II KORINTH 8:10 - Khumi Common Language Bible

¹⁰ Hunaibaly hunira y ly kai i dawn nai kathui nai ne; huni ly nangchi i vui hawi veng, nangchi ly sa u amteaung nai keung y lawn u nai ly sanengrei awm veng bo, sa u amteaung nai harei khyp py ny y naimy, ngai py ngai u manme nai ne.

II KORINTH 8:10 ပူးပေါင်းရင်းမြစ်များ

LEU KACHENG 19:17

Khumi kamawnchi ai sabawm nai khumi ly Areng teng y piu paseng nai khumi ne i, Areng my ni ai heung pi ali teang ai.

MATTHAI 10:42

Naibaly ami py abang nai khumi ne nai deaungkho y hini theangchi chy naichi theung y leaungrei teng y tui savai khaurei chy i py pei nai ngierei ly meitang khyp kang thui pi, mymy i kawn nai vang ly pipi tamo y ai,” napi.

JOHAN 11:50

Cheng jyn phra y ai nai khumi leaungrei khumichi i vui dei pi ai nai tla, nanai py nangchi dawn y,” napi.

JOHAN 16:7

Na i py kaimy leu meitang kang thui pi; kai chei baly nangchi i vui avo ai; kai chei y baly Awm Hai Nem nai Keung ly nangchi teng y ang jeu ai ny y; kai chei baly ni ai nangchi teng y kang pato ai.

JOHAN 18:14

(Kaiapha ly, “Cheng jyn i vui khumi leaungrei dei baly hawi,” nanai Judachi ai dawn hai nai keung ne.)

I KORINTH 10:23

Ati cheaungkhang sa ngau; na i py ati cheaungkhang sa ai nai avo y leang. Ati cheaungkhang sa ngau, na i py ati cheaungkhang sa naira y khaw hai y leang.

I KORINTH 16:2

Kai kang jeu nai khala y khai achu nai cheaung nai ly awm y ai nai, kani saryhrei angchei i kani y ly nangchi khumi leaung leaungrei amtheaung naira nga u reng nai kamta khai u achu bawibawi.

I KORINTH 6:12

Kai i vui ati cheaungkhang sa ngau, na i py ati cheaungkhang sa ai nai avo y leang; kai i vui ati cheaungkhang sa ngau, na i py atiti miseaung y py ka-pei y leang.

I KORINTH 7:25

Naibaly anglo kachai molam leu ly kai ly Areng i leu pei nai by y leang; na i py ka-ym awm naimy awm ai nai Areng teng i dengdairei tamen naira kanga nai deaungkho y kai i dawn nai sai kang thui pi ai.

I KORINTH 7:40

Na i py kai i dawn nai ly mymy ly mymy i awm nai kamta awm jo baly hawi kyh ai; kai py Tameuh i Phailo kanga teang nai athang awm.

II KORINTH 12:1

Avo y i py kai ly kamlyh tanga ai nai tla: na i py Areng teng i dengdairei amteng hai naira hawi pany hai naira leu kathui patawm veangveang ai.

II KORINTH 8:6

hunaibaly Tita ly jangvaini y sa amteaung chum nai deaungkho y hini pahenra py nangmychi theung y sa be pajau ryp ai nai kaichi ly mymy ai takeng bo.

II KORINTH 8:8

Kai ly leu pei nai kamta kathui y leang, khumi takhrachi i hawihai palai sa naira y nangchi i tamen u tatang nai sai cham ai nai kathui nai teu.

II KORINTH 9:2

kai ly nangchi i dawn rym nai sai ly pany bo, huni molam y ly Akaia pri y dawn u rym nai ly sanengrei awm bo, nanai kai ly Makedonia pri i khumichi teng y nangchi ai kamlyh bo; hunaibaly nangchi i hawihai palai sa nai ly nichi theung y khumi neangneangchi ai amcheng hai bo.

PHILIPI 4:17

Kai ly atiti pei sy, nanai kahau nai ny y leang; nangmychi mang y athai peung ai nai kahau nai teu.

HEBRAI 13:16

Na i py atiti kahawi sa ai nai hawi, atiti paawh y naimy tami u moh, hunai kamta apathyp naira y ly Tameuh ly khrikhri paleung hawi na.