II KORINTH 5:18 - Khumi Common Language Bible

¹⁸ Na i py ati cheaungkhang ly Tameuh teng i theu nai ne; mymy ly Krista deaungkho y kaichi ai amymy hawi aly hai bo, naibaly aly naira krykeung kalop ang pei bo;

II KORINTH 5:18 ပူးပေါင်းရင်းမြစ်များ

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

Levi 6:30

Na i py tawnbawi thi ly Tabynako angtheung y syn iy, kamngo pahen nai kapathypra y teaung baly, huni tawnbawi mawi ly cho moh; mai patawi vui ai nai tla.

LUKA 10:5

Naibaly nangchi i kun nai yhm tleirei y, ‘Hini yhm y ly awmnem nai tym sy,’ nanai thui u man.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 3:27

Johan my nichi teng y, “Kani pri mang i nai pei nai ny y baly khumi ly ati sai py ngo thai y leang.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

ROM AVANGCHI TENG Y PAWLA I CHA PA NAI 11:36

Mymy teng i dengdairei hawi, mymy deaungkho y hawi, mymy i vui py atiti bawibawi awm nai ne. Mymy teng y ly deungtasa khrairei palo naira awm jojo sy. Amen.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 11:12

Neampachy ly neampacho teng i dengdairei theu nai kamta ly neampacho py neampachy teng i dengdairei tapen nai ne; na i py ati cheaungkhang ly Tameuh teng i dengdairei theu nai bebe.

I KORINTH 12:6

Kalop sa nai sai py takhra takhra awm na i py khumi bawibawichi ai ati cheaungkhang sa hai na keung Tameuh ly vanrei khyh.

I KORINTH 3:5

Apolo ly ati mo? Pawla py ati mo? Kalop sa nai keung, nangmychi ai ym hai nai keung teu; huni py Areng my leaung leaungrei teng y ang pei nai kamta ne.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

KOLOSA 1:22

na i py vai ly nangchi ai ly mymy i mo y chai parai nai hawi, meimai cheh ai by y nai hawi, thui ai by y nai angdo hai ai nai, mymy i ngan i tlang y ly dei naira i saho y nangchi ai aly hai nai bo:

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

I JOHAN 2:2

ni ly achi i kamngochi ahui nai langseaung syn naira ne; achi i harei khyh py ny y i, khaileaung pri bawibawichi i vui py ne teang.

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.