II KORINTH 5:1 - Khumi Common Language Bible

¹ Ati mana nai mo nabaly achi i awm nai khaileaung i yhm ly aphrei iy py, kani mang y kiu so y nai, deungtasarei awm ai nai, Tameuh teng i yhm awm, nanai achi pany.

II KORINTH 5:1 ပူးပေါင်းရင်းမြစ်များ

ATITI AWM ANGCHEI NAI 3:19

Nang ai sa nai khaileaung y ali teang y ryrei ly ka-ui leaung pa-rau na pa-rei akawm parai naimy kalop sa iy cha ai nai tla ai. Nang ai khaileaung hawi sa nai ne i, khaileaung lawm ali teang ai,” napi.

JOBA 30:22

Mymy ly kaichi ai ali theung y ahei hai iy, alipui khupui theung y patang hai kalikachi bo.

JOBA 4:19

Mymy ly khaileaung hawi sa nai, spryh hawi palum iy mipo ai kamta taphra pajau nai, heng nai amjy khumi ai ym ai, nanai nang ly athang khai a?

SAM 56:9

Nang teng y kai i hnei takeng nai kani y, paleung ka-echi ly anaw u pawn ai. Tameuh ly kai mang y awm, nanai kapany bo.

ISAIA 38:12

Taphra vui nai tai kamta py, pe anengra i nai oh iy ajiu vui nai kanih kamta py, kai i heng nai deung ly leu baw iy tem veng bo.

MARKA 14:58

“Mymy ly, ‘Hini kiu y sa nai achura yhm kalen pui ly ka-phrei iy, kani thomrei nai sala y takhra harei kiu y so y nai kasa teang ai,’ nanai kaichi thai,” napi.

AMTAW 7:48

ati py ne sy Salo Kangteng my ly kiu y sa nai yhm y awm vai y; amo my ly hinai kamta thui i,

I KORINTH 3:9

Kaini ly Tameuh hawi kalop sa ahawi nai ne; nangchi ly Tameuh i pachai nai hlau ne i, Tameuh i sa nai yhm py ne teang.

II KORINTH 4:7

Na i py khri pa-rei atiti sa thai naira ly kaimychi teng i ny y naimy, Tameuh teng i ne lawh thai ai nai, kaichi ly hini yhmtheaung katui ly alai laawm y awm nai ne.

II KORINTH 5:4

Achi, hini awm naira y awm naichi ly kaji pho nai tangam khyp nai bo; achi ly akhiu y naimy awm ai ngai nai deaungkho y ny y leang, na i py dei thai nai ai ly hengra my pajawn pajau thai ai nai, akhiu nai awm ai ngai nai deaungkho y teu.

KOLOSA 2:11

Nangchi ly Krista i lengkhym takip pi naira y ly ngan i tlang lei be nai, kiu y lengkhym takip nai ny y naimy, mymy y ly lengkhym takip u nai ne chy bo;

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

HEBRAI 11:10

mymy ly lengseaung leng chum nai avang ajeng dudu nai ne; huni sa nai sai dawn yb nai hawi sa nai keung ly Tameuh ne.

HEBRAI 9:11

Na i py Krista ly atiti kahawi awm ai nai y pathyp pi nai keung kalen keh ang jeu iy, kiu y so y nai, atiti sa naichi theung i ny y nai achura yhm nang keh nai hawi angym keh nai mang y tako prei bo:

HEBRAI 9:24

Krista ly kiu y sa nai Meingtym Kachai, meitang atawm hai naira y kun y leang; na i py vai ly Tameuh i mo y achi i jeng y angdo ai nai kani mang kypkyp y kun lawh veng;

I PETERA 1:4

mawn thai y nai yhmtheaung kamtym, anyng akau y nai, rawm thai y nai kani pri mang y nangchi i vui khai pi nai py nga ai nai achi ai ang tapen hai bi bo;

II PETERA 3:11

Huni atitichi ly hunai kamta tama bebe ai nai tla, nanai nangchi pany nai deaungkho y, Tameuh i kani tym ai nai athang khai nai hawi, kasa hai ai nai py amhi amtlau nai sai kachai y hawi Tameuh ai dawn ryhryh naira y ly khumi mani ka-tawm awm u ai nai tla mo?

I JOHAN 3:14

Achi ly amjo amnauchi ai tamen nai deaungkho y, dei naira i dengdairei theu iy hengra y kun bo, nanai ly achi pany. Ami py tamen naira by y nai ngierei ly dei naira y awm jojo rai.

I JOHAN 3:19

Hunira y achi ly leu meitang naira i nai ne, nanai achi pany ai i,

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.