II KORINTH 7:1 - Khumi Common Language Bible

¹ Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

II KORINTH 7:1 ပူးပေါင်းရင်းမြစ်များ

2 NENG SATANG 19:9

Samrang my huni khumichi teng y, “Nangchi ly Areng ai jei kaji nai paleung hawi nangmychi i kalopchi so u. Leu meitang teaung iy meimai khen patleh y naimy so u.

SAM 119:9

Thawndeang deaungdichi ly chai pyn pa-rei mana heng pajau ai mo? Nang i reita leu pei naichi tangai baly. chai parai naimy awm pajau nai ne.

SAM 19:9

Areng ai jei kaji naimy tahm khai nai ly hawi parai nai ne i, deungtasarei khaw jojo ai. Areng i tara chih nai sai y teng parai nai ne i, deungtasarei adyh adawi nai ne.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 20:9

Khumi ami py, chai nai paleung awm, nanai py, amy teng y kamngo by y leang bo, nanai py, thui khyp pajau na a?

LEU KACHENG 30:12

Phyrei khumichi ly khri pa-rei amso ngai naichi ne teu i py, mymychi ai khumi kachaichi ne, nanai athang khai u.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

Parip nai leu 11:10

Nangchi ly ati mo ra py paleung mawn nai awm u moh, ti y baly paleung atho di nai awm u moh. Nangchi ly saneng nau naimy neng kasau awm jo ai ny y leang.

ISAIA 1:16

Nangchi i paleung chai pa-rei so u. Kai i mo y nangchi i sa tamang naichi anawn u. Hawi y sa naichi anawn iy

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

JEREMIA 13:27

Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

Levi 13:58

Ni ly huni ateaung pasiu nai khala y, kani-ei chawp nai tama baly, pasiu taleang bi ai nai tla. Naibaly huni ateaung ly reita leaungsai y chai ai.

MATTHAI 12:33

“Dengkeaung ai ly kahawi palawn u makho baly athai py kahawi palawn ai nai tla; dengkeaung ai ly hawi y nai palawn u mako baly athai py hawi y nai palawn ai nai tla; ati mana nai mo nabaly dengkeaung ly athai y amny.

MATTHAI 5:48

Cheng Takhrachi py hunai kamta so teang y a? Hunaibaly Ngampo kani pri mang y awm nai i hawi angym nai kamta ly hawi angym nai awm u ai nai tla.

MATTHAI 5:8

“Paleung y chai naichi ly taham hawi: nichi ly Tameuh ai niu ai.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

ROM AVANGCHI TENG Y PAWLA I CHA PA NAI 5:20

Naibaly kamngo ly amny ra thai ai nai, Reita py awm bi bo;

I KORINTH 6:20

Nangchi ly nangmychi i py ny y leang, nangchi ai ly vang y ang van nai ne; hunai deaungkho y nangchi i tlang y ly Tameuh ai palo u.

II KORINTH 1:20

Tameuh i leu adeu naichi ly majirei py ne sy mymy y ly Ne, nanai awm; hunaibaly kaimychi deaungkho y Tameuh ai tahm pasang ai nai, mymy deaungkho y Amen, nanai ly awm nai ne.

EPHESI 2:3

Huni ym y nai chanauchi theung y ly kaichi py jangni y ly tlang hawi paleung i kangai sa iy, kaichi i tlang i ngai phi teng y naira y ly awm bebe veng; kaichi ly khumi takhrachi kamta khyp my kado theu nai chanau y tapen angchi yb veng nai chy bo;

I THESALONIKA 3:13

nangmychi mang y kaichi i tamen nai kamta ly, Areng ly nangmychi mang y atamen leungtang naira hawi, khumi bawibawi mang y tamen naira ly peung hai sy, panawi py panawi sy.

I THESALONIKA 4:7

Tameuh my ly chai y naira y awm ai nai achi ai ang palau y leang, chai naira y awm ai nai ang palau nai teu.

I THESALONIKA 5:23

Naibaly aly nai Tameuh kypkyp my nangchi ai angym pa-rei pachai sy; naibaly nangchi i phailo hawi, paleung hawi, tlang ai ly achi i Areng Isu Krista ang jeu nai khala y ly cheh ai nai by y pa-rei my bom verei chymme naimy awm sy.

HEBRAI 12:23

chanau chalau kani mang y amyn atheung nai palau takhra kamkawm teng y hawi, khumi bawibawichi ai tara chih nai keung Tameuh teng y hawi, angym hai chum nai khumi kahawichi i phailo teng y hawi,

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai:

HEBRAI 4:1

Hunai deaungkho y jei nai tarawi y amkym u sina, ti y baly mymy i anawn naira y kun ai nai leu adeu nai ly awm jojo makho iy, nangchi theung y ami py kai y nai awm lawh na.

HEBRAI 6:9

Na i py ngai parai naichi awi, kaichi ly hunai kamta leu thui teu iy py, nangchi ly huni tleaung y atiti hawi keh nai, paheng naira y abawi nai atitichi ly sa u ai nai kaichi ly athang kang khai.

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.

I PETERA 1:15

nangchi ai ang palau nai keung i chai nai kamta, nangchi py amhi amtlau u nai bawibawi ra y chai nai awm u;

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 2:11

Ngai parai naichi awi, nangchi ly khuleaung chei naichi hawi angvynchi ne nai deaungkho y, phailo ai tiu reng nai tlang i ngai phi teng y nairachi ai ly anawn veng ai nai kang takeng;

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.

I JOHAN 3:3

Ami py mymy i tlang tleaung y hini athang khai naira awm nai ngierei ly mymy i chai nai kamta ly apachai jojo teang.