II KORINTH 7:10 - Khumi Common Language Bible

¹⁰ Ati mana nai mo nabaly Tameuh i ngai nai kamta paleung mawn naira my ly hengra nga ai nai pa-rei uikhei naira sa; huni my ly adawn ali naira tym hai y leang, khaileaung pri i paleung mawn naira naini dei naira sa nai teu.

II KORINTH 7:10 ပူးပေါင်းရင်းမြစ်များ

ATITI AWM ANGCHEI NAI 30:1

Na i py Rakeli ly Jakob i vui cho chanau leaungrei py tapen pi y nai deaungkho y mymy ly amjo ai paleung hawi y nai khai i Jakob teng y, “Kai ly cho chanau ngo y baly kadei ai,” napi.

2 SAMUELA 12:13

Davida my, “Kai ly Areng i ngai y nai kasa lawh bo,” nanai ahui baly Nathan my, “Areng ly nang i kamngo pahen bo i, deira i nai lawi hai bo.

2 SAMUELA 13:4

Jonada my Amanon teng y, “Nang ly samrang i chapo ne iy, kani tleirei paleung bi nai kang niu bo. Ati mana nai mo nanai kai ai thui pi cham,” napi. Amanon my, “Kai ly ampo vanrei, amhm takhra nai amjo Abasalom i tuicho Tamar ai kakhrei nai ne,” napi.

2 SAMUELA 17:23

Ahithophela ly my i tau pei nai tangai pi y, nanai apany baly keaungngo kano kasau tleaung y atang iy, mymy i awm nai mary y vawi bo. Ni ly my i sa ai awm nai kalopchi sa chum baly akaeu vui bo. Ni i veu ai ly amjo amnauchi i tapreaung y up nai ne.

1 ARENG KEH 21:4

Ahab ly Naboth i leu molam y paleung ka-dawn hawi y; kado theu naimy yhm mang y vawi bo. Ni ly angpang mang y engleng i, ira tleaung y aseaung iy biu py cho y bo.

SAM 38:18

Kai ly kaimy i kamngochi ahui bo. Huni kamngochi molam y, paleung mawn parai nai ne.

LEU KACHENG 15:13

Khumichi ly amo theu nai khala, panuiyhm reng; na i py paleung si nai khala ly meimai takhuisui reng.

LEU KACHENG 15:15

Khumi kamawnchi i heng nai ly atho sa jojo ai nai tla; na i py amo theu nai paleung awm nai khumichi i heng nai ly heng hawi jojo nai ne.

LEU KACHENG 17:22

Paleung amo theu nai ly noso aho hai reng. Avawrei meimai takhuisui nai ly deira y ang vum hai dudu nai ne.

LEU KACHENG 18:14

No nai thym khala y, amy i paleung ai khaw hai pajau nai khumi ly kham pajau nai keung ne. Paleung kham pajau y nai khumi i vui ly athang khai naira by y leang bo.

Parip nai leu 7:3

Paleungsi nai ly panui nai tleaung y hawi keh; paleung si nai ly nang i meimai aneaung hai rawm teu i py, nang i cheng naira ai atho nga haira nai ne.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

JONA 3:10

Tameuh ly huni khumichi i sa nai saichi ai py, hawi y nai saichi khai su nai ai py, niu nai khala y paleung amtlau i, leu pei nai kamta nichi ai pajeng y nai ne.

JONA 3:8

Khumi bawibawichi hawi tawnbawichi ly paisiu amchiu u ai nai tla. Khumi luteng ly paleung apei parai naimy Tameuh teng y chiu sa ai nai tla. Huni bo y amy i hawi y nai hawi, sa ta-li naichi khai su ai nai tla.

JONA 4:9

Na i py Tameuh my Jona teng y, “Palang-uipo keung harei molam y, nang ly kado theu ai nai avo a?,” nanai deng. Jona my, “Kai ly dei ai nai pa-rei kado theu bo!,” nanai pathang.

MATTHAI 26:75

Naibaly Petera ly Isu my, “A kheaung y rai kha y nang ly kai ai tlen thomrei apha ai,” napi nai leu ly adawn vau bi. Naibaly ni ly theu i khri pa-rei vo ryry.

LUKA 15:10

Kang thui pi, khumi kamngo leaungrei uikhei nai ai Tameuh i kani pri mang i amtaw thau naichi my kawn.

LUKA 18:13

Na i py akeu cheaung nai keung ly palo paraira y angdo i, kani mang y py dengtheang vam y nai, ‘Aw Tameuh, kai khumi kamngo ai pahen kyh,’ nanai paleung y atum ryry lawh.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

II KORINTH 12:21

ti y baly kai kang jeu bi nai khala y kai i Tameuh my nangchi i mo y kai ai tahm panem lawh na, naibaly angchei i atiti kamngo sa nai keungchi theung y atiti chai y nai py, angai nai py, paleaung nai py sa reng nai uikhei ngai y nai khumi neangneangchi ai kai ly vo hai lawh na.

II KORINTH 7:9

Vai ly kai ly kawn bo, nangchi ai paleung mawn hai nai deaungkho y ny y leang, nangchi ai uikhei ai nai paleung mawn hai nai deauungkho y teu. Nangchi ly kaimychi deaungkho y ati sai py tamo u y ai nai, Tameuh i ngai nai kamta nangchi ai paleung mawn hai nai teu.

HEBRAI 12:17

Huni bo y mymy ly huni amtheaung hai naira amtym ai nai ngai iy py, mei katui tla nai tarawi y hawihai palai hau teu iy py, paleung adawn ali naira ka-vo ngo y nai deaungkho y mymy ai ly ngai y leang bo, nanai pany u bo.

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.