II KORINTH 7:15 - Khumi Common Language Bible

¹⁵ Naibaly nangchi bawibawi ly ni i leu tangai u nai sai py, jei nai hawi kaso theu nai tarawi y ni ai kawn u nai sai py, mymy ly pany jo nai tarawi y, khri pa-rei nangchi mang y mymy i paleung akau nai tleaung y akaura nai ne.

II KORINTH 7:15 ပူးပေါင်းရင်းမြစ်များ

ATITI AWM ANGCHEI NAI 43:30

Naibaly Josepha ly amnau ai niu nai deaungkho y, pahen i meikatui beu ai bo nabaly am-yh pajau y nai y, mymy i takun theung y kun iy vo nai ne.

1 ARENG KEH 3:26

Amhm kypkyp ly deaungdi ai khri pa-rei tamen nai deaungkho y, samrang teng y, “Samrang awi, deaungdi ai ly padei moh! huni neampachy teng y phai pei pi teu ba!,” nanai takeng. Na i py takhra neampachy my ly “Deaungdi ai ami py lo mo sy, ka-hyhrei phai bau thla ba,” napi.

EZARA 10:9

Juda hawi Benjamin khu ka-peang theung y awm nai neampacho bawibawichi ly kani thomrei sala y my, takawrei lo kani apomrei kani y Jerusalem mary Achura yhm ly-um y jeu u achu bo. Huna nai khala y khri pa-rei kani taawi. Khumichi ly kani hawi y nai hawi aly len nai meeting molam y py kaso theu u nai ne.

EZARA 9:4

Dym mang apathyp ai nai neng tym i, khumichi ly kai teng y jeu u achu nai ryrei, kai ly paleung si nai hawimy huni meingtym y ateh jo rai; nichi ly pri palara i vawi ali teang nai khumichi i kamngo nai molam y, Israela chengchi i Tameuh my leu pei nai deaungkho y jei hyn nai khumichi ne.

JOBA 21:6

Kai ly kaimy i avum nai saichi adawn cham nai khala, paleung phra athosi i, kaso theu na bo.

SAM 119:120

Nang ai jei nai deaungkho y kai ly khuma phau na bo; nang i tara chih nai saichi molam y kai ly jei na bo.

SAM 2:11

Nangchi ly jei kaji nai paleung hawi Areng i kalop so u;

Solomon i khulym 5:4

Kai i khrei nai keung ly katheu ai amkhaw nai khala y, kai ly paleung anghyn na bo.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

HOSEA 13:1

Vaichi khala Ephraim cheng theaungchi i thui nai leu ai, takhra Israela cheng theaungchi ly jei hyn u bo. Takhra Israela cheng theaungchi ly Ephraim cheng theaungchi ai tahm khai u nai ne. Na i py nichi ly Bala tameuh ai chiu u nai kamngo molam y dei u ai.

JOHAN 16:21

Mymy i neng tym nai deaungkho y neampachy ly chanau tapen nai no iy paleung mawn; na i py deaungdi tapen bo nabaly khaileaung pri y khumi tapen iy kawn nai deaungkho y ni i phailo seaung nai ly dawn ali y leang bo.

AMTAW 16:29

Naibaly typ nai keung my ly maiteaung palau hai i tlenrei my satla kathiu nai kun iy jei nai kaso theu naimy Pawla nini Sila i mo y ambeu; naibaly nini ai ly theu hai i,

I KORINTH 2:3

Naibaly kai ly nangchi theung y ham y nai hawi jei nai khri pa-rei kaso theu nai py awm bo.

II KORINTH 2:9

Hini nai deaungkho y py nangchi ly ati cheaungkhangra y leu tangai na mo, nanai nangchi ai kang cham thai ai nai katajiu nai bo.

II KORINTH 6:12

Nangchi ly kaimychi y dawn amchei nai awm u y leang, nangmychi i paleung i tamen naira y dawn amchei naira awm u lawh nai teu.

EPHESI 6:5

Miseaungchi awi, Krista i leu tangai nai kamta tahm khai nai hawi kaso theu naimy, sairei dawn nai paleung harei awm iy, nangchi i tlang i yhmkeungchi i leu tangai u;

PHILIPI 1:8

Naibaly Isu Krista i paleung verei y pahen nai kamta nangchi bawibawi ai khri pa-rei kang ngai nai sai ly, Tameuh ly kai ai ang pany hai nai keung ne.

PHILIPI 2:12

Hunaibaly kai i ngai parai naichi awi, nangchi ly leu patawm u jojo nai kamta, kai awm nai khala y so khyh y naimy vai kai by y nai sala y py sa u keh lawh iy, jei nai hawi kaso theu nai tarawi y nangmychi i paheng naira ai ly pacheang u;

KOLOSA 3:12

Hunaibaly khumi kachai hawi ngai parai naichi awi, Tameuh i vawi nai khumichi kamta paleung verei pahen naira hawi, neaung hawi naira hawi, tahm apanem naira hawi, leu anui naira hawi, amnym naira py amthyp u;

II THESALONIKA 3:14

Ami py hini cha pa nai kaichi i leu patawm y baly, mymy kaji thai ai nai huni khumi ai ly den py amkawm u y ai nai ma u kheng.

I JOHAN 3:17

Na i py ami py khaileaung pri i yhmtheaung awm nai mymy i amjo amnau avaw nai niu iy tamen y pasi lawh baly, mymy y ly Tameuh i tamen naira ly mana awm thai ai mo?