II KORINTH 4:8 - Khumi Common Language Bible

⁸ Kaichi ly makeng makengrei mang y patang nai awm, na i py kaichi ly taho amchei y leang; kaichi ly ati sa ai nai dawn pajau y nai awm, na i py athang pipi by y nai awm y leang;

II KORINTH 4:8 ပူးပေါင်းရင်းမြစ်များ

SAM 129:2

“Kai ai deaungdi chy khala i dengdairei paleung ka-echi ly khri pa-rei ana u bo; na i py nichi ly kai i tlang tleaung y eaung naira ngo u y leang.

SAM 37:33

Na i py Areng ly khumi kahawi ai, paleung ka-e i kiu y khai su ai ny y. Ni ly tara jeung y tym iy, tara chih nai avum lawh baly, ni ai pajeng nai tym hai ai ny y.

LEU KACHENG 14:26

Areng ai jei kaji naimy tahm khai nai ly my hawi, my i yhm dengtheungchi ai chymme naira hawi, ka-ymra nga hai pajau nai ai.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

HABAKKUK 3:17

Thaidu keungchira y athai by y, kreip keungchi ly kreip athai athai y; Olive keungchi eaung y, li hlauchira y amti amjang thawn y, beramchi ly dei be i, tawnbawi yhmchi akeu rang teu i py,

JOHAN 14:18

“Nangchi ai nuro kang khai jo y leang mang; nangchi teng y kang jeu teang ai.

I KORINTH 10:13

khumi i kham pajau ai nai ryrei ny y baly parawi naira nanai ly nangchi i tlang tleaung y pipi tym vai y leang. Na i py Tameuh ly ka-ym awm nai ne, ni my ly nangchi kham pajau ai nai ryrei ny y baly parawi naira avum ai nai pei y ai; na i py nangchi kham pajau thai ai nai, parawi naira hawi vanrei nangchi i theu ai naira lam ang sa pi ryp ai.

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

II KORINTH 6:12

Nangchi ly kaimychi y dawn amchei nai awm u y leang, nangmychi i paleung i tamen naira y dawn amchei naira awm u lawh nai teu.

II KORINTH 6:4

na i py Tameuh i krykeungchi kamta ati cheaungkhangra y py khumi i mei kangai awm, khri pa-rei kham pajau naira y py, patang naira y py,

II KORINTH 7:5

Kaichi ly Makedonia pri y tym iy py kaichi i tlang my ly pipi awmnem naira awm lawh y leang, kaichi ly makeng makengrei mang y ly patang hai naira avum lawh; angam mang y ly ani nairachi awm iy, theung mang y ly ka-jei awm nairachi awm.

KALATIA 4:20

Ne, vai dymkhawn ly nangchi teng y awm iy, kai i raawi takhra hai ai nai kangai; nangchi i molam y ly kai ly dawn pajau y.

1 SAMUELA 28:15

Samuela ly Sawla teng y, “Nang ly ati mana nai kai ai khrukhra hai lawh mo? Ati mana nai kai ai palau teang lawh mo?,” nanai deng. Sawla my, “Kai ly khri pa-rei patang naira avum nai ne. Philistia chengchi ly kai hawi tavai atiu bo. Areng my py kai ai khai su bo. Mymy ly amochi hawi py, amang mang py, kai ai pathang pi y. Hunai deaungkho y kai ly nang ai palau nai ne. Kai ly ati mana sa ai mo, nanai leu pei ba,” napi.

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.

1 SAMUELA 31:4

Samrang ly tavai ateaung syn pi nai thawndeang teng y, “Hini Tameuh by y nai Philistia chengchi ly paleung amo theu naimy, kai ai ana iy padei pajau y ai nai, nang ly nangmy i haisau la iy, kai ai padei vui ba,” napi. Na i py huni thawndeang ly jei ala nai deaungkho y padei vam y i, Sawla ly my i haisau la iy pado; naibaly huni haisau tleaung y taba i dei bo.