II KORINTH 7:6 - Khumi Common Language Bible

⁶ Na i py tahm anem naichi ai awm hai nem nai keung Tameuh my ly Tita ang jeu nai deaungkho y kaichi ai ang awm hai nem bo;

II KORINTH 7:6 ပူးပေါင်းရင်းမြစ်များ

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 51:12

Areng my, “Nangchi ai atho kawi angym hai nai keung ly kai ne. Acha keung tanrei heng sau khyh nai dei thai nai amjy khumi ai, nangchi ly ati mana nai jei u nai mo?

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 57:18

Nichi ati mana sa u mo, nanai kai ly niu bo. Na i py kai ly nichi ai no hawi sa pi ai; lam patei iy sabawm ai. Paleungsi vo tangam naichi ai awm hai nem ai.

JEREMIA 31:13

Hunaibaly chaniu anglochi ly amo theu naimy lam u ai. Miteaung hawi thawndeangchi py, amo theu u sau ai. Kai ly nichi ai awm hai nem ai i, nichi i vo tangam nai ly amo theu naira mang y, nichi i paleung mawn nai ly kawn nai hawi amo theu naira mang y lawm hai ai.

MATTHAI 5:4

“Paleung mawn naichi ly taham hawi: nichi ai ang awm hai nem ai.

JOHAN 14:16

Naibaly kaimy Ampo teng y hnei ai i, deungtasa khrairei nangchi teng y awm jo ai nai Awm Hai Nem nai keung takhra ang pei ai.

ROM AVANGCHI TENG Y PAWLA I CHA PA NAI 15:5

Hunaibaly nangchi ly achi i Areng Isu Krista i Tameuh hawi Ampo ai ly paleung vanrei hawi leu adyh naimy palo thai ai nai,

II KORINTH 7:13

Hunai deaungkho y kaichi ly awmnem naimy awm bo; naibaly kaimychi i awmnem naira harei khyh ny y i, mymy i paleung ly nangmychi deaungkho y amcheng naira nga nai y, Tita i kawn naira deaungkho y kaichi my kawn nai tleaung y khri pa-rei kawnra na.

II KORINTH 7:14

Kai ly ni teng y ati mo ra y py nangchi ai amlyh hai iy py, kai ai ly amthang hai leaung y leang; huna ai nai kaichi ly nangchi teng y ati cheaungkhan ra y leu meitang thui lawh nai kamta ly, kaichi ly Tita i mo y amlyh nai ly leu meitang ne khypkhyp bo.

II KORINTH 7:7

mymy ang jeu nai my tlairei khyh ny y leang, nangchi i kai ai niu ai ngai parai nai sai py, nangchi i vo hai nai sai py, nangchi i kai i tlang tleaung y khrikhri pa-rei sa nai sai py ang thui pi i, nangmychi deaungkho y mymy i awm hai nem naira my ly kaichi ai ang awm hai nem nai bo; hunaibaly kai ly kawn nai tleaung y kakawn ra veng bo.

PHILIPI 2:1

Hunaibaly Krista y pachei naira hawi, tamen naira i sa hai naira hawi, Phailo hawi amkawm naira hawi, paleung verei y tamen naira hawi pahen naira awm baly,

I THESALONIKA 3:2

naibaly ami py hini patang nairachi deaungkho y paleung phra y ai nai, nangchi ai khaw hai ai nai hawi, nangchi i ym naira molam awm hai nem ai nai py kaichi i amjo amnau Timothei, Krista i Satang Kahawi y Tameuh i kalop sa ahawi nai keung ai ly kang pato bo.