II KORINTH 6:2 - Khumi Common Language Bible

² “Neng kawn ai awm nai khala y kang tangai i, Paheng nai kani y kang sabawm bo,” ang napi; khen cham, vai ly kawn ai awm nai neng ne; khen cham, vai ly paheng nai kani ne.

II KORINTH 6:2 ပူးပေါင်းရင်းမြစ်များ

SAM 69:13

Na i py kai i vui ly aw Areng, nang teng y chiu sa hnei takeng ai; nang i tamen naira len parai nai molam py, atleu pi ai nai nang i leu adeu nai molam py, kang hnei kang takeng nai tangai pi kyh ba. Aw Tameuh, aly ngai nai neng khala y, kai i chiu sa hnei takeng nai pathang pi kyh ba.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 61:2

Areng ly mymy i khumichi ai atleu iy, paleung ka-echi ai taphra nai neng tym bo, nanai thai hai ai nai kai ai pato bo. Paleungsi tangam nai khumi bawibawichi ai awmnem naira pei ai nai,

Ezekiela 16:8

“Kai ly nang i sahawi mang aleaung bi bo. Huna nai khala nang ly khrei nai paleung mang y tleaungri aveang nai neng tym bo, nanai kang niu nai deaungkho y, kai ly tlang ka-keu naimy awm nai nang ai kai i ateaung hawi kang khiu iy, nang ai kang khrei mang, nanai adeu chum baly, nang hawi leu maikawm asa i, nang ly kai i aju lawm bo,” napi. Hini ly sa thai naira angym nai Areng i thui nai leu ne.

LUKA 18:37

Naibaly nichi my ly, “Nazaret Isu tako na a,” nanai thui pi.

LUKA 4:19

Areng i avo nai saneng i satang thui ai nai py ang pato nai ne, ‘nanai he,’ napi

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;

HEBRAI 3:7

Hunaibaly Phailo Kachai i thui nai kamta khyp ly, “Vaini ly mymy i raawi tangai u baly,

HEBRAI 4:7

mymy ly kra parai nai bo y Davida i labeaung y, “Vaini” nanai ly kani khai rym bo; vaichi i tajiu nai kamta, Nangchi i paleung tang hai u moh,” napi.