II KORINTH 6:17 - Khumi Common Language Bible

¹⁷ Hunai deaungkho y Tameuh my ly, “Nichi theung i nai theu u ly takhra awm u, napi i, Atiti chai y naichi ly den py nam u moh;

II KORINTH 6:17 ပူးပေါင်းရင်းမြစ်များ

EZARA 10:11

Huna nai y nangchi i amsi pajochi i Areng Tameuh teng y nangmychi i kamngo ahui iy, mymy i kangai su u. Achi i pri theung y nangchi hawi vanrei awm nai cheng takhra khumichi hawi, nangchi i cheng takhra ajuchi hawi py amprei u,” nanai aeu naimy thui pi.

EZARA 6:21

Huni kapathypra tawnbawichi i ngan ly pri palara i vawi teang nai khumi Israela chengchi hawi vanrei, hini pri y awm nai khumichi i myn y chiu nai reita ai khai su nai khumichi hawi, Israelachi i Areng Tameuh ai chiu ai nai jeu u nai khumi bawibawichi ly cha u nai ne.

LEU KACHENG 9:6

Hengra nga ai nai cheng y nai khumi mipuichi theung i theu iy, cheng naira lam y phai tako u,” napi.

ISAIA 52:11

Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi ai kiu hawi py, abi u dei moh. Nangmychi ai apachai iy, mary i nai theu u.

JEREMIA 15:17

Kai ly khumi takhrachi hawi panui iy, amo theu saw ala naira y neng pasum y ai. Nangmy pei nai kalop molam y, kai ly kaimy tlairei awm nai y, kado theu naira my kawi bo.

JEREMIA 51:6

Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

Kati Nai 16:21

“Hini Khumi mipuichi i ka-khan y asyn hawi vui; kai ly nichi ai vaimy kataphra pawn ai,” napi.

Kati Nai 16:26

Ni ly khumi mipuichi teng y, “Hini khumi aso y naichi i taichi hawi kamlo y asyh u; nichi i vawn sai ha harei py abi u moh. Kai i leu tangai y baly nangchi ly nichi i kamngo molam y nichi hawi vanrei phra u ai,” napi.

Kati Nai 16:45

“Hini khumi mipuichi i ka-khan y asyn hawi veng. Kai ly nichi ai vaimy kataphra ai!” napi. Naibaly Mosi nini Aron ly khaileaung y ambeu hawi bo.

AMTAW 2:40

Naibaly leu takhra takhra neangneang hawihai palai thui pi i, “vai deung kangthau sa ta-li naichi theung i nai apalawi u,” nanai pachei.

ROM AVANGCHI TENG Y PAWLA I CHA PA NAI 15:7

Hunai deaungkho y Krista ly Tameuh ai palo ai nai nangchi ai ang kawn nai kamta ly akawn u leungtang.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

Leu Thui Nai 14:6

muiken ako iy pichy palawi nai mawichi ne.

AMTENG HAI NAI 18:4

Naibaly kani pri mang i dengdairei raawi takhra my ly, “Kai i khumichi awi, nangchi ly mymy i kamngo nairachi hawi amkawm y ai nai hawi, mymy i tlang tleaung y tym nai patang hai naira y phy ngo u teang y ai nai py, mymy teng i dengdairei theu u jau: