthyp thai ai nai hawi, nang i mei y atamui nai rimui py kai teng y van ai nai kadawn hai.