II KORINTH 5:15 - Khumi Common Language Bible

¹⁵ hunaibaly heng naichi ly amymy i vui y heng nai ny y leang bo, nichi i jeng y dei nai hawi angthau bi naii vui y heng u lawh thai ai nai, mymy ly bawibawichi i dei ai nai jeng y dei nai ne.

II KORINTH 5:15 ပူးပေါင်းရင်းမြစ်များ

2 ARENG KEH 5:17

Hunaibaly Neaman my, “Kai i pei nai langseaung ai nang lo pi y lawh baly, keaungngo kano kasau nyhrei hawi tang iy kaimychi pri y syn ai nai khaileaung pei kyh ba. Ati mana nai mo nabaly kai ly vai i dengdairei Areng ai ny y baly tameuh takhra teng y leng patlum nai kapathypra, ti y baly mani kapathypra py talam ai ny y.

Ezekiela 16:6

“Naibaly kai ly nang i sahawi mang aleaung nai khala, thinai theung y nang atapi nai kaniu bo. Nang ly thinai angtlen tlawnhawn iy py, kai ly nang ai dei hai y.

Ezekiela 37:14

Kai ly kaimy i phailo ai nichi teng y kapei iy, nichi ai heng hai ali teang chum baly, mymychi i saleaung khutengra y awm hai ai. Huna nai khala kai ly Areng ne, nanai nichi pany u ai. Kai ly hina nai sa ai, nanai adeu nai kamta sa ai. Hini ly kai, Areng my leu pei nai ne,” napi.

Ezekiela 37:9

Tameuh my kai teng y, “Nang khumicho awi, ali teng y amo leu thui pi; khuteng taki palyhrei mang aho ly hini khumi kadeichi heng ali teang ai nai taho hai thai nai ali pakun pi ai nai, sa thai naira angym nai Areng my leu ang pei, nanai ali teang y leu pei,” napi.

HABAKKUK 2:4

Pany hai nai leu ly ‘khumi hawi y naichi ly heng pajau y leang; khumi kahawichi ly Tameuh ai ym nai deaungkho y heng u ai.’ ” napi.

ZEKHARIAH 10:9

Kai ly nichi ai khumi cheng cheaungkhangchi theung y ahei hai teu i py, huni palo parai nai meingtymchira i nai, nichi ly kai ai pany u jo ai. Nichi hawi mychi i cho chanauchi ly dei y naimy heng u i, mymychi i pri y vawi u ai.

LUKA 1:74

Achi heng nai ryrei ly mymy i mei ka-niu y chai parai nai hawi, hawi parai naimy awm iy,

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

JOHAN 6:57

Heng nai Ampo my ly kai ai pato i, kai ly ampo i saho y heng nai kamta ly, kai ai cha nai khumi kypkyp py kaimy i saho y heng ai.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 4:25

huni Isu ai ly achi i kamngo nai deaungkho y patiu hai i, achi ai eaung naira nga hai ai nai pathau bo.

ROM AVANGCHI TENG Y PAWLA I CHA PA NAI 6:2

Ny y leang. Achi, kamngo mang y ly dei chum veng naichi ly kamngo naimy mana heng jo thai ai mo?

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

ROM AVANGCHI TENG Y PAWLA I CHA PA NAI 8:10

Naibaly Krista ly nangmychi y awm baly kamngo nai deaungkho y tlang ly dei nai ne; phailo naini hawi naira deaungkho y heng nai ne.

ROM AVANGCHI TENG Y PAWLA I CHA PA NAI 8:2

Ati mana nai mo nabaly Krista Isu y heng naira phailo i reita my ly kamngo hawi dei naira reita i nai ly kai ai ang law hai veng bo.

ROM AVANGCHI TENG Y PAWLA I CHA PA NAI 8:6

Tlang mang i atitichi ngai nai ly dei naira ne, Phailo mang i atitichi ngai nai naini heng naira hawi awmnem naira py ne;

I KORINTH 10:33

hunai kamta teang kai py amy i chawn naira hau y naimy nichi heng naira nga thai ai nai, khumi neangneang i chawn naira hau lawh i, khumi bawibawichi ai cheaungkhangra y kakawn hai.

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

II KORINTH 3:6

Mymy ly leu maikawm kangtha kry ai nai keungchi y ang pha hai, cha mang i leu kry ai nai ny y naimy, phailo mang i kry ai nai teu: cha i leu my ly padei nai teu, phailo my naini paheng nai ne.

II KORINTH 5:16

Hunai deaungkho y kaichi ly vai i dengdairei tlang mang y ly ami ai py pany y; kaichi ly tlang y Krista ai ly pany chum teu iy py, vai ly mymy ai pany y leang bo.

KALATIA 5:25

Achi ly Phailo y heng nai ne baly, Phailo y tako u teang sina.

EPHESI 4:17

Hunaibaly kai ly huna nai thui iy Areng y kang pany hai nai ne: Cheng Takhrachi i dawn rumrang nai tako nai kamta ly tako u bi moh; nichi i pany naira y ly veng nai ne;

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

KOLOSA 2:12

nangchi ly baptisma y ly mymy hawi vanrei a-up u teang nai veng bo, hunira y ly, kadeichi theung i dengdairei mymy ai pathau nai keung Tameuh i sa nai sai ym nai deaungkho y, nangchi ai mymy hawi vanrei ang pathau teang nai veng bo.

KOLOSA 3:1

Hunaibaly nangchi ly Krista hawi vanrei pathau nai awm u chum bo nabaly, salo mang i, Tameuh i lamtang mang y ateh nai Krista i awm naira i atiti awm naichi ai hau u.

KOLOSA 3:17

Naibaly nangchi i sa nai ngierei ly leu thui naira y mo, atiti sa naira y mo, mymy i saho y Ngaai Tameuh teng y kawn nai leu thui nai tarawi y, Areng Isu i amyn y so u bebe.

KOLOSA 3:23

Mymy i tavawi tha nai, yhmtheaung amtym ai nai ly Areng teng i dengdairei nga ai nai pany u iy, nangchi i sa nai ngierei ly khumi i vui kamta so y naimy,

I THESALONIKA 5:10

achi ly i iy py, anglaw iy py achi ly mymy hawi vanrei heng thai ai nai, achi i vui y ang dei pi.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

I PETERA 4:6

Hini deaungkho y chy bo nichi ai ly tlang mang y khumichi kamta tara chih nai teu iy py, phailo mang y ly Tameuh kamta heng u thai ai nai, kadeichi teng y Satang Kahawi thui pi nai ly. i

I JOHAN 4:9

Hinira y ly Tameuh i tamen naira ly achi i tlang tleaung y amteng bo; achi ly mymy deaungkho y heng thai ai nai Tameuh my mymy i Chapo leaungrei awm khyh nai ai khaileaung pri y ang pato.

AMTENG HAI NAI 1:18

“Jei moh; kai ly kangman keh nai hawi kangkhym keh nai hawi, heng nai keung py ne; kai ly dei i, na i py khen cham, deungtasarei i vui y kai ly heng teang nai ne, deira hawi tavaukho i sawchi py kai teng y awm.