II KORINTH 5:14 - Khumi Common Language Bible

¹⁴ Krista i tamen naira my ly kaichi ai ang kawm rang nai bo; hunaibaly kaichi ly hina nai dawn, bawibawichi i dei ai nai jeng y leaungrei dei, hunai deaungkho y bawibawichi dei nai ne;

II KORINTH 5:14 ပူးပေါင်းရင်းမြစ်များ

1 NENG SATANG 11:18

Huna nai khala amyn amthang nai sorai leaung thomreichi ly Philistia khumichi tai naira y tako prei i, tuikanra i tui maidenreichy deu iy, Davida teng syn pi. Na i py samrang ly huni tui nei pi y. Huni tui nei ai nai tleaung y ly Areng teng y talam nai leih vui bo.

JOBA 32:18

Kai ly leu katheu y naimy awm ai nai am-yh pajau y bo. Kaimy i labeaung mang theu nai leuchi ai, paka pajau y bo.

Solomon i khulym 1:4

Kai ai nang hawi vanrei hawi jo kyh ba, ani tako hawi kaliki sina; kai i samrang lawm ba, kai ai nang i yhm takun theung mang y pahawi ba. Ani ly amo theu naimy awm ahawi ai; kreip hang nei iy akhrei ahawi sina. Neampachy luteng my nang ai khrei nai ly lyh ai nai by y leang!

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

LUKA 15:24

hini kai i chapo ly dei nai, heng ali teang nai bo he; tama nai kaniu ali teang nai bo he,’ napi. Naibaly amo theu parai naimy awm u bo.

LUKA 15:32

amo theu nai kawn parai naimy awm ai nai tla chy bo; hini ngamnau ly dei nai heng teang nai na a; tama nai niu teang nai na a,’ napi,” nanai thui pi.

LUKA 24:29

Naibaly nini my ni ai kam i, “Kaini teng y ango ba; kani py pathyp bo, kani py avah ai bo,” napi. Naibaly mymy ly nini teng y anga ai nai kun bo.

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

JOHAN 11:25

Isu my ni teng y, “Kai ly angthau teang naira hawi hengra py ne; ami py kai ai ym nai ly dei i py heng ai;

JOHAN 5:25

Meitang khypkhyp kang thui pi, neng ang tym dudu bo, vai py tym ryp bo, huna nai khala y ly kadeichi my Tameuh i Chapo raawi thai ai i, thai nai ngierei ly heng ai.

AMTAW 18:5

Na i py Sila nini Timothei ly Makedonia pri i dengdairei tym kathiu kha ly Pawla ly paleung am-yh pajau y nai awm i, Isu ly Krista ne, nanai Judachi teng y thui pi pachai.

ROM AVANGCHI TENG Y PAWLA I CHA PA NAI 2:2

Naibaly hunai kamta atiti sa reng nai keungchi i tlang tleaung y ly Tameuh i cheh nai ly teng, nanai achi pany.

ROM AVANGCHI TENG Y PAWLA I CHA PA NAI 5:15

Na i py huni atiti jawm pei nai ly kamngo naira hawi atawm y leang teang. Khumi leaungrei ly kamngo nai deaungkho y malawn py khumi neangneang dei baly, Tameuh i pahenra hawi, huni pahenra i pei nai khumi leaungrei Isu Krista py khumi neangneangchi i tlang tleaung y bawn nai awm khyp bo.

ROM AVANGCHI TENG Y PAWLA I CHA PA NAI 6:13

nangchi i tlang kangpreichi py hawi y naira i hai lawn ai nai kamngo teng y pei u moh; na i py kadeichi theung i dengdairei heng teang nai kamta Tameuh teng y apei u ly, nangchi i tlang kangpreichi py hawi naira i hai lawn ai nai Tameuh teng y phai pei u.

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

I KORINTH 16:22

Ami py Areng ai tamen y baly amsawi lawi nai awm sy.

I KORINTH 2:14

Tlang mang y asa nai khumi ly Tameuh i phailo mang i atitichi ai ly kawn y leang; ni i vui ly pathu naira ne; hunichi ai Phailo mang y dawn pasym nai ne nai deaungkho y mymy ly pipi pany pajau y.

II KORINTH 3:7

Na i py dei naira i kalop sa nai, lengseaung y cha mawih tajiu nai malawn py huna tanrei nang parai naira y tym iy, Israela kangpreangchi ly Mosi i meimai nang parai nai sai deaungkho y ni i meimai ai khen jo pajau y baly (huni nang parai nai sai ly tama ryh tama ryh nai ne),

II KORINTH 3:9

Pasum ai naira i kalop sa nai malawn py nang parai naira awm baly, hawi naira i kalop sa nai ly nang parai naira mang y khrikhri pa-rei ty ai nai tla.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

EPHESI 6:24

Achi i Areng Isu Krista ai tamen nai rawm y nai bawibawichi teng y pahenra awm sy.

KOLOSA 2:13

Naibaly nangchi ly nangchi i taphra nairachi hawi nangchi i ngan y lengkhym takip y nai deaungkho y dei u nai ne, nangmychi kypkyp ai ly mymy hawi vanrei ang paheng nai ne chy bo;

KOLOSA 3:3

Ati mana nai mo nabaly nangchi ly dei bo, naibaly nangchi i hengra ly Tameuh y Krista teng y heu veng bo.

I TIMOTHEI 2:6

mymy py khumi, Isu Krista ne, ni ly khumi bawibawichi i atleu naira lawn ai nai apei bo; huni ly neng khyp nai khala y pany hai nai awm bo;

I TIMOTHEI 5:6

na i py amo theu naira y apei nai neampachy lumai my ly heng nai thym khala y py dei nai ne.

TITA 3:3

Ati mana nai mo nabaly achi py jangni y ly cheng y nai hawi, leu tangai y nai hawi, tapawp naira y awm nai hawi, tlang i ngai phi teng y naira hawi amo theu naira takhra takhra i miseaung y lawn nai hawi, thui tamawn nai hawi, paleung no naira y awm iy, amso awm nai hawi amychi tengtawi aniu ngai y naichi py ne teang.

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

I JOHAN 5:19

Naibaly achi ly Tameuh i ne, nanai hawi khaileaung pri bomrei ly kamngo sa reng nai keung i ngaingai awm, nanai py achi pany.