II KORINTH 6:11 - Khumi Common Language Bible

¹¹ Aw Korinth avang i khumichi awi, kaichi ly nangchi teng y labeaung ang iy, kaichi i paleung ly nangchi i vui am-eaung vau bo.

II KORINTH 6:11 ပူးပေါင်းရင်းမြစ်များ

JOBA 32:20

Kai ly leu katheu y naimy awm pajau y bo.

SAM 119:32

Nang ly kai ai cheng naira am-eaung hai ra nai ne i, kai ly leu pei naichi paleung ngai parai naimy tangai ai.

SAM 51:15

Aw Areng, kai i labeaung paeaung pi kyh ba; naibaly kai ly nang ai palo ai.

ISAIA 60:5

Nang ly hini atitichi niu i, amo theu ai. Nang i paleung anghyn ai. Khumi cheng cheaungkhangchi ly mychi i yhmtheaung katuichi ai, nang teng y tym hai ai. Nichi i yhmtheaungchi ly pangli vai mang i dengdairei ang tym hai ai.

Ezekiela 33:22

Huni khumi tym y rai nai dym tengsa neng y, Areng i sa thai naira ly kai ai ang khiu nai ne. Khawn khutawi huni khumi ang tym nai neng khala, Areng my leu katheu thai ai nai kai ai ang pei ali teang bo. Hunai deaungkho y kai ly leu katheu y nai awm y naimy, leu katheu pajau nai ne.

HABAKKUK 2:5

Nang chawn nai ly li-tapawp reng; ngai phi ala naichi ly paleung len amlyh iy, paleung khaw y. Nichi ly dei areng kamta, mana khala py paleung anyp vai y. Hunai deaungkho y nichi ly pri harei bo baly pri harei ai tiu iy peang vui reng nai ne.

AMTAW 18:1

Hunai bo y ly mymy ly Atheni avang i dengdairei theu iy Korinth avang y tym bo.

AMTAW 18:8

Naibaly achura yhm krykeung Krispa hawi mymy i dengtheaungchi bawibawi py Areng ai ym; Korinth avang i khumi neangneangchi py thai i ym iy, baptisma nga u bo.

II KORINTH 12:15

Naibaly kai ly nangchi i phailo i vui khrikhri pa-rei kawn naimy kateaung be iy, kaimy ai kateaung be naimy awm ai. Kai ly nangchi ai khri pa-rei kang tamen nai deaungkho y, nangchi i kai ai tamen nai ly di kyh lo-oh? Ne.

II KORINTH 2:4

Kai ly mei katui neangneang tla nai tarawi y paleung y patang nai hawi khrikhri pa-rei phailo seaung nai tajiu nai chy bo; huni ly nangchi ai paleung mawn hai ai tla nai ny y leang, kai ly nangchi i tlang tleaung y tamen nai tleaung y tamen ra nai sai ly nangchi pany lawh thai ai nai teu.

KALATIA 3:1

Aw Kalatia pri i cheng y nai khumichi awi, nangchi ai ly ami my ang dawi mo? Krista Isu ai tahen nai ly nangchi i mei ka-niu y my chai pyn pa-rei amteng hai chy bo.

KALATIA 4:12

Amjo amnauchi awi, kaimy ka-tawm awm ai nai kang takeng, kai py nangmychi ka-tawm awm. Nangchi ly kai i tlang tleaung y hawi y nai ati sai py so u y leang.

EPHESI 6:19

Naibaly Satang Kahawi leu kathiu ly vam parai naimy pany hai ai nai, kai i labeaung kapeaung iy leu ang thui hai thai ai nai hawi,

EPHESI 6:8

hunaibaly miseaung ne iy py miseaung ny y iy py, khumi leaung leaungrei mymy i atiti kahawi sa nai ngierei ly Areng teng i dengdairei nga teang ai, nanai pany u pajau.

PHILIPI 1:8

Naibaly Isu Krista i paleung verei y pahen nai kamta nangchi bawibawi ai khri pa-rei kang ngai nai sai ly, Tameuh ly kai ai ang pany hai nai keung ne.

PHILIPI 4:15

Naibaly nangchi Philipi avang i khumichi awi, Satang Kahawi tym angchei nai thym khala y kai Makedonia pri i dengdairei theu nai khala y ly, nangchi ny y baly palau takhra kamkawm ha py atiti pei nai hawi nga naira y ly kai hawi sa ahum nai by y, nanai nangchi kypkyp py pany teang mang.

AMTENG HAI NAI 22:12

Khen cham, kai kang jeu praw ai; khumi cheaungkhangchi i atiti sa nai kamta khyp my pei ai nai, kai i kawn nai vang ly kai teng y awm.

1 SAMUELA 2:1

Hannah ly hina nai kamta chiu sa nai ne. Areng my kai ai paleung amo theu hai bo; kai ly mymy i sa pi nai saho y amo theu! kai ly paleung ka-echi ai panui hai ai nai nga bo. Tameuh ly kai ai ang sabawm i, kai ly amo theu bo.