II KORINTH 4:7 - Khumi Common Language Bible

⁷ Na i py khri pa-rei atiti sa thai naira ly kaimychi teng i ny y naimy, Tameuh teng i ne lawh thai ai nai, kaichi ly hini yhmtheaung katui ly alai laawm y awm nai ne.

II KORINTH 4:7 ပူးပေါင်းရင်းမြစ်များ

JOBA 10:9

Nang ly kai ai khaileaung hawi sa palum pi, nanai pany jo ba. Kai ai taphra vui iy, spryh lawh hai teang ai a?

JOBA 33:6

Nang hawi kai ly Tameuh i mo y takhra y leang; ani ai ly spryh hawi sa nai ne.

JOBA 4:19

Mymy ly khaileaung hawi sa nai, spryh hawi palum iy mipo ai kamta taphra pajau nai, heng nai amjy khumi ai ym ai, nanai nang ly athang khai a?

TANGAM NAI LEU 4:2

Zion mary i khumi ka-cheangchi ly achi i vui y muku kamta vang teng parai teu i py, vai i neng y ly alai laawmchi kamta dawn ai nai avum u lawh bo.

MATTHAI 13:44

“Kani pri my peang nai ly hlau y yhmtheaung kangviu y up nai kamta atawm; huni ly ami my niu iy heu ra i, kawn nai deaungkho y mymy i awm nai bawibawi jo iy huni hlau ly van.

MATTHAI 13:52

Nichi my ly mymy teng y, “Ne chy,” napi. Naibaly mymy ly nichi teng y, “Huna nai ne baly kani pri my peang nai i abang nai khumi ai palawn nai Reita patiu nai keung ngierei ly, yhmkeung my mymy i yhmtheaung dengdairei atiti kangthachi hawi atiti kangngymchi py patheaung nai kamta atawm,” napi.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

I KORINTH 1:28

naibaly Tameuh my atiti awm naichi ai ly ati sai py ny y nai palawn thai ai nai, khaileaung pri i atiti kapheaungchi hawi atiti tahm anem naichi, atiti by y naichi hawi raurei ai vawi lawh veng:

II KORINTH 10:10

Ati mana nai mo nabaly nichi ly, “Mymy i cha pa naichi ly ji py ji, ho py ho; na i py mymy i mo ly tahm by y, mymy i leu katheu nai py kaneng by y,” napi.

II KORINTH 13:4

Ni ly ham y nai deaungkho y tahen naimy awm veng, na i py ni ly Tameuh i atiti sa thai naira deaungkho y heng nai ne. Kaichi py mymy y ly ham y nai ne, na i py nangmychi mang y Tameuh i atiti sa thai naira deaungkho y kaichi ly mymy teng y heng teang ai.

II KORINTH 4:1

Hunai deaungkho y kaichi ly pahen naira nga nai kamta hini krykeung kalop sa ai nai awm nai deaungkho y kaichi ly paha y leang;

II KORINTH 5:1

Ati mana nai mo nabaly achi i awm nai khaileaung i yhm ly aphrei iy py, kani mang y kiu so y nai, deungtasarei awm ai nai, Tameuh teng i yhm awm, nanai achi pany.

II KORINTH 6:10

paleung mawn nai kamta, na i py kawn jojo lawh nai; kamawn kamta, na i py khumi neangneangchi ai nang hai lawh nai; ati sai py by y nai kamta, na i py ati cheaungkhang neangneang awm lawh nai.

EPHESI 2:5

achi my taphra naira y dei nai thym khala i nai py, Krista hawi vanrei ang paheng teang (pahenra y nangchi ai paheng nai bo),

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

KOLOSA 1:27

Hunichi teng y Cheng Takhrachi theung y huni leu kathiu nang parai naira i nang nai sai ly Tameuh ly pany hai ai nai ngai nai ne: huni ly hini ne he, Krista, nangmychi y awm nai, nang parai naira nga ai nai athang khai naira ne;

KOLOSA 2:12

nangchi ly baptisma y ly mymy hawi vanrei a-up u teang nai veng bo, hunira y ly, kadeichi theung i dengdairei mymy ai pathau nai keung Tameuh i sa nai sai ym nai deaungkho y, nangchi ai mymy hawi vanrei ang pathau teang nai veng bo.

KOLOSA 2:3

pany thai naira i ym thleng thleng nai nang naira bawibawi nga ai nai tamen naira y amtawm achu iy, nichi i paleung ly awmnem thai ai.

I THESALONIKA 1:5

huna nai kaichi i Satang Kahawi thui pi nai ly nangchi teng y leu y my tlairei khyh ny y i, sa thai naira y hawi Phailo Kachai y hawi khri pa-rei ym cheng cheng naira y py tym lawh nai ly; kaichi ly nangmychi i vui dawn hai nai nangchi i tlang tleaung y mana tanrei sa mo, nanai ly nangchi pany.

I THESALONIKA 4:4

Naibaly Tameuh ai pany y nai Cheng Takhrachi i ngai phi teng y nai deaungkho y paleaung nai kamta ny y naimy,

II TIMOTHEI 2:20

Na i py yhm kalen pui y ly muku hawi tangka laawmchi harei khyh ny y naimy, dengkeaung hawi alai laawmchi py awm teang; phyrei ly tahm asang ai nai awm iy, phyrei ly tahm anem naira y awm teang.

TARA CHIH NAI KEUNGCHI 7:2

Areng my Kideon teng y, “Nang teng y abang nai khumichi ly vuikanai nawi ala nai deaungkho y, Midian chengchi ai eaung ai nai kang pei y; kang pei lawh baly, nichi ly mychi i atho hawi eaung nai teu nanai athang khai ai i, kai i saho y, nanai palawn y ai.